قوباد تاڵەبانی: وڵاتانی دۆست یارمەتیدەری چارەسەری كێشەكانبن
کوردستان 02:04 PM - 2023-11-30قوباد تاڵەبانی جێگری سەرۆكوەزیران و ستیڤن چارڵس هیچن باڵیۆزی بەریتانیا لە عیراق
قوباد تاڵەبانی جێگری سەرۆكوەزیران لە كۆبوونەوەی لەگەڵ ستیڤن چارڵس هیچن باڵیۆزی بەریتانیا لە عیراق، رایگەیاند: "هەموو هەوڵێكمان بۆ ئەوەیە كێشەی بەشە بودجە و موچەی فەرمانبەرانی هەرێم بە یەكجاری چارەسەر بكەین و ناكرێت ئەم كێشەیە لە ساڵی داهاتووشدا بەردەوام بێت".
لە كۆبوونەوەكەدا كە رۆژی پێنج شەممە، ٣٠ی نۆڤەمبەری ٢٠٢٣ لە هەولێر بەڕێوەچوو، تاوتوێی دۆخی سیاسی و ئەمنی عیراق و پەیوەندییەكانی نێوان هەرێم و بەغدا كرا، لەمبارەیەوە قوباد تاڵەبانی ئاماژەی بەوەكرد: "ئەركی هەموو لایەنە عیراقییەكانە هەوڵ بدەن بۆ پاراستنی سەقامگیری سیاسی و ئەمنی عیراق، هاوكات لەگەڵ ئەوەشدا بۆ گەڕاندنەوەی متمانە، پێویستە هەر لایەنێك لەلای خۆیەوە نیازپاكی نیشان بدات". وتیشی: "تەنها بە پاراستنی سەقامگیری و گەڕاندنەوەی متمانە دەتوانرێت كێشە سیاسییەكان و لەناویشیاندا كێشەكانی نێوان هەرێم و بەغدا بەشێوەیەكی بنەڕەتی چارەسەر بكرێن".
سەبارەت بە كێشەكانی نێوان هەرێم و بەغداش، جێگری سەرۆكوەزیران جەختی كردەوە چارەسەری بنەڕەتی رێككەوتنێكی گشتگیری درێژخایەنە كە لە بەرژوەندی هەردوولادابێت، بەڵام لەم قۆناغەدا ئەولەوییەتی یەكەمی حكومەت و هاووڵاتیانی هەرێمی كوردستان چارەسەركردنی خێرای كێشەی بودجە و موچەی موچەخۆرانە و ناكرێت ئەم كێشەیە لە ساڵی داهاتووشدا بەردەام بێت. داواشیكرد وڵاتانی دۆست و هاوپەیمان یارمەتیدەربن لە چارەسەركردنی ئەم كێشەیەدا.
لە تەوەرێكی دیكەی كۆبوونەوەكەدا باسی دۆخی ناوخۆی هەرێمی كوردستان كرا. قوباد تاڵەبانی روونیكردەوە لە ماوەی رابردوودا كەشێكی ئەرێنی هاتووەتە ئاراوە بۆ چارەسەركردنی كێشە ناوخۆییەكان و هەنگاوی باش نراون بە ئاراستەی یەكگرتوویی و یەكڕیزی نێوان لایەنە كوردستانییەكان. وتیشی گەشبینە بە بەردەوامیی ئەم كەشە ئەرێنییە بەشێكی بەرچاوی كێشەكان چارەسەر بكرێن و بەمەش پێگەی هەرێمی كوردستان لە عێراقدا بەهێزتر ببێت.
لەم چوارچێوەیەدا ئاماژەی بە گەڕانەوەی وەزیری پێشمەرگە بۆ سەر ئەركەكەی كرد و رایگەیاند: "بە گەڕانەوەی وەزیر پڕۆسەی ریفۆرم لە وەزارەتی پێشمەرگە خێراتر و باشتر جێبەجێ دەكرێت".
PUKMEDIA
هەواڵی زیاتر
-
کۆنفرانسی زانستی نێودەوڵەتی کاری کۆمەڵایەتی سازدەکرێت
10:46 AM - 2024-04-28 -
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
04:34 PM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
10:11 AM - 2024-04-27 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26
ئەمانەش ببینە
د.نەرمین مەعروف: لەم هەفتەیەدا مووچەی هەرێم دەنێردرێت
10:17 AM - 2024-04-28
٧١ هەمین هەفتانەی دیجیتاڵی ئینگلیزی بڵاودەكرێتەوە
09:10 AM - 2024-04-28
یەمەن ناوی کوژراو و بریندارەکانی کێڵگەی کۆرمۆر ئاشکرا دەکات
06:17 PM - 2024-04-27
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
05:44 PM - 2024-04-27
زۆرترین خوێنراو
-
د.نەرمین مەعروف: لەم هەفتەیەدا مووچەی هەرێم دەنێردرێت
کوردستان 10:17 AM - 2024-04-28 -
پرسەنامەی قوباد تاڵەبانی بۆ خانەوادەی کامەران حەمە حەمەسەعید
پرسەنامە 10:01 AM - 2024-04-28 -
٧١ هەمین هەفتانەی دیجیتاڵی ئینگلیزی بڵاودەكرێتەوە
جیهان 09:10 AM - 2024-04-28 -
سەرۆكکۆمار: عیراق وڵاتی هەمووانە
عیراق 07:22 PM - 2024-04-27 -
شاجوانەکەی خانەقی
بیروڕا 06:22 PM - 2024-04-27 -
چاوێکیشتان لە زۆرینەی فەقیر و فوقەرا بێت
بیروڕا 06:20 PM - 2024-04-27 -
یەمەن ناوی کوژراو و بریندارەکانی کێڵگەی کۆرمۆر ئاشکرا دەکات
جیهان 06:17 PM - 2024-04-27 -
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
جیهان 05:44 PM - 2024-04-27