سەرۆكکۆمار پێشوازی لە سەرۆكی ئەرمینیا دەکات
عیراق 12:56 PM - 2024-02-27سەرۆککۆمار و سەرۆکی ئەرمینیا
د.لەتیف جەمال رەشید
سەرۆك کۆمار ئەمڕۆ سێشەممە 27-2-2024 لە مەراسیمێکی رەسمیدا، کە لە کۆشکی بەغدا
بەڕێوەچوو، پێشوازی لە ڤاهاگن خاچاتوریان سەرۆك کۆماری ئەرمینیا و وەفدی یاوەری
کرد.
لە
مەراسیمەکەدا، سرودی نیشتمانیی هەردوو وڵات لێدرا، دواتر هەردوو سەرۆك پاسەوانی
شەرەفیان پشکنی و سڵاویان لە وەفدی هەردوو وڵات کرد، لە پاش تەواوبونی مەراسیمەکە، سەرۆك کۆمار و سەرۆك
کۆماری ئەرمینیا گفتوگۆی دوو قۆڵییان لەبارەی پەیوەندی نێوان هەردوو وڵات و
رێگاکانی پەرەپێدانی دەستپێکرد.
پەرەپێدانی پەیوەندییەکان تاووتوێکران
لە سەرەتای دیدارەکەدا سەرۆك
کۆمار بەخێرهاتنی سەرۆك کۆماری ئەرمینیای کرد و هیوای خواست ئەم سەردانە
ببێتەمایەی پتەوکردن و پەرەپێدانی پەیوەندییەکانی نێوان هەردوو وڵات و پشتیوانی بکات
لەخواستە هاوبەشەکان لە بوارەکانی چەسپاندنی ئاشتی و گەشەپێدانی بەردەوام لە
ناوچەکە و جیهاندا. هەروەها سوپاس و ستایشی گەلی ئەرمەنیشی کرد بۆ ئەو پێشوازیە
گەرمەی لە سەرۆککۆمار کرا کاتێك لە ماوەی رابردوا سەردانی ئەرمینیای کرد.
هەردوو سەرۆك کۆماری عیراق
و ئەرمینیا، چونێتی پەرەپێدانی پەیوەندییە دووقۆڵییەکانی نێوان هەردوو وڵات و
فراوانکردنی ئاسۆی هاریکاری هاوبەشیان لە بوارە جیاجیاکانی ئابوری و بازرگانی و
وەبەرهێنان و زانستیدا و تەکنیکی و تەکنەلۆجیا و تەندروستی و فێرکردن و گەنجان و
گەشتیاری و رۆشنبیری تاووتوێکرد، بەشێوەیەک کە خزمەت بە بەرژەوەندییەکانی هەردوولا
بکات و هەوڵە هاوبەشەکان بۆ گەیشتن بە ئاسایش و سەقامگیری و گەشەسەندنی وڵاتان و
گەلانی ناوچەکە دەستەبەربکات.
لەبەرامبەردا سەرۆك
خاچاتوریان خواستی وڵاتەکەی بۆ پتەوکردنی پەیوەندییەکانی لەگەڵ عیراق و کردنەوەی
ئاسۆی نوێ لە بوارە جیاجیاکان و هەماهەنگیکردن لەبارەی سەرجەم پرسە جێبایەخە
هاوبەشەکان، دەربڕی.
بەهێزکردنی هاریکاری و هەماهەنگی نێوان هەردوو وڵات
دواتر گفتوگۆی بەرفراوان
لەنێوان هەردوولادا بەڕێوەچوو، سەرۆك کۆمار د.لەتیف جەمال رەشید سەرۆکایەتی لایەنی
عیراقی کرد کە لە د.فوئاد حسێن جێگری سەرۆک وەزیران و وەزیری دەرەوە، د.ئەحمەد
فەکاک ئەلبەدرانی وەزیری رۆشنبیری و گەشتوگوزار و شوێنەوار، خاتوو دیلان
عەبدولغەفور سەرۆکی لیژنەی پەیوەندییەکانی دەرەوەی پەرلەمان، عارف ئەلحمامی سەرۆکی
لیژنەی رۆشنبیری و گەشتوگوزارو شوێنەوار، باڵیۆز محەمەد بەحر ئەلعلوم بریکاری
وەزیری دەرەوە و ژمارەیەك لە بەرپرسان پێکهاتبوو، لایەنی ئەرمینیاش سەرۆک ڤاهاگن
خاچاتوریان سەرۆکایەتی دەکرد و پێکهاتبو لە بەڕێز روستام باکۆیان نوێنەری
ئەنجومەنی گەلی ئەرمینیا و سەرۆکی لیژنەی دۆستایەتی پەرلەمانی، خاتوو لینا نانوشیان
بریکاری وەزارەتی تەندروستی، بەڕێز هاکوب ڤاردانیان بریکاری وەزارەتی ئیدارەی
خۆجێی و ژێرخان، بەڕێز ئەڤیت بۆگۆیان بریکاری وەزیری پیشەسازیی تەکنەلۆژیای
پێشکەوتو، کە ژمارەیەك لێپرسراو و راوێژکاریش یاوەرییان دەکردن.
