هەمواری یاسای بودجە، رێككەوتنی هەولێر و بەغدای دەوێت
کوردستان 01:54 PM - 2024-02-09لۆگۆی حكومەتی عیراق و حكومەتی هەرێم
هەمواركردنەوەی یاسای بودجە، رێككەوتنی نێوان هەرێم و بەغدای دەوێت، هەرچەندە ئەندامێكی لیژنەی دارایی پێی وایە: "هەمواركردنەوەی یاساكە سەرجەم كێشەكانی پرسی نەوت لەنێوان هەولێرو بەغدا چارەسەر ناكات، بەڵام پابەندبوونی هەرێم بەو رێككەوتنە، كلیلی چارەسەری بەشێكی زۆری كێشەكانە".
پابەندبوونی هەرێم كلیلی چارەسەری زۆربەی كێشەكانە
جەمال كۆچەر ئەندامی لیژنەی دارایی لە ئەنجومەنی نوێنەرانی عیراق لە لێدوانێكیدا بۆ سایتی رەسمی یەكێتیی نیشتمانیی كوردستان PUKMEDIA رایگەیاند: "هەمواركردنەوەی یاسای بودجە سەرجەم كێشەكانی پرسی نەوت لەنێوان هەولێرو بەغدا چارەسەر ناكات، چونكە ئەم پرسە رێككەوتنی هەردوو حكومەتی دەوێت".
"پابەندبوونی هەرێم بەو رێككەوتنەی كە لەگەڵ حكومەتی ناوەند دا دەیكات، كلیلی چارەسەری بەشێكی زۆری كێشەكانە، چونكە پرسی نەوت دۆسییەیەكی گرنگەو پێویستی بە رێككەوتن و پابەندبوونی هەردوو حكومەت هەیە" جەمال كۆچەر وادەڵێت.
ماددەكانی تایبەت بە نەوتی هەرێم پێویستیان بە هەموار كردنەوەیە
حكومەتی هەرێم خاوەنی بەرهەمهێنانی نەوت نییەو كۆمپانیا بیانییەكان نەوت بەرهەم دەهێنن، ئەو بڕە پارەیەی لە یاسای بودجەدا بۆ بەرهەمهێنانی نەوتی كوردستان دیاریكراوە، بۆ هەرێم نابێت، هاوكات ماددەكانی تایبەت بە پرسی نەوتی هەرێم لە یاسای بودجەدا پێویستیان بە هەموار كردنەوەیە.
د. نەرمین مەعروف ئەندامی لیژنەی دارایی لە ئەنجومەنی نوێنەرانی عیراق بە سایتی رەسمی یەكێتیی نیشتمانیی كوردستان PUKMEDIA ی رایگەیاند: "ماددەكانی پرسی نەوتی هەرێمی كوردستان لە یاسای بودجەی عیراقدا لەگەڵ رێككەوتنی سیاسی پێویستی بە هەموار كردنەوە هەیە".
"ئەو بڕە پارەیەی كە لە یاسای بودجەدا بۆ بەرهەمهێنانی نەوت دیاریكراوە، كە نرخەكەی 6 دۆلارە بۆ بەرهەمهێنانی یەك بەرمیل نەوت، بۆ هەرێمی كوردستان نابێت، چونكە حكومەتی هەرێم خۆی خاوەنی بەرهەمهێنانی نەوت نییەو كۆمپانیا بیانییەكان نەوت لە هەرێمی كوردستان بەرهەم دەهێنن، ئەو بڕە پارەیەش بۆ كۆمپانیاكان دەستنادات" د. نەرمین مەعروف وادەڵێت.
ئەمە لەكاتێكدایە دوای زیاتر لە دوو مانگ لیژنەی دارایی لە ئەنجومەنی نوێنەرانی عیراق گفتوگۆی وردیان لەسەر بڕگە بە بڕگەی پڕۆژە یاسای بوودجە كرد و دواتر گفتوگۆی نوێنەرانی عیراق لەسەر پڕۆژەكە لە 7-6-2023 ەوە دەستیپێكرد و دوای 5 رۆژ دانیشتی ئەنجومەنی نوێنەران، پڕۆژە یاسای بودجە بۆ هەر سێ ساڵی 2023، 2024، 2025 پەسندكرا و عیراق گەورەترین پڕۆژەیاسای بودجەی تێپەڕاند كە لە 134.5 ترلیۆن دینار پێكهاتووە و پشكی هەرێمی كوردستانیش تێیدا 12.67% ە، كە ساڵانە 20 ترلیۆن دینار و مانگانە 1.6 ترلیۆن دینار دەكات.
هەروەها هەرێم ساڵانە لەو رێژەیە 9 ترلیۆن دینار بۆ مووچە و مانگانەش 750 ملیار دینار بۆ مووچە تەرخان دەكات.
PUKMEDIA
هەواڵی زیاتر
-
ئامادەکارییەکان بۆ هەڵبژاردن لە هەولێر بەردەوامە
04:57 PM - 2024-05-06 -
کۆمسیۆن دەستیکرد بە چاپکردنی وەرەقەی دەنگدان
01:11 PM - 2024-05-06 -
وەزیری کشتوکاڵ: وەک پارێزگاکانی دیکەی عیراق گەنمی جوتیارانی هەرێم وەردەگیرێت
11:14 PM - 2024-05-05 -
قوباد تاڵەبانی بەشداری پرسەی هاوسەری د.فوئاد حسێن دەکات
10:42 PM - 2024-05-05
ئەمانەش ببینە
ئاگر زیانی ملیۆنان دۆلار لە كاسبكارانی هەولێر دەدات
12:17 PM - 2024-05-06
سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
01:42 PM - 2024-05-05
ئهندامێكی لیژنهی دارایی: تهوتین دواكهوتنی مووچه چارهسهر دهكات
11:47 AM - 2024-05-05
٧٢ هەمین هەفتانەی دیجیتاڵی ئینگلیزی بڵاودەكرێتەوە
09:23 AM - 2024-05-05
زۆرترین خوێنراو
-
کۆمسیۆن دەستیکرد بە چاپکردنی وەرەقەی دەنگدان
کوردستان 01:11 PM - 2024-05-06 -
بایەخی سەردانی سەرۆك بافڵ بۆ ئەمریكا
بیروڕا 12:31 PM - 2024-05-06 -
ئاگر زیانی ملیۆنان دۆلار لە كاسبكارانی هەولێر دەدات
کوردستان 12:17 PM - 2024-05-06 -
وەزیری کشتوکاڵ: وەک پارێزگاکانی دیکەی عیراق گەنمی جوتیارانی هەرێم وەردەگیرێت
کوردستان 11:14 PM - 2024-05-05 -
قوباد تاڵەبانی بەشداری پرسەی هاوسەری د.فوئاد حسێن دەکات
کوردستان 10:42 PM - 2024-05-05 -
وەفدێکی یەکێتی بەشداری لە جەژنی قیامەی مەسیحیەکان دەکات
ی ن ک 08:56 PM - 2024-05-05 -
شاڵاو کۆسرەت رەسوڵ لەهەولێر بەشداری ژمارەیەک پرسە دەکات
پرسەنامە 07:56 PM - 2024-05-05 -
هاوخەمی قوباد تاڵەبانی بۆ بنەماڵەی خەسرەوی حەمەی محە
پرسەنامە 06:08 PM - 2024-05-05