قوباد تاڵەبانی: یەكگرتوو نەبین، دەدۆڕێین
کوردستان 04:30 PM - 2023-09-06قوباد تاڵەبانی و چۆ كیجۆنگ
قوباد تاڵەبانی جێگری سەرۆك وەزیران لە كۆبوونەوەی لەگەڵ چۆ كیجۆنگ، كونسوڵی گشتی كۆریای باشور لە هەرێم رایگەیاند: "لەم قۆناغەدا كورد و هەرێمی كوردستان روبەڕووی هەڕەشە و تەحەدای مەترسیدار بووەتەوە و ئەگەر بێتو كورد یەكگرتوو نەبێت، بەرگەی هەڕەشە و مەترسییەكان ناگرێت".
لە كۆبوونەوەكەدا كە رۆژی چوار شەمە، 6ی ئەیلولی 2023 لە هەولێر بەڕێوەچوو، بەبۆنەی كۆتایی هاتنی ئەركەكەی لە هەرێم وەك كونسوڵی گشتی، قوباد تاڵەبانی ستایشی چۆ كی جۆنگی كرد كە لە ماوەی كاركردنیدا رۆڵی گرنگی بینیوە لە بەرەوپێشبردن و بەهێزكردنی پەیوەندییەكانی نێوان هەرێمی كوردستان و وڵاتی كۆریای باشور، هەروەها سوپاسی حكومەتی ئەو وڵاتەشی كرد كە لە دوای پرۆسەی ئازادی عێراقەوە، بەشدارییەكی گرنگ و كارای هەبووە لە پرۆسەی ئاوەدانكردنەوەی كوردستان و عێراق.
لەلای خۆشییەوە كونسوڵی كۆریای باشور سوپاسی قوباد تاڵەبانی و نووسینگەی جێگری سەرۆك وەزیرانی كرد كە لە ماوەی كاركردنیدا لە هەرێم بە بەردەوام هاوكار و یارمەتیدەری بوون لە راپەڕاندنی كاروبارەكان.
لە بەشێكی دیكەی كۆبوونەوەكەدا تاوتوێی كێشەكانی نێوان هەرێم و بەغدا و مەترسییەكانی سەر هەرێمی كوردستان كرا، لەمبارەیەوە جێگری سەرۆك وەزیران ئاماژەی بەوەدا هەرێمی كوردستان و كورد بە گشتی لە چەندین لایەنەوە رووبەڕووی فشار و مەترسی گەورە بوونەتەوە، بەم دۆخەی ئێستاوە كە لایەنە سیاسییەكانی كوردستان لە ناكۆكی و ململانێیەكی ناتەندروستدان، ئەستەمە كورد بەرگەی ئەو فشار و مەترسییانە بگرێت.
قوباد تاڵەبانی راشیگەیاند: "تەنها بژاردەی بەردەم كورد و هەرێمی كوردستان لەم دۆخە قورسەدا ئەوەیە بگەڕێینەوە بۆ سیاسەتی حەكیمانە و ژیرانە و سەرەتا كێشە ناوخۆییەكانی ناو ماڵی كورد بە خێرایی چارەسەر بكەین، تا بە یەكگرتوویی و یەكڕیزییەوە رووبەڕووی هەڕەشە و مەترسییەكان ببینەوە، هۆشداریشی دا ئەگەر یەكگرتوو نەبین، دەدۆڕێین و رۆژانێك دێت هەموو لایەكمان پەشیمان دەبینەوە كە بۆچی ئەو كەمە دەرفەتەی ماوە لە دەستمان دا و نەمانتوانی بەسەر كێشەكانی ناوخۆماندا زاڵ بین".
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
02:16 PM - 2024-05-16
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16