لە میانی کۆبونەوە
فراوانەکەدا، سەرۆك کۆمار جەختی لە گرنگی پەرەپێدانی پەیوەندییە دووقۆڵییەکان و
بەهێزکردنی هاریکاری و هەماهەنگی نێوان هەردوو وڵات و هەمەچەشنکردنی هاریکاری
ئابوری و بازرگانی و هاندانی کۆمپانیا ئەرمەنییەکان بۆ کارکردن لە ناوخۆی عیراق و
ئاڵوگۆڕکردنی سەردانی وەفدە رەسمییەکان کردەوە، کە دەبنەهۆی زیاترکردنی قەبارەی
ئاڵوگۆڕی بازرگانی نێوان هەردوولا و سود و قازانج بۆ هەردوو وڵات، هاوکات
ئاماژەیکرد بەگرنگی بەردەوامبوون لە کارکردن بۆ بەهێزکردنی رۆڵی لیژنە هاوبەشەکان
و ئیمزاکردنی رێککەوتن و یاداشتنامەی لێکتێگەیشتن بۆ پێشخستنی هاریکاریی ئابوری و
بازرگانی و گەشتیاری و رۆشنبیری و گواستنەوەی ئاسمانی نێوان هەردوو وڵات.
هەردوولا هاوڕابوون لەسەر
گرنگی بەدواداچوونی ئەنجامی کۆبونەوەکانی لیژنەی هاوبەشی عیراق و ئەرمینیا، کە لە
مانگی ئەیلولی ساڵی رابردوودا ئەنجامدران، بە ئامانجی پەرەپێدانی ئاڵوگۆڕی
بازرگانی و گەشتیاری و رۆشنبیری و گواستنەوەی ئاسمانی.
باس لە بارودۆخی ناوچەکە کرا
هاوکات سەرۆك کۆمار
ئاماژەی بەوەدا، کە عیراق سەقامگیری ئەمنی بەخۆوەدەبینێت، هەروەها حکومەتی عیراق
بەرنامەیەکی تۆکمەی بۆ باشترکردنی ئاستی بژێوی هاووڵاتیان و بەرەنگاربونەوەی
گەندەڵی دارایی و ئیداری و کەمکردنەوەی بێکاری و نۆژەنکردنەوەی ژێرخان داڕشتوە.
هەروەها بایەخی
چڕکردنەوەی هەوڵە نێودەوڵەتییەکان بۆ درێژەدان بە بەرەنگاربونەوەی هەڕەشەی
رێکخراوە تیرۆریستییەکان و ئایدۆلۆژیای توندڕەو رونکردەوە، کە بێ جیاوازی ئاسایش و
ژیانی هەمووان دەکەنە ئامانج.
لە کۆبونەوەکەدا باس لە
پێشهاتەکانی بارودۆخی ناوچەکە و ئاڵنگارییە ئیقلیمی و جیهانییەکانی ئێستا کرا، لەم
چوارچێوەیەدا سەرۆك کۆمار هەڵوێستی نەگۆڕی عیراقی لە پاڵپشتیکردنی گەلی فەلەستین
بۆ گەیشتن بە مافە رەواکانی و دامەزراندنی دەوڵەتی سەربەخۆی خۆیان دوپاتکردەوە،
هەروەها جەختیکردەوە، کە پێویستە کۆمەڵگەی نێودەوڵەتی بەرپرسیارێتی تەواوی خۆی
لەئەستۆبگرێت بۆ وەستاندنی دەستدرێژیە ناڕەواکان بۆسەر کەرتی غەزە و کۆتاییهێنان
بە پێشێلکارییەکان و دانانی سنورێک بۆ کردەوە دوژمنکارییەکان لە بەرامبەر گەلی
فەلەستین.
هەروەها باسی لە رەوشی
نێوان ئەرمینیا و ئازەربایجان کرد و جەختی لە هەڵوێستی عیراق کردەوە، کە داوای
گفتوگۆ و ئەنجامدانی دانوستان و گرتنەبەری چارەسەری سیاسی بۆ یەکلاییکردنەوەی
ناکۆکییەکەی نێوانیان دەکات.
