د. هەڤاڵ ئەبوبەكر: سلێمانی لە وەبەرهێناندا یەكەمە
کوردستان 01:05 PM - 2023-06-08دەستیپێكردنی دووەمین كۆڕبەندی ئابووریی سلێمانی
دووەمین كۆڕبەندی ئابووریی سلێمانی بە بەشداری باڵیۆز و ژمارەیەك لە نوێنەری وڵاتان و دەیان میوانی بیانی لەسەر ئاستی وڵاتانی جیهان و عەرەب و ناوچەكە لێپرسراوانی باڵای حكومەتی عیراق و كوردستان دەستی بەكارەكانی كرد و ماوەی سێ رۆژ بەردەوام دەبێت و تێیدا پێنج پانێڵ پێشكەش دەكرێن.
د. هەڤاڵ ئەبوبەكر پارێزگاری سلێمانی لە لێدوانێكیدا بۆ كەناڵەكانی راگەیاندن وتی: "سوپاسی ئەو دەستپێشخەرییە دەكەین كە ئەمە بۆ دووەم جارە بە بەشداری ژمارەیەكی زۆر لە كۆمپانیاكان كۆڕبەندی ئابوری لە پارێزگای سلێمانی بەڕێوەدەچێت، كە تێیدا پەنجە دەخرێتە سەر گیروگرفتە ئابورییەكان و بە ئامادەبوونی نوێنەری سەرۆك وەزیران و كاربەدەستانی حكومەتی عیراق هەوڵی چارەسەر كردنیان دەدرێت".
راشیگەیاند: "ئەوەی ئەم كۆڕبەندە لە كۆڕبەندی رابردوو جیادەكاتەوە ئەوەیە كە هەلێكی زۆری كار لەم كۆڕبەندەدا بەپێی پسپۆڕی و شارەزایی رادەگەیەندرێت، دڵخۆشین بەوەی لە ماوەی دوو ساڵی رابردوودا سلێمانی لە كەرتی وەبەرهێناندا یەكەمی هەرێمی كوردستان بووە و هەوڵدەدەین كە وەبەرهێنانەكانمان تەنها لە بواری دروستكردنی یەكەی نیشتەجێبووندا نەبێت بەڵكو سەرجەم سێكتەرەكانی دیكە بگرێتەوە".
"هەموو هەوڵێكمان بۆ ئەوەیە كۆمپانیای ناوخۆیی و جیهانی زیاتر بهێنیینە پارێزگای سلێمانی و هەلی كار زیاتر بكەین و كەرتی وەبەرهێنان بەرەوپێشتر بەرین ئابوری سلێمانی زیاتر ببوژێنینەوە، ئەمە جگە لەوەی ئامانجمانە هەموو خێزانێك بكەینە خاوەنی یەكەی نیشتەجێبوونی خۆی، هەر هاووڵاتییەكیش بیەوێت لە كۆڕبەندەكەدا یەكەیەكی نیشتەجێبوون بكڕێت ئەوا داشكاندنی بۆ دەكرێت" د. هەڤاڵ ئەبوبەكر وادەڵێت.
پارێزگاری سلێمانی راشیگەیاند: "كۆڕبەندەكە كاریگەری لەسەر كەمكردنەوەی قەیرانی دارایی دەبێت و لەڕێی وەبەرهێنانی ناوخۆییەوە دەتوانرێت كەرتی ئابوری زیاتر ببوژێنرێتەوە".
