قوباد تاڵەبانی: لێپرسینەوە لە بەڕێوەبەرە کەمتەرخەمەکان دەکەین
کوردستان 03:22 PM - 2023-06-20کۆبوونەوەی قوباد تاڵەبانی لەگەڵ سەرپەرشتیار و بەڕێوەبەرەکانی ئیدارەی سەربەخۆی گەرمیان
بە
مەبەستی بەگەڕخستنی باشتری پڕۆژەکان لە دەڤەری گەرمیان، قوباد تاڵەبانی لەگەڵ سەرپەرشتیار
و بەڕێوەبەرەکانی ئیدارەی سەربەخۆی گەرمیان کۆبووەوە و جەختیکردەوە کە، "دەبێت
تا کۆبوونەوەی داهاتوو کە لە ماوەیەکی نزیکدا دەکرێت، کێشە و گرفتەکانی پڕۆژەکانی
وەبەرهێنان چارەسەر بکرێن".
لە
کۆبوونەوەکەدا کە رۆژی سێ شەمە ٢٠ی حوزەیرانی ٢٠٢٣ لە سلێمانی بەڕێوەچوو، جێگری سەرۆک
وەزیران ئاماژەیدا بە رەخنە و گلەییەکانی دانیشتوانی ئیدارەی گەرمیان و وەبەرهێنەران
لە سستی بەڕێوەچوونی کاروبارەکان و هۆشداریدا کە چیتر هیچ کەموکوڕی و کەمتەرخەمییەک
لە جێبەجێکردنی کاروباری هاوڵاتییان و وەبەرهێنەران قبوڵ ناکرێت.
لەم
چوارچێوەیەدا قوباد تاڵەبانی لیژنەیەکی تایبەتی پێکهێنا، لەنێوان سەرپەرشتیار و بەڕێوەبەرەکانی
ئیدارەی گەرمیان ونوسینگەی جێگری سەرۆک وەزیران بۆ ئەوەی لە ماوەیەکی نزیکدا بەدواداچون
و هەڵسەنگاندن بکەن بۆ کێشە و کەموکوڕییە ئیدارییەکان و ڕێوشوێنی پێویست بگیرێتەبەر
بۆ چارەسەرکردنی و گرفتە ئیدارییەکان، هەر لەو ماوەیەشدا مامەڵەکانی پڕۆژەکانی وبەرهێنان تەواوبکرێن و ئامادە بکرین بۆ کەوتنە قۆناغی جێبەجێکردنەوە.
جێگری
سەرۆک وەزیران راشیگەیاند: "هەر بەرپرس و بەڕێوەبەرێک کەمتەرخەم بێت لە راپەڕاندنی
کاروباری هاوڵاتیان، یان کێشە و گرفت لەبەردەم پڕۆژەکانی وەبەرهێنان دروست بکات، لێپرسینەوەی
لەگەڵدا دەکرێت".
لەم
چوارچێوەیەشدا، باس لە پلانی قەرەبوکردنەوەی هەموو ئەو زەویە کشتوکاڵیانە کرا کە دەکەونە ناو پرۆژەکانەوە لە سنووری کەلار و
رزگاری. بڕیاریش درا کۆمپانیای جێبەجیکار بەزووترین کات دەست بکات بە دروستکردنی
سایدی دوەمی شەقامی پشتێنەیی کەلار. هەروەها رێکارەکانی کۆڕنیشی سەر روباری سیروان
تەواو بکرێن بۆ ئەوەی پڕۆژەکە دەستبەکار بێت.
جێگری
سەرۆک وەزیران داواشیکرد: "سەرپەرشتیار و بەڕێوەبەرەکان کە وەک یەک تیم کار
بکەن و هەماهەنگی تەواو لەنێوان خۆیاندا دروست بکەن تا لە ماوەیەکی نزیکدا ئامادەکارییەکان
بۆ هەموو پڕۆژەکان تەواو بکەن".
ئەم
کۆبوونەوەیە لە درێژەی کۆبوونەوەکانی قوباد تاڵەبانیدا بوو لەگەڵ بەرپرسان و بەڕێوەبەرە
گشتییەکان، کە پێش هەفتەیەک بە هەمان شێوە لەگەڵ سەرپەرشتیار و بەڕێوەبەرەکانی ئیدارەی
راپەڕین کۆبووەوە و هۆشداری پێدان تا کۆبوونەوەی داهاتوو ئامادەکارییەکان بۆ کۆمەڵێک
پڕۆژەی وەبەرهێنان و خزمەتگوزاری تەواو بکەن.
بەر
لەوەش لە ٤/٩/٢٠٢٢ لەگەڵ بەڕێوەبەرایەتییە گشتییەکانی سلێمانی کۆبووەوە و لە ئەنجامدا
توانرا لە ماوەیەکی کورتدا ژمارەیەکی زۆر پڕۆژەی وەبەرهێنان بخرێتە گەڕ.
PUKMEDA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16