ژمارەیەك نوێنەرایەتی دیكەی حكومەتی هەرێم لەوڵاتان دەكرێنەوە
کوردستان 01:01 PM - 2024-02-01لۆگۆی حکومەتی هەرێم
لە سێیەمین كۆنفرانسی پەیوەندییەكانی دەرەوەی حكومەتی هەرێم پێشنیاز كراوە نوێنەرایەتی حكومەت لە چەند وڵاتێكی دیكە بكرێتەوەو ئەمڕۆش دواڕۆژی كارەكانی كۆنفرانسەكەیە كە چەند رۆژێكە بەردەوامە.
حكومەتی هەرێمی كوردستان بۆ پەرەپێدان و پتەوكردنی پەیوەندییە دیپلۆماسییەكانی كورد لەگەڵ وڵاتانی دەرەوە، 14 نوێنەرایەتی لە وڵاتانی ئاسیا و ئەوروپا و جیهانی عەرەبیدا هەیەو بەپێی زانیارییەكانی PUKMEDIA ش، بڕیارە سێ نوێنەرایەتی دیكەی حكومەتی هەرێم لە وڵاتان بكرێنەوە بەتایبەت لە وڵاتانی ئاسیا.
دابان شەدەڵە جێگری لێپرسراوی فەرمانگەی پەیوەندییەكانی دەرەوەی هەرێم بە سایتی رەسمی یەكێتیی نیشتمانیی كوردستان PUKMEDIA ی راگەیاند: "حكومەتی هەرێم لە پلانیدایە چەند نوێنەرایەتییەكی دیكە بكاتەوەو لە كۆنفرانسیشدا باسكراوەو وڵاتەكانیش پێشنیاز كراون".
"لە رۆژانی كۆنفرانسەكەدا گفتوگۆی ورد لەسەر پەرەپێدانی پەیوەندییە كلتوری و ئابوری و رەوەندی كوردی كراون" دابان شەدەڵە وادەڵێت.
سێیەمین كۆنفرانسی پەیوەندییەكانی دەرەوەی هەرێم لە رۆژی 28-1-2024 ەوە لە هەولێر دەستیپێكردووەو بڕیارە ئەمڕۆ 1-2-2024 كۆتایی بە كارەكانی بهێنێت.
جێگری لێپرسراوی فەرمانگەی پەیوەندییەكانی دەرەوەی هەرێم راشیگەیاند: "سەرجەم راسپاردەو پێشنیازەكانی كۆنفرانس لە سەرجەم ئەو لیژنەو تەوەرانەی دیاریكرابوون، كراونەتە راپۆرت بۆ پەرەپێدان و رێكخستنەوەی كاروباری نوێنەرایەتییەكان".
"نوێنەرایەتییەكانی حكومەتی هەرێم پەیوەندی و هەماهەنگیان لەگەڵ باڵیۆزخانەكانی عیراقدا دەبێت و لە بوارە جیاجیاكاندا كار بۆ پەرەپێدانی پەیوەندییەكان دەكەن" دابان شەدەڵە وادەڵێت.
لەهەرێمی كوردستاندا 41 كۆنسوڵخانەو نوێنەری وڵاتان هەیە كە دوو نوێنەرایەتی ئەفریكا و دوو نوێنەرایەتی ئەمریكا و 10 نوێنەرایەتی ئاسیا و پاسيفیك و 20 دانەی دیكەشیان ئەوروپا و 7 دانەی دیكەش رۆژهەڵاتی ناوەڕاستە كە لەئاستی كونسوڵ و دیپلۆماتكار بەشدارییان لە سێیەمین كۆنفرانسی پەیوەندییەكانی دەرەوەی حكومەتی هەرێمدا كرد.
PUKMEDIA
هەواڵی زیاتر
-
مەکتەبی هەڵبژاردن: بەردەوامین لەکارەکانمان
11:21 PM - 2024-05-15 -
وەفدێکی یەکێتی بەشداری لە پرسەی چوار خوێندکارەکەدا دەکات
09:12 PM - 2024-05-15 -
عیراق 443 ملیار دیناری بۆ هەرێم ناردو خشتەی مووچە بڵاوکرایەوە
05:54 PM - 2024-05-15 -
سەعدی پیرە: یەکێتی باشترکردنی ژیانی خەڵکی دەوێت
12:19 PM - 2024-05-15
ئەمانەش ببینە
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
سەرۆک بافڵ: دەبێت هەموو هەنگاوەکان لەپێناو ئاشتی و سەقامگیریدا بێت
02:13 PM - 2024-05-15
سهرۆك بافڵ بۆ مامۆستایان: بهرگریکردن لهمافهكانتان ئهركمانە
12:56 PM - 2024-05-15
زۆرترین خوێنراو
-
عیراق 443 ملیار دیناری بۆ هەرێم ناردو خشتەی مووچە بڵاوکرایەوە
کوردستان 05:54 PM - 2024-05-15 -
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
کوردستان 05:36 PM - 2024-05-15 -
مەکتەبی سکرتارییەت: تێکۆشەرانی یەکێتی مایەی شانازی هەموولایەکمانن
ی ن ک 02:47 PM - 2024-05-15 -
سەرۆک بافڵ: دەبێت هەموو هەنگاوەکان لەپێناو ئاشتی و سەقامگیریدا بێت
کوردستان 02:13 PM - 2024-05-15 -
سهرۆك بافڵ بۆ مامۆستایان: بهرگریکردن لهمافهكانتان ئهركمانە
کوردستان 12:56 PM - 2024-05-15 -
سەعدی پیرە: یەکێتی باشترکردنی ژیانی خەڵکی دەوێت
کوردستان 12:19 PM - 2024-05-15 -
قوباد تاڵەبانی بۆ وەزیری کشتوکاڵ: پەرەی زیاتر بە کەرتی کشتوکاڵ بدرێت
کوردستان 11:24 AM - 2024-05-15 -
جێبەجێکردنی بڕیارەکانی دادگای فیدراڵی تاکە رێگەی چارەسەری مووچەیە
کوردستان 10:23 AM - 2024-05-15