سەرۆکی ئەرمینیا هەوڵەکانی سەرۆککۆماری عیراقی بەرزنرخاند
لەلای خۆیەوە سەرۆکی
ئەرمینیا، سوپاس و پێزانینی خۆی بۆ ئەو پێشوازییە گەرم و میواندارییە دەربڕی و
هەوڵەکانی سەرۆك کۆماریشی لە چەسپاندنی بەهاکانی ئاشتی و لێبوردەیی و پێکەوەژیانی
نێوان ئایین و بیروباوەڕەکانی بەرزنرخاند، هەروەها سەرۆك خاچاتوریان سوپاس و
پێزانینی بۆ سەرۆك د.لەتیف جەمال رەشید دەربڕی بۆ سەردانیکردنی ئەرمینیا، کە
دەنگدانەوەیەکی پۆزەتیڤی هەبوو لای هاووڵاتیانی ئەرمینیا لە ناوەوە و دەرەوەی
وڵاتەکەیان.
سەرۆكی ئەرمینیا ویستی
وڵاتەکەی بۆ پتەوکردنی پەیوەندییەکانی لەگەڵ عیراق و کردنەوەی ئاسۆی نوێ لەبوارە
جیاجیاکان و هەماهەنگیکردن لەسەر هەموو پرسە جێبایەخە هاوبەشەکان، دەربڕی.
سەبارەت بە پەیوەندییە
دووقۆڵییەکانیش، سەرۆك ڤاهاگن خاچاتوریان خواستی وڵاتەکەی دووپاتکردەوە بۆ
دۆزینەوەی دەرفەت و میکانیزمی هاریکاری زیاتر، کە بەهێزکردنی پەیوەندییەکانی نێوان
هەردوو وڵاتی لەسەر بونیادبنرێت.
PUKMEDIA
هەواڵی زیاتر
-
گهنمی جوتیارانی ههرێم به 2 ترلیۆن دینار دهخهمڵێندرێت
01:35 PM - 2024-05-01 -
سەرۆک بافڵ: کرێکاران پایەیەکی سەرەکی کۆمەڵگەن
01:05 PM - 2024-05-01 -
قوباد تاڵەبانی: کاردەکەین بۆ دەستەبەرکردنی مافی کرێکاران
11:11 AM - 2024-05-01 -
شاڵاو کۆسرەت رەسوڵ سەردانی ژمارەیەک کەسایەتی ناسراو دەکات
09:47 PM - 2024-04-30
ئەمانەش ببینە
کوردستان 08:38 PM - 2024-05-01 مەکتەبی سیاسی یەکێتی :بەگژ هەر هەوڵێکی ناڕەوای دواخستنی هەڵبژاردندا دەچینەوە
وتەبێژی کۆمسیۆن: ئامادەکاریەکانمان بۆ هەڵبژاردنی پەرلەمانی کوردستان بەردەوامە
03:07 PM - 2024-05-01
رێواز فایهق: نابێت دهرفهتی ههڵبژاردن لهدهستبدهین
10:50 AM - 2024-05-01
کوردستان قەرزاری دەستی کرێکارانە
09:58 AM - 2024-05-01
چوار فراکسیۆنی کوردستانی دژی دواخستنی هەڵبژاردنن
06:19 PM - 2024-04-30
زۆرترین خوێنراو
-
مەکتەبی سیاسی یەکێتی :بەگژ هەر هەوڵێکی ناڕەوای دواخستنی هەڵبژاردندا دەچینەوە
کوردستان 08:38 PM - 2024-05-01 -
شاڵاو کۆسرەت رەسوڵ بەشداری پرسەیەک دەکات
پرسەنامە 06:11 PM - 2024-05-01 -
قوباد تاڵهبانی: ئهرسهلان بایز ههمووكات قهڵهم و دهنگێكی راستگۆ بووه
ی ن ک 05:29 PM - 2024-05-01 -
وتەبێژی کۆمسیۆن: ئامادەکاریەکانمان بۆ هەڵبژاردنی پەرلەمانی کوردستان بەردەوامە
کوردستان 03:07 PM - 2024-05-01 -
گهنمی جوتیارانی ههرێم به 2 ترلیۆن دینار دهخهمڵێندرێت
کوردستان 01:35 PM - 2024-05-01 -
سەرۆک بافڵ: کرێکاران پایەیەکی سەرەکی کۆمەڵگەن
کوردستان 01:05 PM - 2024-05-01 -
قوباد تاڵەبانی: کاردەکەین بۆ دەستەبەرکردنی مافی کرێکاران
کوردستان 11:11 AM - 2024-05-01 -
رێواز فایهق: نابێت دهرفهتی ههڵبژاردن لهدهستبدهین
کوردستان 10:50 AM - 2024-05-01