قوباد تاڵەبانی: دەرفەتی گەورە بۆ وەبەرهێنەران هەیە
کوردستان 02:29 PM - 2023-11-29![قوباد تاڵەبانی جێگری سەرۆك وەزیران و نەسڕوڵڵا ڕەشنودی كونسوڵی گشتیی كۆماری ئیسلامی ئێران لە هەولێر](https://images.pukmedia.com/root/KS/1129112023_6666O.jpg)
قوباد تاڵەبانی جێگری سەرۆك وەزیران و نەسڕوڵڵا ڕەشنودی كونسوڵی گشتیی كۆماری ئیسلامی ئێران لە هەولێر
قوباد تاڵەبانی جێگری سەرۆك وەزیران پێشوازی لە نەسڕوڵڵا ڕەشنودی، كونسوڵی گشتیی كۆماری ئیسلامی ئێران لە هەولێر كرد و پێكەوە چەند بابەتێكی جێی بایەخی هەردوولایان تاوتوێ كرد.
لە سەرەتای كۆبوونەوەكەدا كە رۆژی چوار شەممە، ٢٩ی نۆڤەمبەری ٢٠٢٣ لە هەولێر بەڕێوەچوو، باس لە چۆنییەتی پەرەپێدانی پەیوەندییەكانی نێوان هەرێم و ئێران بە تایبەت لەڕووی بازرگانییەوە كرا، لەو چوارچێوەیەشدا شێوازی چارەسەركردنی گرفتەكانی بەردەم كاروبارەكانی كۆمپانیا ئێرانییەكان و ئاسانكاریكردن بۆیان تاوتوێ كران.
جێگری سەرۆكوەزیران ئاماژەی بەوەدا: "لە هەرێمی كوردستان دەرفەتی گەورە بۆ وەبەرهێنان لە بواری جیاوازدا هەیە و حكومەتی هەرێمیش كارئاسانی پێویست بۆ وەبەرهێنەرانی بیانی دەكات". لە بەرامبەریشدا كونسوڵی گشتی ئێرانیش ئامادەیی وڵاتەكەی نیشاندا بۆ كارئاسانیكردن بۆ بازرگانانی هەرێم و بەهێزتركردنی پەیوەندیی بازرگانی نێوان هەرێمی كوردستان و ئێران.
لەبەشێكی دیكەی كۆبوونەوەكەدا گفتوگۆكرا لەبارەی كێشەكانی نێوان هەرێم و بەغدا. قوباد تاڵەبانی ئاماژەی بەوەكرد: "هەوڵی جددی هەیە بۆ چارەسەركردنی كێشەی موچە و بودجەی هەرێمی كوردستان و گفتوگۆكان لەوبارەیەوە بەردەوامن". وتیشی: "بە لایەنی كەمەوە دەبێت بە خێرایی لەسەر چارەسەركردنی كێشەی موچە رێكبكەوین و پێویستە ئەو تێگەیشتنە لە بەغدا دروست ببێت كە نابێت پرسی موچە تێكەڵ بە كێشەكانی دیكەی نێوان هەرێم و بەغدا بكرێت".
لە تەوەرێكی دیكەی كۆبوونەوەكەدا باسی هەڵبژاردنەكانی ئەنجومەنی پارێزگاكانی عیراق و بە تایبەتیش لە كەركوك كرا. هەردوولا هیوایان خواست پڕۆسەی هەڵبژاردنەكان لە كەشێكی ئارامدا بەڕێوەبچێت و ئەنجامەكەی لە بەرژەوەندیی هەموو هاووڵاتییانی عیراقدا تەواوببێت.
سەبارەت بە دۆخی كەركووكیش جێگری سەرۆكوەزیران رایگەیاند: "ئێستا لە كەركوك جیاوازی دەكرێت لەنێوان پێكهاتەكانی ئەو شارەدا و دەبێت لە دوای هەڵبژاردنەكان دۆخێك بێتە ئاراوە كە هەموو پێكهاتەكان هەست بە دڵنیایی بكەن لەوەی چیتر پەڕاوێز ناخرێن و بەبێ هیچ جیاوازییەك خزمەت بكرێن".
PUKMEDIA
هەواڵی زیاتر
-
شێخ جەعفەر: هەڵبژاردن ئامرازی گۆرانکاری سیاسیی و ئابوورییە
12:25 PM - 2024-07-27 -
سەرۆکی فەڕەنسا پێشوازی لە سەرۆککۆماری عیراق دەکات
07:23 PM - 2024-07-26 -
پەیامی پیرۆزبایی مەکتەبی سیاسی بۆ بزوتنەوەی گۆڕان
08:19 PM - 2024-07-25 -
سهرۆكی فراكسیۆنی یهكێتی: ئهركی پارێزگاری نهینهوایه گۆڕانكارییه ئیدارییهكان دهستپێبكات
05:26 PM - 2024-07-25
ئەمانەش ببینە
شێخ جەعفەر: بە هەڵبژاردن هەرێم رزگار دەکرێت
12:12 PM - 2024-07-26
داهاتی هەفتەی رابردووی سلێمانی نزیکەی 16 ملیار دینارە
09:34 AM - 2024-07-26
سەرۆک بافڵ بۆ هێزی کۆماندۆ: ئەرکتان پاراستنی ئارامی و ژیانی خەڵکە
08:13 PM - 2024-07-25
پەرلەمانتارێک : 21 جۆر باجی نایاسایی لەهەرێم وەردەگیرێن
03:52 PM - 2024-07-25
زۆرترین خوێنراو
-
شێخ جەعفەر: هەڵبژاردن ئامرازی گۆرانکاری سیاسیی و ئابوورییە
کوردستان 12:25 PM - 2024-07-27 -
کۆمسیۆن لەمانگی ئابدا ژمارە بە حزب و کاندیدەکان دەدات
کوردستان 12:18 PM - 2024-07-27 -
شاڵاو کۆسرەت رەسوڵ سەردانی ژمارەیەک تێکۆشەر دەکات
ی ن ک 07:39 PM - 2024-07-26 -
سەرۆکی فەڕەنسا پێشوازی لە سەرۆککۆماری عیراق دەکات
عیراق 07:23 PM - 2024-07-26 -
پرسەنامەی سەرۆک بافڵ بۆ خانەوادەی حاجی خدر عەبدوڵای قامیشی
پرسەنامە 02:48 PM - 2024-07-26 -
نرخی نادەین و هەمووشمان دەوێت
بیروڕا 01:18 PM - 2024-07-26 -
شێخ جەعفەر: بە هەڵبژاردن هەرێم رزگار دەکرێت
کوردستان 12:12 PM - 2024-07-26