قوباد تاڵەبانی: هاوكاری هێزەكانی ئەمریكا و پێشمەرگە بەردەوامبێت
کوردستان 06:33 PM - 2023-06-21كۆبوونەوەی قوباد تاڵەبانی لەگەڵ وەفدێكی وەزارەتی بەرگری ئەمریكا
قوباد تاڵەبانی جێگری سەرۆك وەزیران لە هەولێر پێشوازی لە وەفدێكی وەزارەتی بەرگری ئەمریكا بە سەرۆكایەتی دەینا سترۆڵ جێگری یاریدەدەری وەزیری بەرگری ئەمریكا كرد و لە كۆبوونەوەی نێوانیاندا پرسی ریفۆرم لە وەزارەتی پێشمەرگە و چۆنییەتی بەردەوامبوونی هەماهەنگییەكان بۆ بەرەنگاربوونەوەی تیرۆر تاوتوێ كران.
لە كۆبوونەوەكەدا كە لە رۆژی 21ی حوزەیرانی 2023 لە هەولێر بەڕێوەچوو، جێگری یاریدەدەری وەزیری بەرگری ئەمریكا خواستی وڵاتەكەی دەربڕی بۆ بەردەوامی هاوكاری و هاوپەیمانی لەنێوان هەرێمی كوردستان و ئەمریكا بۆ بەرەنگاربوونەوەی تیرۆر و رۆڵی هێزی پێشمەرگەشی لە شەڕی دژی داعشدا بەرز نرخاند.
لەم چوارچێوەیەدا جێگری سەرۆك وەزیران رایگەیاند: "هاوپەیمانی و هاوكاری نێوان هێزی پێشمەرگە و هێزەكانی ئەمریكا لە رابردوودا دەستكەوتی گەورەی لێكەوتووەتەوە و هیوای خواست لە داهاتووشدا ئەم هاوپەیمانییە بەهێزتر و پتەوتریش ببێت"، هەردوولاش هاوڕابوون كە بۆ بەرەنگاربوونەوەی مەترسییەكانی تیرۆر لە ناوچەكەدا پێویستە لە داهاتوودا هەماهەنگییەكان زیاتر بكرێن.
لە تەوەرێكی دیكەی كۆبوونەوەكەدا تاوتوێی پرۆسەی ریفۆرم لە وەزارەتی پێشمەرگەدا كرا، وەفدەكەی وەزارەتی بەرگری ئەمریكا داوایانكرد پڕۆسەكە خێراتر بكرێت، چونكە ئەمریكا خواستی ئەوەیە كە هاوكارییەكانی بۆ هێزی پێشمەرگە بەردەوام بێت.
لەمبارەیەشەوە قوباد تاڵەبانی رایگەیاند: "ئێمە ئامادەین كە پڕۆسەكە خێراتر بكرێت و جەختیشی كردەوە كە نابێت ناكۆكی سیاسی كاریگەری هەبێت لەسەر بەردەوامی چاكسازییەكان". ئاماژەی بەوەشكرد: "پێویستە بە زووترین كات وەزیرێك بە وەكالەت بۆ وەزارەتی پێشمەرگە دەستنیشان بكرێت تا لەلایەكەوە سەرپەرشتی وەزارەتەكە و پڕۆسەی ریفۆرم لە هێزەكانی پێشمەرگەدا بكات و لەلایەكی دیكەشەوە ئەو لێكتێگەیشتنە جێبەجێ بكات كە پێشتر لەنێوان وەزارەتی پێشمەرگە و وەزارەتی بەرگری ئەمریكادا ئیمزا كراوە".
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16