رووفاتی ١٧٢ ئەنفالکراو بەخاکدەسپێردرێن
کوردستان 09:24 AM - 2024-02-21رووفاتی ئەنفالکراوان
لە مەراسیمێکی شایستەی جەماوەریدا بە ئامادەبوونی خانمی یەکەمی
عیراق و کەسوکاری قوربانیان و نوێنەرانی حزبی و حکومی رووفاتی ١٧٢ ئەنفالکراوی
گەرمیان دوای نزیکەی پێنج ساڵ لە دەرهێنانەوەیان لە چەمچەماڵ بەخاکسپێردران.
گۆڕی ئەوێ بۆیان غەریب بوو
لە مەراسیمەکەدا شاناز ئیبراهیم ئەحمەد خانمی یەکەمی
عیراق وتەیەکی پێشکەش کرد و رایگەیاند: "پاش تێپەڕبوونی 36 ساڵ بەسەر بێسەروشوێنکردنی
ئازیزانمان بە دڵیکی پڕ ئازارەوە کۆبووینەتەوە بۆئەوەی بەشداری لە بەخاکسپاردنی
ئازیزانمان بکەین کە گۆڕی ئەوێ بۆیان غەریب و ئاسمیانیش بۆیان نامۆ بوو"،
"ئەنفال زامێکە کە ساڕێژبوونی زەحمەتە، باشیش دەزانم ئەنفال زۆر لەوە گەورەترە کە
تائێستا هەم ئێمە و حکومەتی فیدڕاڵی و حکومەتی هەرێم لێمان روانیوە، دەزانم
هەرکەسێک حەزدەکات کە رووفاتی ئازیزەکەی بباتەوە زێدی خۆی، منیش لەم بۆنە
خەمناکەدا بەڵێنتان پێدەدەم کە کە پاش ئاشکرابوونی پشکنینەکان، بە ڕێوڕەسمێکی
شایستە رووفاتی ئازیزانمان بگەڕێنینەوە بۆ زێدی خۆیان".
"پڕۆسەکە زۆری خایاند و رێگاکە ئاسان نەبوو، بەڵام گرنگ
ئەوەیە کە دەستمان پێکرد و ناگەڕێینەوە، ئەوەی پێویستە یەک دەنگییە، دەبێت پەرتەوازە
نەبین و بە یەک تیم کار بکەین، تا ئەوکاتەی نەک هەر گۆڕە بەکۆمەڵەکان هەڵدەدەینەوە،
بەڵکو هەموو رووفاتەکان بۆ زێدی باووباپیرانیان دەگەڕێنینەوە و کۆتایی بە ٣٦ ساڵ
چاوەڕوانی دەهێنین"، "هەروەها دەبێ کار بکەین تا ئەم تاوانە قێزەونە لە
جیهداندا بە جینۆساید بناسێنین، داوا لە حکومەتی عیراق و هەرێم دەکەم ئاوڕی جدی
بدەنەوە و قەرەبووی ماددی و مەعنەوی زیانلێکەوتووان بکەنەوە، رێز و شکۆ بگەڕێننەوە
بۆ ئەو مرۆڤانەی کە بە ژیانیان باجی بوونیان وەک مرۆڤ و وەک کورد لەسەردەمی
رژێمێکی قێزەونی دژ بە ئازادی و مافی مرۆڤ و سەربەستی و سەربەرزی دا، هەروەها ژیانێکی
شایستە بۆ کەسوکاری قوربانیان دابین بکەن"، خانمی یەکەمی عیراق وای وت.
شەرمە لە ئاست ئازاری گەلەکەماندا بێدەنگ بین
خانمی یەکەمی عیراق وتیشی: "شەرمە رێگە بدەین کە هیچ ئازیزێکی ترمان وەک ئەو داپیرە خاتوونە بەتەمەنەی کە چەندین ساڵ بەدەم لاوانەوەوە لەبەردەم ماڵە وێرانەکەیدا گیانی سپارد، گیان بسپێرێ، شەرمە قسەکەی لە بیر بکەین کاتێ کە وتیان دایە تۆ بۆ لێرەی؟ وتی چاوەڕێی گەڕانەوەی منداڵەکانم دەکەم، دەترسم لێرە بڕۆم و ئەوان بگەرێنەوە بەڵام لێرە نەبم، ئاخر منداڵەکانم کەسیان نییە و من تەنیا کەسیانم، پاش ماوەیەک کەسێک لە گوندەکە گەڕایەوە بۆلای و لاشەیەکی ساردی بینی و وێنەی منداڵەکانی لە ناو پەنجە رەقبوەکانی دەرهێنا و بە خاکی سپارد"، "شەرمە لە ئاست ئازاری گەلەکەماندا بێدەنگ بین و رێگا بە دووبارە بوونەوەی ئەم جۆرە تاوانانە بدەین، نەک هەر بەرامبەر بە کورد، بەڵکو بەرامبەر بە هەر نەتەوەیەکی دیکە و نابێت بێدەنگی هەڵبژێرین".
