لیستی 142ی کەرکوک کۆتایی بەبڕیاری حوکمی عەسکەری دەهێنێت
کوردستان 09:37 AM - 2023-11-01هاوپەیمانیی کەرکوک هێز و ئیرادەمانە
لە پەیامێكدا تيمی 142ی کەرکوک رایدەگەیەنێت: "تیمی 142، تیمێکی کارا و کاریگەری (هاوپەیمانی هێز و ئیرادە)ی باباگوڕگوڕن بۆ لابردنی زوڵم و ستەم لەسەر گەلەکەمان". راشيدەگەیەنێت: "بۆ چانسی دامەزراندن و هەلی ئاوەدانکردنەوە و دەرفەتی بوژاندنەوەی بازاڕ هاتووین، بۆ بوژاندنەوەی ئاسۆی داهاتووی گەنجەکانی کەرکوک لە کایەداین".
راشيدەگەیەنێت: "تیمی 142، تیمێکی
کارا و کاریگەر هاوپەیمانی (هێز و ئیرادە)ی باباگوڕگوڕن بۆ لابردنی زوڵم و ستەم لەسەر
گەلەکەمان، ئەمانە پێشڕەوی کاروانی تازەن لە خزمەت شەقام و کوچە و کۆڵانەکانی کەرکوکدا، کوڕان و کچانی
تازەی شاری بێنازن بۆ راماڵینی ئەم خەم و پەژارەیە لەسەر ئاسمانی دوکەڵاوی (ئەرابخا)
دا، چونکە چەند ساڵێکە هەوری رەشی تەعریبی نوێ و جیاکاریی باڵی بەسەردا کێشاوە".
لە پەماكەدا ئەوەش هاتووە: "تیمەکەی گاوڕباخی، سوارچاکانی لیوای
جارانی کەرکوک کە نەخشەی دێرینی عوسمانی و قاموس ئەعلامی عوسمانی و بەڵگەکانی رەتکردنەوەی
تەعریب و تەبعیس و تەرحیلیان پێیە و دەڵێن جەولەیەک زامدار بووین و دەورەیەک پشووی
ناچاریمان دا، بەڵام وا هاتووینەتەوە تا ئیرادە و ئیدارەی شار لێکبدەینەوە، هاتووینەتەوە
تا بڕیاری قەرەقۆشی حوکمی عەسکەر و کەڵەگایی ئۆپەراسیۆنەکانی
نیوەشەو کۆتایی پێ بهێنین".
ئاماژە بەوەشدراوە: "ئێمە دەنگی کەرکوکین کە ئیتر کپ نابێ و لێرە ناڕوات، ئێمە رەنگی رەنگاوڕەنگی کەرکوکین کە ژوور و داڵانی حوکمی محەلی و ئەنجومەنی پارێزگاکەی ئاوەدان دەکەینەوە، کە تۆزی غەریبی لێ نیشتووە و ژەنگی زمانی دیموکراسی نەمانی لۆکاڵی و هیمەت و هەڵمەتی لەسەر لادەبەین، ئێمە سادە و خاکیین وەک خەڵکەکەمان، بۆ چانسی دامەزراندن و هەلی ئاوەدانکردنەوە و دەرفەتی بوژاندنەوەی بازاڕ هاتووین، بۆ بوژاندنەوەی ئاسۆی داهاتووی گەنجەکانی کەرکوک لە کایەداین، ئێمە نوێنەرەکانی (هاوپەیمانیی هێز و ئیرادە)ی کەکوکین".
دەقی پەیامەكە:
تیمی 142
تیمێکی کارا و کاریگەر هاوپەیمانی (هێز و ئیرادە)ی باباگوڕگوڕن بۆ لابردنی زوڵم و ستەم لەسەر گەلەکەمان. ئەمانە پێشڕەوی کاروانی تازەن لە خزمەت شەقام و کوچە و کۆڵانەکانی کەرکوکدا، کوڕان و کچانی تازەی شاری بێنازن بۆ راماڵینی ئەم خەم و پەژارەیە لەسەر ئاسمانی دوکەڵاوی (ئەرابخا) دا، چونکە چەند ساڵێکە هەوری رەشی تەعریبی نوێ و جیاکاریی باڵی بەسەردا کێشاوە.
