باڵیۆزخانەی ئەمریکا ئیدانەی کردەوە تیرۆرستیەکەی فڕۆکەخانەی عەربەت دەکات
کوردستان 10:08 PM - 2023-09-19فرۆکەخانەی کشتوکاڵی عەربەت
وەزارەتی دەرەوەی تورکیا بەرپرسیارێتی خۆی بۆ ئەنجامدانی کردەوە تیرۆرستیەکەی فڕۆکەخانەی کشتوکاڵی عەربەت گرتە ئەستۆ، ئەمەش لە کاتێکدایە کە ئەو کردەوە تیرۆرستییە دەنگدانەوەی زۆری ناوخۆیی و نێودەوڵەتی بەدوای خۆیدا هێنا و بەهۆی ئەو کردەوەیەوە سێ کارمەندی هێزەکانی دژە تیرۆر شەهیدکران و سیانی دیکەش برینداربوون، لەبارەی کردەوە تیرۆرستیەکەش باڵیۆزی ولایەتە یەکگرتوەکانی ئەمریکا لە عیراق رایگەیاندووە:"پشتیوانی خۆمان بۆ سەروەری عیراق و یەکگرتویی خاکەکەی دوپات دەکەینەوە ".
ئەلینا رۆمۆنسکی باڵیۆزی ولایەتە یەکگرتوەکانی ئەمریکا لە عیراق لە پەیامێکیدا ئیدانەی هێرشەکەی فڕۆکەخانەی عەربەت دەکات و دەڵێت: "هێرشەکەی سەر فڕۆکەخانەی عەربەت لە پارێزگای سلێمانی ئیدانە دەکەین و پشتیوانی خۆمان بۆ سەروەری عیراق و یەکگرتویی خاکەکەی دوپات دەکەینەوە، کە زەروریەتن بۆ بەرقەراربونی ئەمن و ئاسایش لە عیراق و هاوسۆزی خۆمان بۆ کەسوکاری شەهیدەکان دەرەبڕین".
دژە تیرۆر: داگیرکەران و ناحەزان سێ قارەمانمانی شەهید کرد
هەر لەبارەی ئەم کردەوە تیرۆرستیەوە بەڕێوەبەرایەتی گشتی دژە تیرۆری کوردستان لە راگەیەندراوێکدا دەڵێت: "لێکۆڵینەوەی ورد لەسەر ئەم تاوانە تیرۆریستییە دەستپێکردوە کە بەچاوساغی نۆکەرانی بێگانەو سیخوڕانی ناوخۆیی ئەنجام درا بێ سزا تێناپەڕێت و هەر لایەن و جاسوسێک هاوکاربووبیت رووبەڕووی سزاو یاساو ویژدانی نەتەوەکەمانی دەکەینەوەو تۆڵەی شەهیدەکانمان لە ئەستۆی ئێمەیە و ناهێڵین خوێنی گەشیان بەهەدەربڕوات".
سەرۆک بافڵ بەتوندی ئیدانەی هێرشە تیرۆریستییەکەی عەربەت دەکات
هاوکات سەرۆک بافڵ جەلال تاڵەبانی سەرۆکی یەکێتیی نیشتمانیی کوردستان بە توندی ئیدانەی ئەم کردەوە تیرۆرستییە دەکات و رایگەیاندووە: "وێڕای دەربڕینی پرسە و سەرەخۆشیی قووڵمان بۆ کەسوکار و خانەوادەی سەربەرزی هەر سێ شەهیدی قارەمانی دژەتیرۆر کە شەهیدی ئارامیی کوردستانن، هیوای زوو چاکبوونەوەش بۆ برینداران دەخوازم. هەروەها دەستبەجێ داوای راگرتنی ئەم ھێرشانە دەکەین و داوا لە حکومەتی عیراقیش دەکەین کە ئەرکی دەستووریی و نیشتمانیی خۆی لە پاراستنی خاک و ئاسمانی عیراق بە کوردستانیشەوە رابپەڕێنێت و چیتر رێگە بەم پێشلکارییانە نەدرێت".
رۆژی دووشەممە ١٨ / ٩ / ٢٠٢٣ فڕۆکەخانەی کشتوکاڵی عەربەت لە سلێمانی لەلایەن داگیرکەران و ناحەزانی ئارامی و ئاسایشی هەرێم بە فڕۆکەی بێ فڕۆکەوان کرایە ئامانج کە بەداخەوە 3 هەڤاڵ و پێشمەرگەی قارەمانی دژەتیرۆری کوردستان شەهیدبوون و 3 پێشمەرگەی تریش برینداربوون.
PUKMEDIA
هەواڵی زیاتر
-
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
09:34 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
05:33 PM - 2024-05-18 -
کتێبی شەو لەكێوان ناساندنی بۆ كرا
11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
11:08 AM - 2024-05-18
ئەمانەش ببینە
لەهەڵبژاردنی سەرۆکی پەرلەماندا عیساوی پێش مەشهەدانی کەوت
05:45 PM - 2024-05-18
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
04:10 PM - 2024-05-18
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
12:33 PM - 2024-05-18
شەش ساڵ بەسەر کۆچی دوایی عادل موراد دا تێدەپەڕێت
09:11 AM - 2024-05-18
زۆرترین خوێنراو
-
جاسوسی
بیروڕا 09:23 PM - 2024-05-18 -
لەهەڵبژاردنی سەرۆکی پەرلەماندا عیساوی پێش مەشهەدانی کەوت
عیراق 05:45 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
کوردستان 05:33 PM - 2024-05-18 -
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
کوردستان 04:10 PM - 2024-05-18 -
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
کوردستان 12:33 PM - 2024-05-18 -
کتێبی شەو لەكێوان ناساندنی بۆ كرا
کوردستان 11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
ی ن ک 11:08 AM - 2024-05-18 -
ئهنجومهنی نوێنهران بۆ ههڵبژاردنی سهرۆكهكهی كۆدهبێتهوه
عیراق 09:46 AM - 2024-05-18