قوباد تاڵهبانی بۆ وهفدێكی باڵای سهربازی ئهمریكا: رێگربن لههێرشهكانی سهر عیراق
کوردستان 01:46 PM - 2023-09-21كۆبوونەوەی قوباد تاڵەبانی لەگەڵ وەفدێكی باڵای سەربازی ئەمریكا
قوباد تاڵەبانی جێگری سەرۆكوەزیران پێشوازی لە وەفدێكی باڵای سەربازی ئەمریكا بە سەرپەرشتی ژەنەراڵ ڤۆوڵ فەرماندەی گشتیی هاوپەیمانان لە عیراق و سوریا كرد و لە كۆبوونەوەی نێوانیاندا پرسی چاكسازییەكانی وەزارەتی پێشمەرگە و رووداوی هێرشكردنەسەر هێزەكانی دژەتیرۆر لە فڕۆكەخانەی عەربەت تاوتوێ كران.
لە تەوەرێكی كۆبوونەوەكەدا كە رۆژی 21-9-2023، لە هەولێر بەڕێوەچوو و تیایدا مارك سترۆ كونسوڵی گشتیی ئەمریكا لە هەرێم و لیوا بەختیار ئەمینداری گشتی وەزارەتی پێشمەرگە ئامادەی بوون، گفتوگۆكرا لەسەر دۆخی ئەمنی ناوچەكە، لەمبارەیەوە هەردوولا هاوڕابوون كە دۆخی ئەمنی ناوچەكە بە گشتی ئاڵۆز بووە و پێویستە هەماهەنگی زیاتر هەبێت لەنێوان هاوپەیمانان و هێزەكانی پێشمەرگە و هێزە عێراقییەكان، جەختیشان كردەوە لەسەر پێویستیی دانانی وەزیرێكی پێشمەرگە بە وەكالەت تا بتوانێت هەماهەنگی دروست بكات لەنێوان ئەو هێزانەدا بۆ كاری هاوبەش و روبەڕوبوونەوەی مەترسییەكان.
لە بەشێكی دیكەی كۆبوونەوەكەدا باسی چاكسازییەكانی وەزارەتی پێشمەرگە كرا، لەم چوارچێوەیەشدا جێگری سەرۆكوەزیران ئاماژەی بەوەدا: "بەهۆی نەبوونی وەزیری پێشمەرگەوە پڕۆسەی چاكسازی وەك پێویست بەڕێوەناچێت، هەربۆیە كاندیدێكیان بۆ وەزیری پێشمەرگە بە وەكالەت دەستنیشان كردووە، هیواشی خواست رێوشوێنەكانی دەستبەكاربوونی بە خێرایی تەواو بكرێت تا جێبەجێكردنی هەنگاوەكانی چاكسازی لە هێزەكانی پێشمەرگەدا بكەوێتەوە سەر رێڕەوی خۆی بەو جۆرەی كە پلانی بۆ دانراوە".
لە تەوەرێكی دیكەی كۆبوونەوەكەدا تاوتوێی هێرشكردنەسەر هێزەكانی دژە تیرۆركرا لە فڕۆكەخانەی عەربەت، وەفدی سەربازی ئەمریكا بەبۆنەی شەهیدبوونی سێ پێشمەرگەی دژەتیرۆرەوە پرسە و سەرەخۆشی خۆیان ئاڕاستەی قوباد تاڵەبانی و هێزەكانی دژەتیرۆری كوردستان كرد و هیوای چاكبوونەوەی خێرایان بۆ بریندارەكانیش خواست.
لەم چوارچێوەیەشدا جێگری سەرۆكوەزیران رایگەیاند: "هێزەكانی دژە تیرۆر بە درێژایی دوو دەیەی رابردوو هاوپەیمانێكی سەرەكی هێزەكانی هاوپەیمانان بوون لە بەرەنگاربوونی تیرۆر لە ناوچەكەدا و دووبارەبوونەوەی ئەمجۆرە هێرشانەش مەترسی گەورە بۆسەر ئاسایش و سەقامگیری عیراق و ناوچەكەش دروست دەكات، هەربۆیە پێویستە حكومەتی عیراق و هێزەكانی هاوپەیمانان و وڵاتانی دۆست هەڵوێستی جدی و هەنگاوی كردەیی بنێن بۆ رێگری كردن لە دووبارەبوونەوەی ئەم جۆرە هێرشانە و پاراستنی سەرەوەری خاكی عێراق و هەرێمی كوردستان".
PUKMEDIA
هەواڵی زیاتر
-
گهنمی جوتیارانی ههرێم به 2 ترلیۆن دینار دهخهمڵێندرێت
01:35 PM - 2024-05-01 -
سەرۆک بافڵ: کرێکاران پایەیەکی سەرەکی کۆمەڵگەن
01:05 PM - 2024-05-01 -
قوباد تاڵەبانی: کاردەکەین بۆ دەستەبەرکردنی مافی کرێکاران
11:11 AM - 2024-05-01 -
شاڵاو کۆسرەت رەسوڵ سەردانی ژمارەیەک کەسایەتی ناسراو دەکات
09:47 PM - 2024-04-30
ئەمانەش ببینە
کوردستان 08:38 PM - 2024-05-01 مەکتەبی سیاسی یەکێتی :بەگژ هەر هەوڵێکی ناڕەوای دواخستنی هەڵبژاردندا دەچینەوە
وتەبێژی کۆمسیۆن: ئامادەکاریەکانمان بۆ هەڵبژاردنی پەرلەمانی کوردستان بەردەوامە
03:07 PM - 2024-05-01
رێواز فایهق: نابێت دهرفهتی ههڵبژاردن لهدهستبدهین
10:50 AM - 2024-05-01
کوردستان قەرزاری دەستی کرێکارانە
09:58 AM - 2024-05-01
چوار فراکسیۆنی کوردستانی دژی دواخستنی هەڵبژاردنن
06:19 PM - 2024-04-30
زۆرترین خوێنراو
-
مەکتەبی سیاسی یەکێتی :بەگژ هەر هەوڵێکی ناڕەوای دواخستنی هەڵبژاردندا دەچینەوە
کوردستان 08:38 PM - 2024-05-01 -
شاڵاو کۆسرەت رەسوڵ بەشداری پرسەیەک دەکات
پرسەنامە 06:11 PM - 2024-05-01 -
قوباد تاڵهبانی: ئهرسهلان بایز ههمووكات قهڵهم و دهنگێكی راستگۆ بووه
ی ن ک 05:29 PM - 2024-05-01 -
وتەبێژی کۆمسیۆن: ئامادەکاریەکانمان بۆ هەڵبژاردنی پەرلەمانی کوردستان بەردەوامە
کوردستان 03:07 PM - 2024-05-01 -
گهنمی جوتیارانی ههرێم به 2 ترلیۆن دینار دهخهمڵێندرێت
کوردستان 01:35 PM - 2024-05-01 -
سەرۆک بافڵ: کرێکاران پایەیەکی سەرەکی کۆمەڵگەن
کوردستان 01:05 PM - 2024-05-01 -
قوباد تاڵەبانی: کاردەکەین بۆ دەستەبەرکردنی مافی کرێکاران
کوردستان 11:11 AM - 2024-05-01 -
رێواز فایهق: نابێت دهرفهتی ههڵبژاردن لهدهستبدهین
کوردستان 10:50 AM - 2024-05-01