خۆیانن، تیمەکەی گاوڕباخی، سوارچاکانی لیوای جارانی کەرکوک کە نەخشەی دێرینی عوسمانی و قاموس ئەعلامی عوسمانی و بەڵگەکانی رەتکردنەوەی تەعریب و تەبعیس و تەرحیلیان پێیە و دەڵێن جەولەیەک زامدار بووین و دەورەیەک پشووی ناچاریمان دا، بەڵام وا هاتووینەتەوە تا ئیرادە و ئیدارەی شار لێکبدەینەوە، هاتووینەتەوە تا بڕیاری قەرەقۆشی حوکمی عەسکەر و کەڵەگایی ئۆپەراسیۆنەکانی نیوەشەو کۆتایی پێ بهێنین.
ئێمە دەنگی کەرکوکین کە ئیتر کپ نابێ و لێرە ناڕوات، ئێمە رەنگی رەنگاوڕەنگی کەرکوکین کە ژوور و داڵانی حوکمی محەلی و ئەنجومەنی پارێزگاکەی ئاوەدان دەکەینەوە. کە تۆزی غەریبی لێ نیشتووە و ژەنگی زمانی دیموکراسی نەمانی لۆکاڵی و هیمەت و هەڵمەتی لەسەر لادەبەین.
ئێمە دۆستانی ژینگە و ژیان و پێکەوەژیانین، لەگەڵ خەڵکی خۆمان ماوین و جێمان نەهێشتوون، تیمی کار و کردارین، بۆ کەشوفش و باڵۆنی هەڕەشە و گوڕەشەی ئەودیوی بازگەکانی کەرکوک دروست نەبووین، تیمی موعاناتی گەلەکەمانین، لە خۆشی و ناخۆشیی شارەکەمان جێنەهێشتووە و خەڵکەکەیمان بە سەفقەی گوماناوی و شان ماچکردن و دەست لێسانەوەی پایتەختەکان نەفرۆشتووە.
کوڕان و کچانی ئەو خەڵکە بەئەمەکەین، هۆی هامان لە هێزە راکردووەکەی دەست گەردەلوولی تۆڵە و پڵنگە کاغەزییەکەی ریفراندۆم و مورتەزەقەی عەجەم و عەرەب و رۆم کرد.
ئێمە سادە و خاکیین وەک خەڵکەکەمان، بۆ چانسی دامەزراندن و هەلی ئاوەدانکردنەوە و دەرفەتی بوژاندنەوەی بازاڕ هاتووین. بۆ بوژاندنەوەی ئاسۆی داهاتووی گەنجەکانی کەرکوک لە کایەداین.
ئێمە نوێنەرەکانی هاوپەیمانیی (هێز و ئیرادە)ی کەکوکین.
ئێمە داهاتووی ئەنجومەنێکی رەنگاوڕەنگی پێکەوەژیانین، رۆڵەکانی مانگرتنی گاوڕباخی، تیپی 21ی کەرکوک و دوانزە سوارەی قازان و خۆپیشاندانە میللییەکەی جوت قاوەین. هاتووین خۆمان لەو قوڕەی دەوری تەپەڕەش و لەو تۆز و خۆڵەی خزمەتکردنی کەرکوک هەڵکێشین، جلی خزمەت و هیممەت و بەدلەی بەلەدیەی راگەیشتن بە ویست و ئیرادەی میللەت لەبەربکەین.
کارەبا و کاری باش و کاری خێر بۆ کەرکوک دابین بکەین.
PUKMEDIA
هەواڵی زیاتر
-
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
09:34 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
05:33 PM - 2024-05-18 -
کتێبی شەو لەكێوان ناساندنی بۆ كرا
11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
11:08 AM - 2024-05-18
ئەمانەش ببینە
لەهەڵبژاردنی سەرۆکی پەرلەماندا عیساوی پێش مەشهەدانی کەوت
05:45 PM - 2024-05-18
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
04:10 PM - 2024-05-18
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
12:33 PM - 2024-05-18
شەش ساڵ بەسەر کۆچی دوایی عادل موراد دا تێدەپەڕێت
09:11 AM - 2024-05-18
زۆرترین خوێنراو
-
جاسوسی
بیروڕا 09:23 PM - 2024-05-18 -
لەهەڵبژاردنی سەرۆکی پەرلەماندا عیساوی پێش مەشهەدانی کەوت
عیراق 05:45 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
کوردستان 05:33 PM - 2024-05-18 -
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
کوردستان 04:10 PM - 2024-05-18 -
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
کوردستان 12:33 PM - 2024-05-18 -
کتێبی شەو لەكێوان ناساندنی بۆ كرا
کوردستان 11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
ی ن ک 11:08 AM - 2024-05-18 -
ئهنجومهنی نوێنهران بۆ ههڵبژاردنی سهرۆكهكهی كۆدهبێتهوه
عیراق 09:46 AM - 2024-05-18