وەرگرتنی سامپڵی خوێن لە كەسوكاری ئەنفالكراوان بەردەوامە
پێشتریش پەری نوری عەزیز راوێژكار لە سەرۆكایەتی كۆمار لە
لێدوانێكیدا بۆ سایتی رەسمی یەكێتیی نیشتمانیی كوردستان PUKMEDIA رایگەیاندبوو: "لە رۆژی ١٧-٢-٢٠٢٤ـەوە وەرگرتنی سامپڵی خوێن لەلایەن
تیمێكی پزیشكی دادی عیراقەوە لە كەسوكاری ئەنفالكراوان دەستیپێكردووە و پێنج رۆژ
بەردەوام دەبێت، كە لەسەر داوای خانمی یەكەمی عیراقیش پڕۆسەكە جێبەجێ دەكرێت".
"پاش وەرگرتنی سامپڵی خوێن لە كەسوكاری ئەنفالكراوان پڕۆسەی پشكنینی DNA، لە بەغدا دەستپێدەكات و بەپێی یاسا پێویستە حكومەتی عیراق تێچووی
پشكنینەكان بگرێتە ئەستۆ، پاش پشكنینیش راستەوخۆ مەڕاسیمی بەخاكسپاردنی رووفاتەكان
دەستپێدەكات"، پەری نوری عەزیز وادەڵێت.
ئەمە
لەکاتێکدایە رۆژی ١٣-١-٢٠٢٤ رووفاتەکان لە پزیشکی دادی بەغدا وەرگیرانەوە و
لەمەراسیمێکی شایستەدا گەڕێندرانەوە خاکی نیشتمان و ئەمڕۆش ٢١-٢-٢٠٢٤ بەخاکسپێردران.
PUKMEDIA
هەواڵی زیاتر
-
مەکتەبی هەڵبژاردن: بەردەوامین لەکارەکانمان
11:21 PM - 2024-05-15 -
وەفدێکی یەکێتی بەشداری لە پرسەی چوار خوێندکارەکەدا دەکات
09:12 PM - 2024-05-15 -
عیراق 443 ملیار دیناری بۆ هەرێم ناردو خشتەی مووچە بڵاوکرایەوە
05:54 PM - 2024-05-15 -
سەعدی پیرە: یەکێتی باشترکردنی ژیانی خەڵکی دەوێت
12:19 PM - 2024-05-15
ئەمانەش ببینە
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
سەرۆک بافڵ: دەبێت هەموو هەنگاوەکان لەپێناو ئاشتی و سەقامگیریدا بێت
02:13 PM - 2024-05-15
زۆرترین خوێنراو
-
عیراق 443 ملیار دیناری بۆ هەرێم ناردو خشتەی مووچە بڵاوکرایەوە
کوردستان 05:54 PM - 2024-05-15 -
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
کوردستان 05:36 PM - 2024-05-15 -
مەکتەبی سکرتارییەت: تێکۆشەرانی یەکێتی مایەی شانازی هەموولایەکمانن
ی ن ک 02:47 PM - 2024-05-15 -
سەرۆک بافڵ: دەبێت هەموو هەنگاوەکان لەپێناو ئاشتی و سەقامگیریدا بێت
کوردستان 02:13 PM - 2024-05-15 -
سهرۆك بافڵ بۆ مامۆستایان: بهرگریکردن لهمافهكانتان ئهركمانە
کوردستان 12:56 PM - 2024-05-15 -
سەعدی پیرە: یەکێتی باشترکردنی ژیانی خەڵکی دەوێت
کوردستان 12:19 PM - 2024-05-15 -
قوباد تاڵەبانی بۆ وەزیری کشتوکاڵ: پەرەی زیاتر بە کەرتی کشتوکاڵ بدرێت
کوردستان 11:24 AM - 2024-05-15 -
جێبەجێکردنی بڕیارەکانی دادگای فیدراڵی تاکە رێگەی چارەسەری مووچەیە
کوردستان 10:23 AM - 2024-05-15