د. نەرمین مەعروف: عیراق مووچەی مانگی ئادار بەبێ هەژماری بانكی نانێرێت
کوردستان 03:17 PM - 2024-03-13كۆبوونەوەی وەزیری دارایی عیراق لەگەڵ لیژنەی دارایی ئەنجومەنی نوێنەران
وەزیری دارایی عیراق لە كۆبوونەوەی ئەمڕۆیدا لەگەڵ لیژنەی دارایی ئەنجومەنی نوێنەران پێی راگەیاندن: "بەهیچ شێوەیەك بۆ دروستكردنی هەژماری بانكی بۆ مووچەخۆرانی هەرێم كار بە هەژماری من ناكەین و بۆ مووچەی مانگی شوباتیش حكومەتی هەرێم لیستی هەر وەزارەتێكی بەداتاو زانیارییەوە ناردبێت، پاش وردبینی مووچەی وەزارەتەكەمان ناردووە"، ئەندامێكی لیژنەی دارایش دەڵێت: "وەزیری دارایی پێیڕاگەیاندین، مووچەی مانگی ئادار بەبێ هەژماری بانكی نانێرین.
د. نەرمین مەعروف ئەندامی لیژنەی دارایی لە ئەنجومەنی نوێنەرانی عیراق لە لێدوانێكیدا بۆ میدیاكان رایگەیاند: "لە كۆبوونەوەی لیژنەكەمان لەگەڵ تەیف سامی وەزیری دارایی عیراق پێی راگەیاندین، ئەو بڕە پارەیەی بۆ مووچەی مانگی شوباتی فەرمانبەران نێردراوە بەپێی ئەو خشتەیە بووە كە حكومەتی هەرێم ناردوویەتی، بۆیە بڕەكەی 560 ملیار دینارە، لە كاتێكدا مانگی یەكی ئەمساڵ 618 ملیار دینار بۆ مووچە نێردراوە، لەكاتێكدا ئەو 618 ملیار دینارە بەپێی لیستی مووچە نەبووە بەڵكو لەكۆی تەرخانكراوی مووچە بووە".
عیراق مووچەی مانگی ئادار بەبێ هەژماری بانكی نانێرێت
راشیگەیاند: "ژمارەیەك وەزارەت زانیارییەكانيان بۆ وەزارەتی دارایی عیراق نەنێردراوە هەربۆیە دارایی عیراق پارەی مووچەی بۆ رەوانە نەكردوون"، لەبارەی مووچەی مانگی داهاتووشەوە نەرمین مەعروف وتی: "وەزیری دارایی عیراق جەختی كردووەتەوە كە مووچەی مانگی ئادار بەبێ هەژماری بانكی بۆ مووچەخۆرانی هەرێم نانێردرێت".
ئەندامەكەی لیژنەی دارایی وتیشی: "روونكردنەوەكەی دوێنێی دادگای فیدراڵی لەبارەی پێدانی مووچەی كاش بۆ مانگی ئادار بەو مووچەخۆرانەی هەژماری بانكیان تەواونەكردووە، پێدانی كاتە پێیان تاوەكو هەژمارەكانیان دەكەنەوە نەك هەڵوەشاندنەوەی ئەو بڕیارە بێت كە چیتر بەبێ هەژماری بانكی مووچەی مووچەخۆرانی هەرێم نەنێردرێت".
لەبارەی مووچەی هێزە ئەمنییەكانیشەوە د. نەرمین مەعروف رایگەیاند: "لە كۆبوونەوەكەی ئەمڕۆدا وەزیری دارایی رایگەیاند، هەركاتێك لیستی مووچەی هێزە ئەمنییەكان بەناو و داتای تەواوەوە بۆ وەزارەتی دارایی عیراق بنێردرێت ئێمەش پارەی مووچەیان بۆدەنێرین".
