سەرۆک بافڵ: کەرکوک هەر قەڵای سەوزی یەکێتییە
کوردستان 06:50 PM - 2023-12-13كۆبوونەوەی سەرۆك بافڵ لەگەڵ سەرۆك و كاندیدانی لیستی هاوپەیمانی كەركوك هێز و ئیرادەمانە
بافڵ جەلال تاڵەبانی سەرۆكی یەكێتیی نیشتمانیی كوردستان لە كەركوك لەگەڵ رێبوار تەها، سەرۆك و كاندیدانی لیستی هاوپەیمانیی كەركوك هێز و ئیرادەمانە كۆبووەوە.
لە كۆبوونەوەكەدا كە رەفعەت عەبدوڵڵا، ئاسۆ مامەند، شاڵاو عەلی عەسكەری، هاوڕێ شێخ دارۆ و شێخ ئەحمەد حەمەكەریم، ئەندامانی مەكتەبی سیاسی و د. شەونم زرار بڵباس، ئەندامی سەركردایەتی ئامادەبوون، سەرۆك بافڵ جەلال تاڵەبانی سوپاس و پێزانینی ئاڕاستەی جەماوەری دڵسۆز و تێكۆشەری كەركوك كرد بۆ پێشوازی گەرم و پشتیوانییان لە هاوپەیمانیی كەركوك هێز و ئیرادەمانە و كاندیدەكانی، وتیشی: "ئەم متمانەیەی كەركوكییەكان بەرپرسیارێتییەكی گەورەیە و ئەركمان قورستر دەكات، بۆیە دەبێت هەموومان بە ئەوپەڕی هێز و توانامانەوە لەخزمەت قودسی كوردستان بین و بە بەرنامە و پرۆژەی خزمەتگوزارییەوە وەڵامی كەركوكییە خۆشەویستەكان بدەینەوە".
لە كۆبوونەوەكەدا سەرۆك بافڵ سیاسەت و ستراتیژی یەكێتی بۆ كەركوك و ناوچە دابڕێنراوەكان خستەڕوو و رایگەیاند: "سیاسەتی ئێمە هەمان ئەو سیاسەتە حەكیمانەیەیە كە سەرۆك مام جەلال پەیڕەوی دەكرد، هیچ كەس و لایەنێك پشتگوێ ناخرێت و لەخزمەت هەموو نەتەوە و پێكهاتەكاندا دەبین، بڕوای تەواومان بە تەبایی و یەكتر قبووڵكردن هەیە و هەر بەوشێوەیەش دەتوانین خزمەتی كەركوك بكەین و داهاتوویەكی باشتر مسۆگەر بكەین".
لەدرێژەی كۆبوونەوەكەدا سەرۆك بافڵ داوای لە كەركوكییە سەربەرزەكان كرد بە هەموو دەنگ و رەنگە جیاوازەكانەوە دەنگ بە هاوپەیمانی كەركوك هێز و ئیرادەمانە بدەن و هەوڵەكانیان لەپێناو سەرخستنی لیستی ١٤٢ بێت، چونكە زامنی وەرگرتنەوەی دەسەڵات و پارێزگار دەكات و لەو رێگەیەوە شارەكە و ژیانی خەڵكە شكۆمەندەكەی بەرەو ئاوەدانی و خۆشگوزەرانی ئاڕاستە دەكات.
لەكۆتایی كۆبوونەوەكەدا گفتوگۆیەكی كراوە بەڕێوەچوو و سەرۆك بافڵ بەپەرۆشییەوە گوێبیستی بۆچوونە جیاوازەكان بوو و رایگەیاند: "بە هەڵبژاردنی هاوپەیمانی كەركوك هێز و ئیرادەمانە و دەنگدان بە لیستی ١٤٢، وەڵامی هەموو ئەوانە بدەنەوە كە ژیان و سەقامگیریی كەركوكیان خستە مەترسییەوە و بەشداریی گەرموگوڕتان سەلمێنەری ئەو راستییەیە كە كەركوك هەر قەڵای سەوزی یەكێتی و سەنگەری پاراستنی كوردایەتییە". وتیشی: "سوپاس و پێزانین ئاڕاستەی كاندیدەكانمان دەكەین كە بە ئەوپەڕی دڵسۆزی و ئارامییەوە هەڵمەتەكەیان بەڕێوەبرد و هاوپەیمانییەكەشمان لەگەڵ حزبی شیوعی، بەرئەنجامی كاری پێكەوەیی و برایەتی بووە لەپێناو داهاتووی كەركوك و ژیانی خەڵكە خۆشەویستەكەی".
PUKMEDIAٍٍ
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
هەموومان لەسەر مەزاری عادل موراد دەبین
04:16 PM - 2024-05-17 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16
ئەمانەش ببینە
شەش ساڵ بەسەر کۆچی دوایی عادل موراد دا تێدەپەڕێت
09:11 AM - 2024-05-18
سەرۆک بافڵ: پێویستمان بە هەڵبژاردنێكی بێگەردە
06:45 PM - 2024-05-17
دەرباز کۆسرەت رەسوڵ: ئەمریکا بایەخی زۆر بە سەرنجەکانی یەکێتی دەدات
01:01 PM - 2024-05-17
ئەنجومەنی نوێنەران سەرۆکێکی نوێ هەڵدەبژێرێت
10:38 AM - 2024-05-17
زۆرترین خوێنراو
-
ناسر عەبدولنەبی محەمەد کۆچی دوایی کرد
پرسەنامە 07:25 PM - 2024-05-17 -
سەرۆک بافڵ: پێویستمان بە هەڵبژاردنێكی بێگەردە
کوردستان 06:45 PM - 2024-05-17 -
باخەکانی خانەقی لەنێوان مێژوو... یادەوەریی دا
بیروڕا 04:26 PM - 2024-05-17 -
هەموومان لەسەر مەزاری عادل موراد دەبین
ی ن ک 04:16 PM - 2024-05-17 -
مەعلوم ئەمە (خەبات) نییە
بیروڕا 03:05 PM - 2024-05-17 -
دەرباز کۆسرەت رەسوڵ: ئەمریکا بایەخی زۆر بە سەرنجەکانی یەکێتی دەدات
کوردستان 01:01 PM - 2024-05-17 -
ئەنجومەنی نوێنەران سەرۆکێکی نوێ هەڵدەبژێرێت
عیراق 10:38 AM - 2024-05-17 -
د.ئەرسەلان بایز کتێبێکی نوێ بڵاودەکاتەوە
کوردستان 09:47 AM - 2024-05-17