پیرە: ناردنی مووچە ئاسۆی سەردانەكەی سەرۆك بافڵە بۆ بەغدا
کوردستان 01:37 PM - 2023-07-28سەعدی ئەحمەد پیرە
سەعدی ئەحمەد پیرە ئەندامی مەكتەبی سیاسی یەكێتی رایدەگەیەنێت: "ئامانجی سەردانەكەی سەرۆك بافڵ بۆ بەغدا ناردنی مووچەی فەرمانبەران بوو، ئاسۆی سەردانەكەش ئەوە بوو لەھەفتەی داھاتوو مووچە بۆ ھەرێم دێت"، راشیگەیاند: "سەرۆكی یەكێتی بۆ ھەموو لایەنەكانی رونكردەوە كە یەكێتی ئامادەیە بۆ ھەڵبژاردن بەڵام ھەڵبژاردنێكی پاك و بێگەرد و بەلیستێكی نوێ و یاسایەكی نوێ" .
سەعدی ئەحمەد پیرە ئەندامی مەكتەبی سیاسی و ئەندامی وەفدە باڵاكەی یەكێتیی نیشتمانیی كوردستان لە بەغدا، لەدیدارێكی لەگەڵ كەناڵی ئاسمانی گەلی كوردستان رایگەیاند: "بافڵ جەلال تاڵەبانی سەرۆكی یەكێتیی نیشتمانیی كوردستان، لە سەردانەكەیدا لە بەغدا بەسەرۆك وەزیرانی عیراقی راگەیاند، ھاووڵاتیان و مووچەخۆرانی ھەرێم نابێت سزابدرێن، چونكە فەرمانبەر لەسەری مانگ مافی خۆیەتی مووچەكەی وەربگرێت، نابێت ببەسترێتەوە بەناكۆكییەكانی نێوان حكومەتی ھەرێم و حكومەتی بەغدا، هەربۆیە ئامانجی سەردانەكەی سەرۆك بافڵ بۆ بەغدا ناردنی مووچەی فەرمانبەران بوو، ئاسۆی سەردانەكەش ئەوە بوو لەھەفتەی داھاتوو مووچە بۆ ھەرێم دێت".
"لە سەردانەكەماندا بۆ بەغدا بە محەمەد شیاع سودانی سەرۆك وەزیرانی عیراقمان راگەیاند، كە ئەوە یەكێتیی نیشتمانیی كوردستان نییە كۆبونەوەكان تێكدەدات، بەڵكو یەكێتی هەمیشە لەگەڵ ھەرێمیكی یەكگرتوودا بووە" سەعدی ئەحمەد پیرە وادەڵێت .
راشیگەیاند: "لەبەغدا سەرۆك بافڵ بۆ ھەموو لایەنەكانی رونكردەوە كە یەكێتی ئامادەیە بۆ ھەڵبژاردن بەڵام ھەڵبژاردنێكی پاك و بێگەرد بێت و بەلیستێكی نوێ و یاسایەكی نوێ، بۆیە ئەو لایەنانەی دەڵێن یەكێتی ھەڵبژاردنی ناوێت درۆیە و راست ناكەن، ئەوانەی درۆ بەناوی یەكێتییەوە دەكەن پێیان دەڵێین درۆ قاچی كورتە".
ئەندامەكەی مەكتەبی سیاسی یەكێتی راشیگەیاند: "ھەڵبژاردنەكانی پێشتر دەستێوەردان زۆریان تێدا كراوە، كورسی كۆتاكانیش بووەتە مۆنۆپۆلی لایەنێكی دیاریكراوە كە ئەمە نابێت و كودەتامان لەپشتی پەردەوە قبوڵ نییە".
لەبارەی شاری كەركوكەوە سەعدی ئەحمەد پیرە رایگەیاند: "سەرۆك مام جەلال عاشقی كەركوك بوو و لەھەموو كۆبوونەوە و دیدارەكانیدا باسی چارەسەركردنی كێشەی كەركوكی دەكرد، بۆیە ئێمە ماندوونابین لەخزمەتكردنی خەڵك ئەو بەرنامانەی كە سەرۆك مام جەلال داینابوو ھەموی جێبەجێدەكەین".