وەزیری دارایی عیراق: كار بە هەژماری من ناكەین
هەرلەوبارەیەوە جەمال كۆچەر ئەندامی لیژنەی دارایی ئەنجوومەنی نوێنەرانی عیراق لەكۆنگرەیەكی رۆژنامەوانیدا رایگەیاند: "لەكۆبوونەوەكەی ئەمڕۆماندا وەزیری دارایی عیراق رایگەیاند، لە ئێستادا مووچەی خانەنشینانی هەرێمی كوردستان هاوتای بەغدا ناكرێت، هەر وەزارەتێكیش لیستەكەی ئامادەبێت پارەی بۆ دەنێرین".
وتیشی: "تەیف سامی وەزیری دارایی عیراق جەختیلەوە كردووەتەوە، تاوەكو مووچەی فەرمانبەرانی هەرێمی كوردستان بە بانكی نەكرێت، پارە بۆ مانگی ئادار نانێرین، ئەمەش لەكاتێكدایە كۆمپانیایەك ئامادەیە لە ماوەی 15 رۆژدا هەژماری بانكی بۆ مووچەخۆرانی هەرێم بكاتەوەو مووچەكانیان بە بانكی بكات".
ئەندامەكەی لیژنەی دارایی راشیگەیاند: "وەزیری دارایی عیراق رایگەیاندووە، بۆ ناردنی مووچەی مووچەخۆرانی هەرێم كار بە هەژماری من ناكەین".
PUKMEDIA
هەواڵی زیاتر
-
پەرلەمانتارێکی یەکێتی: قبوڵی ناکەین جیاوازی لەوەرگرتنی گەنمی جوتیارانی هەرێم بکرێت
05:11 PM - 2024-04-29 -
سەرۆک بافڵ هاوخەمی ئاراستەی بنەماڵەی کوێخا سمایلی تەلان دەکات
04:09 PM - 2024-04-29 -
یادی ٤٥ ساڵەی شەهید سیروان و هاوڕێکانی
10:41 AM - 2024-04-29 -
کۆنفرانسی زانستی نێودەوڵەتی کاری کۆمەڵایەتی سازدەکرێت
10:46 AM - 2024-04-28
ئەمانەش ببینە
چوار باڵیۆزی نوێ لە عیراق دەستبەكار دەبن
02:41 PM - 2024-04-29
خوێندكارانی عیراق و ههرێم بۆ خوێندن دهنێردرێنه دهرهوهی وڵات
12:03 PM - 2024-04-29
دانهغاز: زیانی كهم بهر كۆرمۆر كهوتووه و بهكاتی بهرههمهێنان رادهگرین
10:54 AM - 2024-04-29
لوقمان وەردی: یەكێتی لەگەڵ دواخستنی هەڵبژاردن دا نییە
03:06 PM - 2024-04-28
زۆرترین خوێنراو
-
پرسەنامەی کۆسرەت رەسوڵ عەلی بۆ خانەوادەی کوێخا سمایلی تەلان
پرسەنامە 07:19 PM - 2024-04-29 -
پەرلەمانتارێکی یەکێتی 85 ئیمزا بۆ قەرەبوی هەڵەبجە کۆدەکاتەوە
کوردستان 06:27 PM - 2024-04-29 -
پەرلەمانتارێکی یەکێتی: قبوڵی ناکەین جیاوازی لەوەرگرتنی گەنمی جوتیارانی هەرێم بکرێت
کوردستان 05:11 PM - 2024-04-29 -
سەرۆک بافڵ هاوخەمی ئاراستەی بنەماڵەی کوێخا سمایلی تەلان دەکات
پرسەنامە 04:09 PM - 2024-04-29 -
چوار باڵیۆزی نوێ لە عیراق دەستبەكار دەبن
عیراق 02:41 PM - 2024-04-29 -
هاوخەمی سەرۆک بافڵ بۆکۆچی دوایی مام وسو
پرسەنامە 02:09 PM - 2024-04-29 -
خوێندكارانی عیراق و ههرێم بۆ خوێندن دهنێردرێنه دهرهوهی وڵات
کوردستان 12:03 PM - 2024-04-29 -
دانهغاز: زیانی كهم بهر كۆرمۆر كهوتووه و بهكاتی بهرههمهێنان رادهگرین
کوردستان 10:54 AM - 2024-04-29