تیمی یەكێتی لەحكومەت: داوای دابەشكردنی مووچەمان كردووە
کوردستان 12:58 PM - 2024-03-18تیمی وەزاری یەكێتیی نیشتمانیی كوردستان لە حكومەت
تیمی وەزاری یەكێتیی نیشتمانیی كوردستان لە حكومەت لەبارەی مووچەی مووچەخۆرانی هەرێمەوە روونكردنەوەیەك بۆ رای گشتی بڵاودەكاتەوەو رایدەگەیەنێت: "لەدوا كۆبوونەوەی ئەنجومەنی وەزیراندا، تیمی وەزاری یەكێتی داوایكردووە بەو بڕە پارەیەی لەبەغداوە هاتووە دەستبكرێت بە دابەشكردنی مووچەو هەوڵ بدرێت داوای ئەو بەشەی تریش لە وەزارەتی دارایی عیراق بكرێت بۆئەوەی بینێرێت".
راشیدەگەیەنێت: "ئەوانەی لە هەوڵی تێكدانی نێو ماڵی كوردن بوونەتە باعیسی رێكنەكەوتن و تێكدانی پەیوەندییەكانی نێوان هەرێم و بەغدا و دواتر خەڵكی كوردستانیش دەبنە قوربانی ئەو سیاسەتە هەڵەیەو ناكرێت پشوودرێژی خەڵك لەبەرچاو نەگیرێت و مافەكانیان پەراوێز بخرێت".
دەقی روونكردنەوەكە:
روونكردنەوەیەك بۆ رای گشتی..
لە چەند رۆژی رابردوودا هەواڵ و تەسریباتی ناڕاست و نادروست لە سەر بابەتی مووچە زۆر وترا و بڵاوكرایەوە، بۆ راستكردنەوە و گەیاندنی زانیارییەكان بە دروستی و دوور لە موزایدەی سیاسی، مەبەستمان بوو ئەم دوو خاڵە بخەینەڕوو..
یەكەم: لە دوا كۆبوونەوەی ئەنجومەنی وەزیراندا، تیمی وەزاری یەكێتی داوایكرد بەو بڕە پارەیەی كە لە بەغداوە هاتووە دەستبكرێت بە دابەشكردنی مووچەی مووچەخۆرانی هەرێم، چونكە بەرەجەژنانە و خەڵك چاوەڕێی ئەو مافەی خۆیەتی وەریبگرێت، لەگەڵ ئەوەش هەوڵ بدرێت ئەو بەشەی تریش داوا بكرێت لە وەزارەتی دارایی عیراق بینێرێت. هەبوون كە لایەنی سەرەكی حكومەتن؛ لە دژی ئەو بۆچوونەی ئێمە قسەیان كرد.. جگە لەوە هەرچییەك وترابێت بە پێچەوانەی ئەوەی دەیڵێین؛ راست نییە و مەرام و موزایەدەی سیاسی لە پشتە.
دووەم: یەكێتیی نیشتمانیی كوردستان بە حیزب و تیمی حكومەتیشەوە، سیاسەتێكی میانڕەوانەی گرتووەتەبەر لەگەڵ لایەنەكانی هەرێم و عیراق و هاوسەنگی راگرتووە لە پێناو پاراستنی سەقامگیری و بەدەستهێنانی مافەكانی گەلی كورد كە بە خوێنی شەهیدانمان بەدەست هاتوون و ئەمانەتە لە ئەستۆی هەموومان، هەرگیز هەوڵی تێكدانی نێو ماڵی لایەنەكانی هەرێم و بەغدای نەداوە لەپێناو پۆستێكی دیاریكراودا. بۆیە ئەوانەی ئەو هەوڵانە دەدەن، بوونەتە باعیسی رێكنەكەوتن و تێكدانی پەیوەندییەكانی نێوان هەرێم و بەغدا و دواتر خەڵكی كوردستانیش دەبنە قوربانی ئەو سیاسەتە هەڵەیە.
لە كۆتاییدا دەڵێین؛ بەم رەمەزان و بەرەجەژنانە، خۆزگە لەبری بەیاننامە و لێدوان و تەسریباتی ناڕاست، بە هەموومانەوە هەوڵی چارەسەركردنی ئەو كێشەمان بدایە كە زیاد لە 10 ساڵە ماف و شایستەی مووچەخۆرانمان دەستەبەر ناكرێت. خەڵكی كوردستان راستە پشووی درێژە بەڵام ناكرێت ئەو پشوودرێژییە لەبەرچاو نەگیرێت و مافەكانیان پەراوێز بخرێت.
تیمی وەزاری یەكێتیی نیشتمانیی كوردستان
PUKMEDIA
هەواڵی زیاتر
-
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
10:11 AM - 2024-04-27 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25
ئەمانەش ببینە
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
09:51 PM - 2024-04-26
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
سەرۆک بافڵ: خوێندکاران رۆحی ئەم کۆمەڵگەیەن
06:58 PM - 2024-04-26
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
09:59 AM - 2024-04-26
زۆرترین خوێنراو
-
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
کوردستان 10:11 AM - 2024-04-27 -
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26