30 ساڵ بەسەر شەهیدبوونی فەرماندە غەریب هەڵەدنی تێدەپەڕێت
ی ن ک 12:07 PM - 2023-07-22شەهید غەریب هەڵەدنی
ئەمڕۆ 30 ساڵ تێدەپەڕێت بەسەر شەهیدبوونی فەرماندە و پارتیزانی رۆژە سەختەکان شەهید (غەریب هەڵەدنی)دا، کە لە رۆژێکی وەک ئەمڕۆدا 1993-7-22، لە کاتی بەجێگەیاندنی ئەرکەکانیدا وەک فەرماندەی لیوای (22)ی دوکان، شەهید کرا و گەیشتە کاروانی نەمران.
ژیاننامەی شەهیدی فەرماندە
ـ لە تەموزی 1976 لە مەفرەزە سەرەتاییەکان شارباژێڕ بوە بە پێشمەرگە ,هەر ئەو ساڵە خۆی و باوکی کە ئەویش ئەندامی کۆمەڵە بوو، پەناگەیەکیان بۆ چاپخانەی کۆمەڵە لە تەنگەی مادێنای حەسەن بەگ لە چیای ژیلوان بەرامبەر بە گوندی هەڵەدن داناو بە ئامێرەکانی ئەم چاپخانەیە یەکەم بەلاغی عەسکەری شۆڕشی نوێ چاپکرا.
ـ ساڵی 1978لەگەڵ هێزەکانی یەکێتی بەرەو برادۆست بەڕێکەوت و لە ناوچەی هەکاری دووچاری کێشمەکێشو نەهامەتییەکی زۆر بوو.
ـ بەشداربوو لە هەردوو کۆنفرانسی 1و 2ی کۆمەڵەو لە ساڵی 1982 دا بوە ئەندامی کەرتی رێکخستنی دووکان.
ـ ساڵی 1985 وەک کادرێکی عەسکەری گوێزرایەوە بۆ مەڵبەندی یەک لە قەرەداغ.
ـ ساڵی 1986 گەڕایەوە بۆ دۆڵی جافەتی و لەگەڵ چەند کادرێکی تردا ئەرکی گواستنەوەی چەک و تەقەمەنی و کەل و پەلی لە ناوچەی ئالانەوە بۆ بارەگاکانی یەکێتی لە دۆڵی جافەتی پێسپێردرا.
ـ ساڵی 1987 بوو بەکادیر لە سکرتاریەتی سکرتێری گشتی، هەر ئەو ساڵە کرایە فەرماندەی تیپی پارێزگاری.
ـ ساڵی 1988 لە گوندی هەڵەدن لە کاتی شاڵاوی ئەنفالی 1ی دۆڵی جافەتیدا بەگازی کیمیایی جۆری خوردەل بریندار بوو.
لە حوزەیراندا بەشداری لە شەرەکانی سنوری مەڵبەندی 3دا کردو لە ئەیلولدا وەک فەرماندەی پارتیزانەکانی رەتڵی سورداش گەڕایەوە بۆ ناوچەکانی دۆڵی جافەتی و مەرگە وسورداش و لەو ماوەیەدا ئەرکی رێکخستنی پەیوەندی نێوان سەرکردایەتی و رێکخستنی سلێمانی گرتە ئەستۆ.
ـ لەبەرنامەی راپەڕینی ساڵی 1991 دا یەکێ لە فەرماندەکانی قۆڵی سورداش بوو ,لە گرتنی سەربازگەی مەرگە بریندار بوو.
ـ ساڵی 1992 بەشداری لە کۆنگرەی یەکەمی یەکێتیدا کردو پاش دامەزراندنی سوپای یەکگرتوی کوردستان بووە فەرماندەی لیوای 22 ی سەربە ناوچەی فەرماندەی سلێمانی.
ـ لە ژیانی پێشمەرگایەتیدا بەشداری زۆر داستان و چالاکی کردووە لەوانە شەرەکانی ئاسنگەران، ژیلوان، قەندیل، سماقوڵی، دەشتی کۆیە، قەیوان –ماوەت، داستانی رزگاری، هەڵەموند، گەرەوان، دابان، هەلاج.