وتیشی: "هەر بۆیە سەرۆك بافڵ تەئكیدی كردەوە كە پێویستە كورد لەكەركوك بەیەك لیست بەشداری ھەڵبژاردنەكان بكات و ھەموو خزمەتێك بۆ شاری كەركوك زۆر پێویستە".
ئەمەش لەكاتێكدایە یەكێتیی نیشتمانیی كوردستان هەر لەسەرەتای دامەزراندییەوە هەموو هەوڵێكی لەپێناو باشتركردن و دابینكردنی ژیانێكی شایستە بووە بۆ كۆمەڵانی خەڵكی كوردستان، ئەمەشی بە كردار سەلماندووە، لە پیشتردا سەرۆك مام جەلال بۆ ئەو مەبەستە هەوڵی زۆری داوە، ئێستاش بافڵ جەلال تاڵەبانی سەرۆكی یەكێتیی نیشتمانیی كوردستان لەسەر هەمان رێبازی شكۆی نەتەوەیەك لەو هەوڵە بەردەوامە و هەر لە سەرەتای وەرگرتنی پۆستی سەرۆكی یەكێتییەوە بەردەوام لەهەوڵ و كۆبوونەوەدا بووە، لەگەڵ لایەنە سیاسییە عیراقی و كوردستانییەكان، لەپێناو گەیشتن بە رێككەوتن و دابینكردنی خۆشگوزەرانی بۆ كۆمەڵانی خەڵكی كوردستان و دابینكردنی مووچە و شایستە داراییەكان و هەر بۆ ئەو مەبەستە لەرابردووشدا زنجیرەیەك كۆبوونەوەی لە بەغدای پایتەختی عیراق ئەنجامدا.
PUKMEDIA
هەواڵی زیاتر
-
قوباد تاڵەبانی: دواخستنی هەڵبژاردن زیان بە شەرعییەتی هەرێم دەگەیەنێت
06:07 PM - 2024-05-09 -
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
12:01 PM - 2024-05-09 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08
ئەمانەش ببینە
دادگای فیدراڵی لهسهر سێ سكاڵای تایبهت بهههرێم كۆدهبێتهوه
10:07 AM - 2024-05-11
دەستەی ناوچە کوردستانییەکان: لەستەمی سەر جوتیارانی گوندی پەلکانە بێدەنگ مەبن
09:29 PM - 2024-05-10
لە سلێمانی کۆنفراسی گەڕانەوەی ئاوارە دەکرێت، لە هەلێر و دهۆکیش رێگری
03:23 PM - 2024-05-10
فراکسیۆنی یەکێتی داوای قەرەبووی زیانلێکەوتوانی بازاڕی قەیسەری هەولێر دەکات
11:55 AM - 2024-05-10
زۆرترین خوێنراو
-
بەغدا مووچەی ئایار دابەشدەکات و هەولێر چاوەڕێی مووچەی نیسانە
کوردستان 11:38 AM - 2024-05-11 -
دادگای فیدراڵی لهسهر سێ سكاڵای تایبهت بهههرێم كۆدهبێتهوه
کوردستان 10:07 AM - 2024-05-11 -
هاوخەمی سەرۆک بافڵ بۆکۆچی دوایی مام سەعید گەڵاڵی
پرسەنامە 10:38 PM - 2024-05-10 -
دەستەی ناوچە کوردستانییەکان: لەستەمی سەر جوتیارانی گوندی پەلکانە بێدەنگ مەبن
کوردستان 09:29 PM - 2024-05-10 -
هاوخەمی قوباد تاڵەبانی بۆ کۆچیدوای مام سەعید
پرسەنامە 04:38 PM - 2024-05-10 -
هاوخەمی کۆسرەت رەسوڵ بۆ کۆچیدوایی سەعید عەبدوڵا بەگ
پرسەنامە 04:28 PM - 2024-05-10 -
لە سلێمانی کۆنفراسی گەڕانەوەی ئاوارە دەکرێت، لە هەلێر و دهۆکیش رێگری
کوردستان 03:23 PM - 2024-05-10 -
فراکسیۆنی یەکێتی داوای قەرەبووی زیانلێکەوتوانی بازاڕی قەیسەری هەولێر دەکات
کوردستان 11:55 AM - 2024-05-10