قوباد تاڵەبانی: دۆخی شەنگال ئاسایی بکرێتەوە و مافی ئێزدییەکان پارێزراوبێت
کوردستان 03:16 PM - 2023-08-24کۆبوونەوەی قوباد تاڵەبانی لەگەڵ لەمیا قەدور
قوباد تاڵەبانی، جێگری سەرۆک وەزیران پێشوازیکرد لە لەمیا قەدور ئەندامی پەرلەمانی ئەڵمانیا لە پارتی سەوز و لە کۆبوونەوەی نێوانیاندا چەند پرسێکی جێگەی بایەخی هەردوولا تاوتوێ کران.
لە کۆبوونەوەکەدا کە رۆژی پێنج شەمە، ٢٤ی ئابی ٢٠٢٣ لە هەولێر بەڕێوەچوو و تیایدا هەر یەکە لە دابان شەدەڵە جێگری بەرپرسی فەرمانگەی پەیوەندییەکانی دەرەوەی هەرێم و کلاوس شترایشەر كونسوڵی گشتیی ئەڵمانیا ئامادەی بوون، باسی دۆخی مافی مرۆڤ لە هەرێمی کوردستان و عیراق و بە تایبەتیش دۆخی ئێزیدییەکان کرا.
هەردوولا هاوڕابوون کە پێویستە کۆمەڵگای نێودەوڵەتی زیاتر هاوکاری لایەنە پەیوەندیدارەکانی هەرێمی کوردستان و عیراق بکات بۆ ئەوەی نەک هەر جۆرە پاشەکشێیەک روونەدات بەڵکو ساڵ لە دوای ساڵ دۆخی مافی مرۆڤ لە ستانداردە نێودەوڵەتییەکان نزیکتر ببێتەوە.
سەبارەت بە دۆخی ئێزیدییەکانیش قوباد تاڵەبانی رایگەیاند: بەداخەوە هێشتا بارودۆخی شەنگال ئاسایی نەبووەتەوە و ئاوارەکان بە تەواوی نەگەڕاونەتەوە زێد و ناوچەکانی خۆیان و پێویستە هەموولایەکمان کار لەسەر ئاسایی کردنەوەی دۆخەکە بکەین و مافی ئێزیدییەکان پارێزراو بێت.
لە تەوەرێکی دیکەی کۆبوونەوەکەدا باسی هەڵبژاردنەکانی داهاتووی پەرلەمانی کوردستان کرا، لەمبارەیەشەوە قوباد تاڵەبانی جەختی کردەوە لەسەر بەڕێوەچوونی هەڵبژاردنێکی پاک و بێگەرد و دادپەروەرانە لەو وادەیەی کە لەلایەن سەرۆکایەتی هەرێمەوە دیاری کراوە.
لە بەشێکی دیکەی کۆبوونەوەکەدا تاوتوێی پەیوەندییەکانی نێوان هەرێم و بەغدا کرا، هەردوولا جەختیان کردەوە لەسەر چارەسەرکردنی ناکۆکییەکان لەڕێگەی گفتوگۆ و دانووستانەوە.
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16