دادگای فیدراڵی مافی بۆ ٨٠٠ هەزار دەنگدەری كەركوك گەڕاندەوە
کوردستان 10:48 AM - 2023-12-14دادگای فیدراڵی
رۆژی سێ شەممە ١٢-١٢-٢٠٢٣، دادگای فیدڕاڵی عیراق داوایەكی بۆ ئەنجام نەدانی هەڵبژاردنی ئەنجومەنی پارێزگای كەركوك رەتكردەوە، ئەندامێكی ئەنجومەنی نوێنەرانی عیراقیش دەڵێت: "بڕیارەكەی دادگای فیدراڵی لەجێی خۆیدابوو، هەروەها عەرەب و توركمانەكانی كەركوك ترسیان لە دەنگدان هەیە".
دادگای فیدراڵی بە رەتكردنەوەی دواخستنی هەڵبژاردنی ئەنجومەنی پارێزگاكانی عیراق لە كەركوك، مافی بۆ ٨٠٠ هەزار دەنگدەر گەڕاندەوە.
بڕیارەكەی دادگای فیدراڵی لەجێی خۆیدابوو
سەباح حەبیب ئەندامی ئەنجومەنی نوێنەرانی عیراق لەسەر پشكی كەركوك لە فراكسیۆنی یەكێتیی نیشتمانیی كوردستان بە سایتی رەسمی یەكێتی PUKMEDIA ی راگەیاند: "بڕیارەكەی دادگای فیدڕاڵی بۆ رەتكردنەوەی دواخستنی هەڵبژاردن لە پارێزگای كەركوك لەجێی خۆیدابوو، چونكە هیچ هۆكارێكی یاسایی و دەستووری نەبووە".
"شۆڤێنییەكانی كەركوك ترسیان لە دەنگدان هەیە و دەزانن دوای ١٧ ساڵ كورد بەشدارێكی كارا دەبێت لە هەڵبژاردن و هەوڵی وەرگرتنەوەی پۆستەكانی پارێزگاكە دەدات كە بە نایاسایی لێیان زەوتكراوە، بۆیە داوای دواخستنی هەڵبژاردنیان لە پارێزگاكە كردبوو، بەڵام دادگای فیدراڵی دوای بەدواداچوون بۆ داواكەیان، بڕیاریدا وەك ١٤ پارێزگاكەی دیكەی عیراق لە پارێزگای كەركوكیش هەڵبژاردن ئەنجام بدرێت"، سەباح حەبیب وای وت.
د. رێواز فایەق: بڕیارەكەی دادگا یاسایی و دروستبوو
د. رێواز فایەق سەرۆكی خولی پێنجەمی پەرلەمانی كوردستان لە پەیامێكدا رایگەیاند: "بڕیاری دادگای فیدراڵی بۆ رەتكردنەوەی داوای دواخستنی هەڵبژاردنی ئەنجومەنی پارێزگای كەركوك، وەڵامدانەوەیەكی یاسایی دروستبوو".
"بڕیارەكەی دادگای فیدراڵی هەموو ئەو هەوڵانەی بە مەبەستی هێشتنەوەی دۆخی نالەباری پارێزگاكە بوو وەك خۆی، لە لایەن نەیارانی پێكەوەژیانی ئاشتیانە لە شارەكەدا رەتكردەوە"، سەرۆكی پێشووی پەرلەمان وای وت.
رۆژی سێشەممە ١٢-١٢-٢٠٢٣، دادگای فیدراڵی عیراق لە دانیشتنی خۆیدا بڕیاریدا بە رەتكردنەوە سكاڵایەك كە داواكرابوو، هەڵبژاردنی ئەنجومەنی پارێزگای كەركوك دوابخرێت لەبەر تەواونەكردنی كاری وردبینی لەتۆماری دەنگدەران.
رۆژی ١٨-١٢-٢٠٢٣، هەڵبژاردنی ئەنجومەنی پارێزگاكانی عیراق ئەنجام دەدرێت، یەكێتیی نیشتمانیی كوردستان بۆ هەڵبژاردنەكە، هاوپەیمانی لەگەڵ حزبی شیوعی كوردستان بەناوی هاوپەیمانی كەركوك هێز و ئیرادەمانە بە ژمارە ١٤٢ پێكهێناوە و خاوەنی 30 كاندیدە.
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
هەموومان لەسەر مەزاری عادل موراد دەبین
04:16 PM - 2024-05-17 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16
ئەمانەش ببینە
دەرباز کۆسرەت رەسوڵ: ئەمریکا بایەخی زۆر بە سەرنجەکانی یەکێتی دەدات
01:01 PM - 2024-05-17
ئەنجومەنی نوێنەران سەرۆکێکی نوێ هەڵدەبژێرێت
10:38 AM - 2024-05-17
داهاتی هەفتەی رابردووی سلێمانی نزیکەی 11 ملیار دینارە
08:47 AM - 2024-05-17
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
02:16 PM - 2024-05-16
زۆرترین خوێنراو
-
ناسر عەبدولنەبی محەمەد کۆچی دوایی کرد
پرسەنامە 07:25 PM - 2024-05-17 -
سەرۆک بافڵ: پێویستمان بە هەڵبژاردنێكی بێگەردە
کوردستان 06:45 PM - 2024-05-17 -
باخەکانی خانەقی لەنێوان مێژوو... یادەوەریی دا
بیروڕا 04:26 PM - 2024-05-17 -
هەموومان لەسەر مەزاری عادل موراد دەبین
ی ن ک 04:16 PM - 2024-05-17 -
مەعلوم ئەمە (خەبات) نییە
بیروڕا 03:05 PM - 2024-05-17 -
دەرباز کۆسرەت رەسوڵ: ئەمریکا بایەخی زۆر بە سەرنجەکانی یەکێتی دەدات
کوردستان 01:01 PM - 2024-05-17 -
ئەنجومەنی نوێنەران سەرۆکێکی نوێ هەڵدەبژێرێت
عیراق 10:38 AM - 2024-05-17 -
د.ئەرسەلان بایز کتێبێکی نوێ بڵاودەکاتەوە
کوردستان 09:47 AM - 2024-05-17