ـ سەلیقەیەکی کلتوری و شوێنەواری هەبوو، ساڵی 1993 ئاسەوارێکی گرنگی مێژویی پێشکەش بە شوێنەوارناسی سلێمانی کرد کە مێژوی بۆ چوار هەزار ساڵ پێشئێستا دەگەڕێتەوە و زیاتر لە پێنج ساڵ بوو پاراستبووی.
هەروەها شوێنی ئاسەوارێکی دیگەی گرنگی پیشانی هەمان فەرمانگە دا لە دەربەندی رەبەنە لە پشت گوندی قەرەچەتان لە بناری چیای پیرە مەگرون لە ناوچەی سورداش.
ـ مەخابن لە رۆژی 1993-7-22 لە کاتی بەجێگەیاندنی ئەرکەکانیدا وەک فەرماندەی لیوای (22)ی دوکان، شەهید کرا و گەیشتە کاروانی نەمران.
بیرەوەریەکانی کەتایبەتن بە ژیانی پارتیزانی ساڵانی 1988-1989 ساڵی 1994 لە سلێمانی لە دوو توێی نامیلکەیەکی بچوکی 64 لاپەڕەیدا چاپ کراون، ئەم نامیلکەیە بە ناونیشانی (خۆم دەوروبەر و هاوڕێکانم لە بڕیارێکی مێژوییدا) لەچاپخانەی سەرکەوتن چاپ کراوە و مەحمود رەزا پێشەکی بۆ نوسیوە و پەراوێزی بۆ کردووە.
PUKmedia
هەواڵی زیاتر
-
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
12:01 PM - 2024-05-09 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08 -
سەعدی پیرە: داواکاری کاسبکارانی بازاڕی قەیسەری هەولێر رەوایە
07:59 PM - 2024-05-08
ئەمانەش ببینە
پهرلهمان بۆ ههڵبژاردنی سهرۆك پشووهكهی دوادهخات
12:30 PM - 2024-05-09
لێپرسراوی ناوهندی یاسایی یهكێتی: نیهتی پارتی دواخستنی ههڵبژاردنه
09:39 AM - 2024-05-09
سەرۆک بافڵ: لەگەڵ دوژمنانیش باوەڕم بە دیالۆگە
08:13 PM - 2024-05-08
سەرۆک بافڵ: سەقامگیریی و حوکمڕانییەکی تەندروست هەڵوێستی نەگۆڕمانە
03:25 PM - 2024-05-08
زۆرترین خوێنراو
-
عیراق بڕیاری چارەسەرکردنی کێشەی جوتیارانی کەرکوک دەدات
کوردستان 08:54 PM - 2024-05-08 -
سەرۆک بافڵ: لەگەڵ دوژمنانیش باوەڕم بە دیالۆگە
کوردستان 08:13 PM - 2024-05-08 -
سەعدی پیرە: داواکاری کاسبکارانی بازاڕی قەیسەری هەولێر رەوایە
کوردستان 07:59 PM - 2024-05-08 -
چوار بازرگانی نێودەوڵەتی هۆشبەر دەستگیردەکرێن
کوردستان 07:43 PM - 2024-05-08 -
قوباد تاڵەبانی: سوپاسی هەوڵەکانی باڵیۆزی ئیسپانیا دەکەم
کوردستان 05:44 PM - 2024-05-08 -
پرسەنامەی قوباد تاڵەبانی بۆ خانەوادەی دەرباز یوسف گوانی
پرسەنامە 03:35 PM - 2024-05-08 -
سەرۆک بافڵ: سەقامگیریی و حوکمڕانییەکی تەندروست هەڵوێستی نەگۆڕمانە
کوردستان 03:25 PM - 2024-05-08 -
وتەبێژی یەکێتی: تەنها یەک لایەن نایەوێت هەڵبژاردن ئەنجامبدرێت
کوردستان 02:16 PM - 2024-05-08