قوباد تاڵەبانی: یەكڕیزی ناوماڵی كورد پێگەی هەرێم لە بەغدا بەهێزتر دەكات
کوردستان 05:22 PM - 2023-08-23قوباد تاڵەبانی و تۆم توگێندهات
قوباد تاڵەبانی جێگری سەرۆكوەزیرانی هەرێم پێشوازی لە تۆم توگێندهات، وەزیری دەوڵەتی بەریتانیا بۆ كاروباری ئاسایش كرد و لە كۆبوونەوەی نێوانیاندا كۆمەڵێك بابەتی جێگەی بایەخی هەردوولا تاوتوێ كران.
لە تەوەرێكی كۆبوونەوەكەدا كە رۆژی 23-8-2023، لە هەولێر بەڕێوەچوو و تیایدا هەر یەكە لە دابان شەدەڵە جێگری سەرۆكی فەرمانگەی پەیوەندییەكانی دەرەوەی هەرێم و رۆزی كەیڤ كونسوڵی گشتی بەریتانیا ئامادەی بوون، بە گرنگییەوە باس لە پێویستیی پاراستنی یەكڕیزی ناوماڵی كورد كرا.
هەردوولا هاوڕابوون پاراستنی یەكڕێزی ناوماڵی كورد لەلایەكەوە كاریگەری هەیە لەسەر پاراستنی ئاسایش و سەقامگیری سیاسی هەرێم و عیراق و تەنانەت ناوچەكەش، بەوپێیەی هێشتا مەترسی تیرۆر و گروپە تیرۆریستییەكان لە ئارادایە، لەلایەكی دیكەشەوە كاریگەری هەیە لەسەر پەیوەندییەكانی نێوان هەرێم و بەغدا و بە پاراستنی یەكڕیزی ناوماڵی كورد باشتر دەتوانرێت كێشەكانی نێوان هەرێم و بەغدا چارەسەر بكرێن و پێگەی كورد لە بەغدا بەهێزتر دەكات.
لە بەشێكی دیكەی كۆبوونەوەكەدا باسی كێشەكانی ناو وەزارەتی پێشمەرگە و پرۆسەی چاكسازییەكانی ناو وەزارەت كرا. لەمبارەیەوە وەزیری دەوڵەتی بەریتانیا بۆ كاروباری ئاسایش جەختی لەسەر گرنگی چارەسەر كردنی كێشەكانی ناو وەزارەت كرد، چونكە بەردەوامی كێشەكان كاریگەری نەرێنی لەسەر سەقامگیری هەرێم و عیراق دادەنێت.
لە تەوەرێكی دیكەی كۆبوونەوەكەشدا تاوتوێی چۆنییەتی بەرەنگاربوونەوەی كۆچی نایاسایی و تاوانی رێكخراو و لەناویشیاندا ماددەی هۆشبەر كرا، وەفدەكەی بەریتانیا داوایكرد حكومەتی هەرێم زیاتر هاوكاربێت بۆ بنەبڕكردنی تاوانی رێكخراو و بەرەنگاربوونەوەی باندەكانی ماددەی هۆشبەر و نەهێشتنی كۆچی نایاسایی.
هەر سەبارەت بە پرسی كۆچی نایاسایی، جێگری سەرۆك وەزیران رایگەیاند: "ئەم بابەتە پێویستی بە هەماهەنگی و پێكەوەكاركردنی زیاتر هەیە"، وتیشی: "یەكێك لە چارەسەرەكان بۆ كەمكردنەوەی كۆچی نایاسایی ئەوەیە كە بەریتانیا و وڵاتانی رۆژئاوا زیاتر هانی كۆمپانیا و وەبەرهێنەرەكانیان بدەن بێنە هەرێمی كوردستان و هەروەها زیاتر هاوكار و بەشداربن لە گەشەپێدانی ئابوری هەرێم".
PUKMEDIA
هەواڵی زیاتر
-
قوباد تاڵەبانی: دواخستنی هەڵبژاردن زیان بە شەرعییەتی هەرێم دەگەیەنێت
06:07 PM - 2024-05-09 -
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
12:01 PM - 2024-05-09 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08
ئەمانەش ببینە
فراکسیۆنی یەکێتی داوای قەرەبووی زیانلێکەوتوانی بازاڕی قەیسەری هەولێر دەکات
11:55 AM - 2024-05-10
داهاتی هەفتەی رابردووی سلێمانی زیاتر لە 10 ملیار دینارە
09:06 AM - 2024-05-10
قوباد تاڵەبانی بۆ وەفدێکی ئەمریکا: پەکخستنی هەڵبژاردن هەرێم دەخاتە مەترسییەوە
08:59 PM - 2024-05-09
هەڵوێستی یەکێتی راستگۆ و نەگۆڕە لەسەر هەڵبژاردن
04:33 PM - 2024-05-09
زۆرترین خوێنراو
-
هاوخەمی قوباد تاڵەبانی بۆ کۆچیدوای مام سەعید
پرسەنامە 04:38 PM - 2024-05-10 -
هاوخەمی کۆسرەت رەسوڵ بۆ کۆچیدوایی سەعید عەبدوڵا بەگ
پرسەنامە 04:28 PM - 2024-05-10 -
لە سلێمانی کۆنفراسی گەڕانەوەی ئاوارە دەکرێت، لە هەلێر و دهۆکیش رێگری
کوردستان 03:23 PM - 2024-05-10 -
فراکسیۆنی یەکێتی داوای قەرەبووی زیانلێکەوتوانی بازاڕی قەیسەری هەولێر دەکات
کوردستان 11:55 AM - 2024-05-10 -
داهاتی هەفتەی رابردووی سلێمانی زیاتر لە 10 ملیار دینارە
کوردستان 09:06 AM - 2024-05-10 -
قوباد تاڵەبانی بۆ وەفدێکی ئەمریکا: پەکخستنی هەڵبژاردن هەرێم دەخاتە مەترسییەوە
کوردستان 08:59 PM - 2024-05-09 -
هاوخەمی سەرۆکی یەکێتی بۆ شێخ میقداد
پرسەنامە 07:56 PM - 2024-05-09 -
هاوخەمی قوباد تاڵەبانی بۆکۆچی دوایی خاتوو زەینەب
پرسەنامە 06:12 PM - 2024-05-09