داواکارییەکانی پارێزگای سلێمانی دەگەیەنرێتە ئەنجومەنی نوێنەران
کوردستان 01:11 PM - 2023-06-20نوێنەرانی سلێمانی لە ئەنجومەنی نوێنەرانی عیراق
نوێنەرانی پارێزگای سلێمانی لە ئەنجومەنی نوێنەرانی عیراق سەردانی ئەنجومەنی پارێزگای سلێمانی دەکەن بەمەبەستی گوێگرتن و وەرگرتنی سەرنج و تێبینیەکانی ئەندامانی پارێزگاکە و گەیاندنی داواکارییەکانیان بە ئەنجومەنی نوێنەرانی عێراق بۆ چارەسەرکردنیان و لەو بارەیەشەوە ئەندامێکی ئەنجومەنی نوێنەرانی عیراق رایگەیاند: "بەپێی ئەو بەشە بودجەیەی بۆ هەرێم دانراوە نابێت پارێزگاکان کێشەی دابەشکردنی مووچەیان هەبێت، بەمەرجێک هەرێم پێوەی پابەند بێت و لەئەگەری پابەندنەبونیشی راستەوخۆ سەرۆک وەزیرانی عیراق دەستوەردان دەکات".
سەرۆکی ئەنجومەنەکە: بودجەی پەرەپێدانی پارێزگاکان گرنگە
دوو نوێنەری پارێزگای سلێمانی لە ئەنجومەنی نوێنەرانی عیراق سەردانی ئەنجومەنی پارێزگای سلێمانییان کرد و دوای کۆبونەوەیان لەگەڵ سەرۆکی ئەنجومەنی پارێزگای سلێمانی و وەفدی یاوەری لە کۆنگرەیەکی رۆژنامەوانیدا ئەنجامی کۆبونەوەکەیان خرایە روو، ئازاد محەمەد ئەمین سەرۆکی ئەنجومەنی پارێزگای سلێمانی رایگەیاند: "دوای پەسەندکردنی بوودجەی پارێزگاکان لە ئەنجومەنی نوێنەران بابەتی ئابوری و بودجە گۆڕانکاری بەسەرداهاتوەو ئەوەی بۆ ئەنجومەنی پارێزگای سلێمانی زۆر گرنگە بودجەی پەرەپێدانی پارێزگاکانە کە چووە بواری جێبەجێکردنەوە پەسەندکردنی لە ئەنجومەنی پارێزگا دەبێت، هاوکات هەموو لیژنە هەمیشەییەکانی ئەنجومەنی پارێزگای سلێمانی سەرنج و تێبینییەکانیان ئاڕاستەی نوێنەرانی پارێزگای سلێمانی لەئەنجومەنی نوێنەران کردوەو تا ئەوانیش بیکەن بە یاداشتێک و بیگەیەننە ئەنجومەنی نوێنەران".
پەسەندکردنی بودجە بۆ هەرێم لەرووی ئابورییەوە گرنگە
هاوکات دارا سێکانیانی ئەندامی ئەنجومەنی نوێنەرانی عیراق رایگەیاند: "پەسەندکردنی بودجە بۆ کوردستان لەرووی ئابورییەوە گرنگە بۆ هەلی کار و جوڵەی ئابوری بازاڕ، بەڵام کێشەکە لە پابەندنەبونی حکومەتی هەرێمە، بۆیە ئێمە کار لەسەر ئەوە دەکەین کە فشارێک لەسەر حکومەتی هەرێمی کوردستان دروست بکەین کە لەبەرژەوەندی هاوڵاتیانی هەرێم بێت".
ئەولەویەت بۆ مووچەیە
هاوکات د. بڕیار رەشید ئەندامی فراکسیۆنی یەکێتی لەئەنجومەنی نوێنەرانی
عیراق لە کۆنگرەکەدا رایگەیاند: "دوای پەسەندکردنی بودجە، گەشەیەکی ئابوری بۆ
هەرێم و عێراق دێتە ئاراوە، ئەو بڕە پارەیەی وەک بودجەی هەرێمی کوردستان لە
عیراقەوە دێت و جگە لە داهاتی خاڵە سنورییەکان و داهاتی ناوخۆ و هاوکاری
هاوپەیمانان و بودجەی سیادی و بودجەی بەشە خۆراک، هیچ بیانویەک نامێنێت بۆ نەدانی
مووچەی هاوڵاتیان لەکاتی خۆیدا و لێبڕینی".
"بەپێی یاسای بودجە کێشەی مووچە و بودجە کۆتایی دێت و ئەولەویەت بۆ مووچەیە
و لەهەبونی ناعەدالەتی بەرامبەر پارێزگایەک سەرۆک وەزیرانی عیراق دێتە دەنگ و
بودجەی پارێزگاکان بە جیا دەنێرێت و رێگری لە غەدر کردن لە هەر پارێزگایەک دەکرێت،
بۆیە لەگەڵ ئەنجومەنی پارێزگای سلێمانی لە پەیوەندی بەردەوامدا دەبین تا گرفتەکانی
پارێزگاکە بگەیەنینە ئەنجومەنی نوێنەران"، د. بڕیار رەشید وای وت.
PUKMEDIA
هەواڵی زیاتر
-
قوباد تاڵەبانی: دواخستنی هەڵبژاردن زیان بە شەرعییەتی هەرێم دەگەیەنێت
06:07 PM - 2024-05-09 -
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
12:01 PM - 2024-05-09 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08
ئەمانەش ببینە
دەستەی ناوچە کوردستانییەکان: لەستەمی سەر جوتیارانی گوندی پەلکانە بێدەنگ مەبن
09:29 PM - 2024-05-10
لە سلێمانی کۆنفراسی گەڕانەوەی ئاوارە دەکرێت، لە هەلێر و دهۆکیش رێگری
03:23 PM - 2024-05-10
فراکسیۆنی یەکێتی داوای قەرەبووی زیانلێکەوتوانی بازاڕی قەیسەری هەولێر دەکات
11:55 AM - 2024-05-10
داهاتی هەفتەی رابردووی سلێمانی زیاتر لە 10 ملیار دینارە
09:06 AM - 2024-05-10
زۆرترین خوێنراو
-
دادگای فیدراڵی لهسهر سێ سكاڵای تایبهت بهههرێم كۆدهبێتهوه
کوردستان 10:07 AM - 2024-05-11 -
هاوخەمی سەرۆک بافڵ بۆکۆچی دوایی مام سەعید گەڵاڵی
پرسەنامە 10:38 PM - 2024-05-10 -
دەستەی ناوچە کوردستانییەکان: لەستەمی سەر جوتیارانی گوندی پەلکانە بێدەنگ مەبن
کوردستان 09:29 PM - 2024-05-10 -
هاوخەمی قوباد تاڵەبانی بۆ کۆچیدوای مام سەعید
پرسەنامە 04:38 PM - 2024-05-10 -
هاوخەمی کۆسرەت رەسوڵ بۆ کۆچیدوایی سەعید عەبدوڵا بەگ
پرسەنامە 04:28 PM - 2024-05-10 -
لە سلێمانی کۆنفراسی گەڕانەوەی ئاوارە دەکرێت، لە هەلێر و دهۆکیش رێگری
کوردستان 03:23 PM - 2024-05-10 -
فراکسیۆنی یەکێتی داوای قەرەبووی زیانلێکەوتوانی بازاڕی قەیسەری هەولێر دەکات
کوردستان 11:55 AM - 2024-05-10 -
داهاتی هەفتەی رابردووی سلێمانی زیاتر لە 10 ملیار دینارە
کوردستان 09:06 AM - 2024-05-10