زەحمەتکێشان هاوڕایە لەگەڵ یەکێتی بۆ یەکدەنگی کورد لە ناوچە کێشەلەسەرەکان
کوردستان 01:16 PM - 2023-07-18یەکێتی و زەحمەتکێشان
یەکێتیی نیشتمانیی کوردستان لەپێناو کەرکوک و ناوچە کێشە لەسەرەکان ئامادەی
هەموو یەکڕیزییەکەو لەهەوڵ و کۆبونەوەی بەردەوامدایە بۆ ئەوەی کورد بە یەک لیست بەشداری
هەڵبژاردنی پارێزگاکانی عیراق بکات، ئەندامێکی مەکتەبی سیاسیش دەڵێت: "ئەگەر یەکێتیش
براوە بێت، کورد سەرکەوتوو نەبێت هەموومان دۆڕاوین".
رزگار حاجی حەمە ئەندامی مەکتەبی سیاسی و لێپرسراوی دەزگای هەڵبژاردنی
یەکێتیی نیشتمانیی کوردستان لە کۆنگرەیەکی رۆژنامەوانیدا لە دوای کۆبونەوەی وەفدی
یەکێتی لەگەڵ حزبی زەحمەتکێشانی کوردستان لە هەولێر رایگەیاند: "دەمانەوێت سەرجەم
هێز و لایەنە کوردستانییەکان لەناوچە کێشە لەسەرەکان بەیەک لیست بەشداری هەڵبژاردن
بکەن، بۆ ئەوەی بەهەموومان بتوانین کورد سەربخەین".
"ئێمە هیچ هێڵێکی سورمان لەسەر هیچ لایەنێکی سیاسی لەهەرێمی کوردستان نییە ،
دەبێت هەموومان لەم هەڵبژاردنەی داهاتوو بەیەکەوە بین و لیستی هاوبەشمان هەبێت بۆ
ئەوەی بەرامبەر پێکهاتەکانی تر بەهێز بین، پێکەوەبونی لایەنەکان کورسی و دەنگی
کورد بەهێز و جێگیر دەکات و وەک یەکێتیی نیشتمانیی کوردستان ئامادەی هەموو هاوکاری
و پشتیوانییەکین لەپێناوی ئەوەی خزمەت
بەهەموو ناوچەیەک بگا، لەپێناوی ئەوەی
دەنگی کورد لە هیچ سنورێک بەفیڕۆ نەڕوات، چونکە خەڵکی کوردستان و سەرجەم هێز و
لایەنە سیاسییەکان قوربانییەکی زۆریان بۆ ناوچە دابڕێنراوەکان داوەو ئامادەی هەموو
کۆبونەوەیەکین"، رزگار حاجی حەمە وای وت.
دەشڵێت: "ناکرێت بەهۆی ئامادەنەبونی لایەنێکی سیاسی بۆ یەکڕیزی هەموو دەستکەوتوو و قوربانییەکانمان بەفیڕۆ بڕوات و هەر وەک ناشکرێت بەهۆی ناتەبایی کوردەوە ئەو ناوچانە رادەستی پێکهاتەکانی تر بکەین، ئەگەر کورسی پێکهاتەکانی تر دەنگەکانیان بگاتە سەروو دەنگی کورد ئەو کاتە دەسەڵاتی ئەو ناوچانە دەگرنە دەست، هەر هێز و لایەنێکی سیاسی لەگەڵ یەکڕیزی کورد نەبێت ئەوە رونە کە بە ناڕاستەوخۆ دەیەوێت ئەو ناوچانە بداتەوە پێکهاتەی عەرەب و لایەنەکانی دیکە".
"ئێمە لە سەرکەوتنی یەکێتی دڵنیاین، بەڵام با سەرکەوتووش بین ئەگەر لەو ناوچانە کورد لە 9 کورسی زیاتری نەبێت مانای وایە هەموومان دۆڕاوین، بۆیە زۆر گرنە ئێمە بەنەفەسی برایەتی و یەک ڕیزی بڕیاربدەین"، ئەندامەکەی مەکتەبی سیاسی وای وت.
هەر لە کۆنگرەکەدا بێکەس قادر ئەندامی مەکتەبی سیاسی حزبی زەحمەتکێشانی کوردستان لە کۆنگرەکەدا رایگەیاند: "لەگەڵ یەکێتیی نیشتمانیی کوردستان هاوڕاین، کە پێویستە کورد بۆ هەڵبژاردنی پارێزگاکانی عیراق لە ناوچە کێشەلەسەرەکان یەک دەنگ بێت، چونکە ئەگەر وانەکەین دەنگێکی زۆر لەدەستدەدەین، ئەمەش وادەکات لایەنی بەرامبەر بەسەرماندا سەرکەوێت".
"لای زەحمەتکێشانی کوردستان هەڵبژاردەی یەکەممان پێکەوە بونی کوردە لە ناوچە کێشە لەسەرەکان، چونکە پێمان وایە ئەگەر ئەوە نەکەین خۆمان بە دەستی خۆمان دەنگی کورد لەو ناوچانە پەرتەوازە دەکەین"، بێکەس قادر وای وت.
PUKMEDIA
هەواڵی زیاتر
-
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
12:01 PM - 2024-05-09 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08 -
سەعدی پیرە: داواکاری کاسبکارانی بازاڕی قەیسەری هەولێر رەوایە
07:59 PM - 2024-05-08
ئەمانەش ببینە
هەڵوێستی یەکێتی راستگۆ و نەگۆڕە لەسەر هەڵبژاردن
04:33 PM - 2024-05-09
سەرۆک بافڵ: پەیوەندییەکانمان بۆ بەرژەوەندییە نیشتمانییەکانە
03:31 PM - 2024-05-09
پهرلهمان بۆ ههڵبژاردنی سهرۆك پشووهكهی دوادهخات
12:30 PM - 2024-05-09
لێپرسراوی ناوهندی یاسایی یهكێتی: نیهتی پارتی دواخستنی ههڵبژاردنه
09:39 AM - 2024-05-09
زۆرترین خوێنراو
-
هاوخەمی قوباد تاڵەبانی بۆ کۆچی دوایی خاتوو نازەنین
پرسەنامە 10:49 AM - 2024-05-09 -
لێپرسراوی ناوهندی یاسایی یهكێتی: نیهتی پارتی دواخستنی ههڵبژاردنه
کوردستان 09:39 AM - 2024-05-09 -
بۆچی دەبێ لەگەڵ دوژمنانیش بچینە دیالۆگەوە
بیروڕا 08:58 AM - 2024-05-09 -
دژەتیرۆر و هاوپەیمانان 3 تیرۆرست دەستگیردەکەن
کوردستان 10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
کوردستان 08:54 PM - 2024-05-08 -
سەرۆک بافڵ: لەگەڵ دوژمنانیش باوەڕم بە دیالۆگە
کوردستان 08:13 PM - 2024-05-08 -
سەعدی پیرە: داواکاری کاسبکارانی بازاڕی قەیسەری هەولێر رەوایە
کوردستان 07:59 PM - 2024-05-08 -
چوار بازرگانی نێودەوڵەتی هۆشبەر دەستگیردەکرێن
کوردستان 07:43 PM - 2024-05-08