خولی یەكی هێزی تایبەتی سەر بە لیوای ۷۱۱ كۆتایی هات

راگەیاندنی هێزەكانی۷۰

خولی یەكی هێزی تایبەتی سەر بە لیوای ۷۱۱

لە چوارچێوەی هەوڵو هەنگاوەكانی سەرۆكایەتی دەستەی ئەركانی هێزەكانی ۷۰ و لە پێناو زیاتر بەهێز كردن و بەرەوپێش بردنی هێزی پێشمەرگەی كوردستان رۆژی 4-10-2023، لیوا روكن عومەر ساڵح حەسەن سەرۆكی دەستەی ئەركانی هێزەكانی ۷۰ و ئەفسەرانی پلە باڵا و فەرماندەی لیوا و ئەفسەرانی لیوا لە بنكەی مەشقی بارەگای لیوای ۷۱۱ بەشداری كرد لە رێوڕەسمی كۆتایی هاتنی خولی یەكی هێزی تایبەتی سەر بە لیوای ۷۱۱.

خولەكە  ماوەی شەش هەفتەی خایاند و لە لایەن ئەفسەران و مامۆستایانی مەشقی لیوای ۷۱۱ سەرپەرشتی خولەكە كرا، كە تیایدا ژمارەیەك لە پێشمەرگەكانی لیوای ناوبراو بەشێوازێكی زانستی و ئەكادیمی مەشق و راهێنانیان پێكرا و توانیان بە سەركەوتووی تەواوی قۆناغەكانی خولەكە ببڕن.

لای خۆیەوە سەرۆكی دەستی ئەركانی هێزەكانی ۷۰ دەستخۆشی لە فەرماندە و ئەفسەران و مامۆستایانی مەشقی لیوای ۷۱۱ كرد، لە پای بەجێگەیاندنی ئەركو كارەكانیان لەماوەی بەڕێوەچونی خولەكە بەشێوەیەكی زۆر باش و سەركەوتوو، هەروەها داوای لە پێشمەرگەكانی بەشداربوو لە خولەكە كرد كە بەرجەستەی ئەو وانانە بكەن كە لەماوەی خولەكەدا وەریان گرتووە لەپێناو خزمەت كردن بە خاك و گەل و نیشتمان.

PUKMEDIA