ئەوەشی خستەڕوو: "جگە لەوەی پارێزگای سلێمانی لەڕووی ژینگە، تەندروستی، كەشوهەوا، وەبەرهێنانەوە یەكەمی عیراق و هەرێمی كوردستانە، لە بوارەكانی گەشتیاری و شوێنەوار و ئاینیشدا لە ئاستێكی بەرزدایە تەنانەت لەڕووی كشتوكاڵیشەوە لە پلەیەكی بەرزدایە و لەسەر ئاستی عیراق بۆ ئەمساڵ زۆرترین گەنم لە پارێزگای سلێمانی بەهەمهێنراوە، ئەمە جگە لەوەی بە خۆشحاڵییەوە بەپێی ئامارەكان ئەم پارێزگایە كەمترین رێژەی بێكاری و هەژاری تێدایە، هاوكات لەڕووی ئازادی تاك و ئازادی رادەربڕینیشەوە پێشەنگە، هەروەها بەوتەی نوێنەری سەرۆك وەزیرانی عیراق ئەوەی وەبەرهێنەرانی سلێمانی لە وەبەرهێنەرانی عیراق جیادەكاتەوە ئەوەیە كە هیچ وەبەرهێنەرێكی سلێمانی بۆ وەبەرهێنانەكەی داوای قەرزی لە بانك نەكردووە ئەوەش ئاستبەرزی وەبەرهێنەرانمان نیشان دەدات".
دووەمین كۆڕبەندی ئابوری سلێمانی لە هۆتێل گراند میلینیۆم (شاری جوان) بەڕێوەدەچێت و بڕیارە ماوەی سێ رۆژ بەردەوامبێت و هاووڵاتیانیش دەتوانن بەشداری كۆڕبەندەكە بكەن.
PUKMEDIA
هەواڵی زیاتر
-
شاڵاو کۆسرەت رەسوڵ پێشوازی لە د. مەزهەر خوراسانی دەکات
07:57 PM - 2024-05-14 -
مەکتەبی سیاسی: یەکێتی هەمیشە پشتیوانی لە داوا رەواكانی مامۆستایان دەكات
06:18 PM - 2024-05-14 -
وەزارەتی دارایی عیراق مووچەی مانگی نیسانی بۆ هەرێم نارد
04:43 PM - 2024-05-14 -
سکاڵای دوو ژنی لەدادگای فیدراڵی کێشرایەوە
08:31 PM - 2024-05-13
ئەمانەش ببینە
کوردستان 06:37 PM - 2024-05-14 یەکێتی مامۆستایان داوای 56 مووچەی پاشەکەوتکراو و نەدراو و لێبڕاو دەکات
ئەندامێکی ئەنجومەن: بانکی تی بی ئای نەچووەتە ناو هەژماری من
03:15 PM - 2024-05-14
سهرۆك بافڵ: ههڵبژاردن ههنگاوێكی گرنگه بۆ گۆڕانكاری لهحوكمڕانی
12:03 PM - 2024-05-14
تۆماری بایۆمەتری لەهەرێم دەستپێدەکاتەوە
10:59 AM - 2024-05-14
زۆرترین خوێنراو
-
پێشمەرگەیەکی مەفرەزە سەرەتاییەکان بەسەردەکرێتەوە
ی ن ک 01:29 PM - 2024-05-14 -
سهرۆك بافڵ: ههڵبژاردن ههنگاوێكی گرنگه بۆ گۆڕانكاری لهحوكمڕانی
کوردستان 12:03 PM - 2024-05-14 -
هاوخەمی قوباد تاڵەبانی بۆکۆچیدوایی دکتۆر مەتی
پرسەنامە 11:26 AM - 2024-05-14 -
تۆماری بایۆمەتری لەهەرێم دەستپێدەکاتەوە
کوردستان 10:59 AM - 2024-05-14 -
سەرۆک بافڵ: دژی ئەو هەوڵانە دەوەستینەوە کە دەیانەوێت بەربەست لەبەردەم ئەنجامدانی هەڵبژاردن دروستبکەن
کوردستان 01:15 AM - 2024-05-14 -
شاڵاو کۆسرەت رەسوڵ لە هەولێر بەشداری لە ژمارەیەک پرسەدا دەکات
پرسەنامە 11:11 PM - 2024-05-13 -
سکاڵای دوو ژنی لەدادگای فیدراڵی کێشرایەوە
کوردستان 08:31 PM - 2024-05-13 -
شاڵاو کۆسرەت رەسوڵ لەگەڵ بەشەکانی مەڵبەندی هەولێر کۆبووەوە
ی ن ک 08:18 PM - 2024-05-13