چاوەڕوان دەكرێت بەزۆرینەی دەنگ بودجە تێبپەڕێندرێت
عیراق 10:40 AM - 2023-06-08ئەنجومەنی نوێنەران
بڕیارە ئەمشەو بودجەی گشتی عیراق بۆ ساڵەكانی 2023، 2024، 2025 بە كۆمەڵێك تێبینییەوە بچێتە ئەنجومەنی نوێنەران و پەسەندبكرێت، ئەندامێكی ئەنجومەنی نوێنەرانی عیراقیش رایدەگەیەنێت: "هەرچەندە ماددەكانی 13 و 14 گرفتیان لەسەرە، بەڵام وەڵامدانەوەی داواكاری شەقام كە پەسەندكردنی بودجەیە رێ بەدواخستنی زیاتری نادات".
د. بڕیار رەشید ئەندامی ئەنجومەنی نوێنەرانی عیراق لە فراكسیۆنی یەكێتی بە سایتی رەسمی یەكێتیی نیشتمانیی كوردستان PUKMEDIA ی راگەیاند: "هەرچەندە بڕیار بوو ئەمڕۆ ئەنجومەنی نوێنەران بۆ پەسەندكردنی بودجە كۆببێتەوە، بەڵام كۆبوونەوەكە بۆ شەو دواخرا هەربۆیە ئەمشەو دوادەرفەتە بۆ تێپەڕاندنی پڕۆژەیاسای بودجەی عیراق، چونكە شەقامی عیراقی و كوردستانیش چاوەڕێی پەسەندكردنی بودجەن و ناكرێت لەوە زیاتر دوابخرێت".
راشیگەیاند: "هەرچەندە ماددەكانی 13 و 14 گرفتیان لەسەرە، بەڵام چاوەڕێ ناكرێت پەسەندكردنی بودجە لەسەر ئەوە بوەستێت چونكە، لە بابەتی پەسەندكردنی پڕۆژەیاسای بودجەدا مەرج نییە هەموو لایەنەكان سەرجەم بڕگە و ماددەكانیان بەدڵ بێت و دەنگی پێبدەن، بەڵكو بودجە بە زۆرینەی دەنگ تێدەپەڕێنرێت".
"تەنها لەنێوان كورد و عەرەبدا كێشە لەسەر پەسەندكردنی پڕۆژەیاسای بودجە نییە، بەڵكو سەربەخۆكانیش تێبینیان لەسەری هەیە، بەجۆرێك لە هەوڵدان بۆ پەسەندنەكردنی بودجە لەمشەودا، هەربۆیە پێمان وایە كۆمەڵێك بڕگە و ماددە ناڕەزایەتیان لەسەر دەبێت" د. بڕیار رەشید وادەڵێت.
راشیگەیاند: "هەرچەندە لە كۆبوونەوەی ئەمشەوی ئەنجومەنی نوێنەراندا پێشبینی روودانی كۆمەڵێك گرفت دەكرێت، بەڵام هەوڵدەدرێت گرفتەكان هەر لەناو ئەنجومەنەكەدا چارەسەر بكرێن".
پێشتریش نوێنەرانی كورد و ژمارەیەك لە نوێنەرە عەرەبەكانی ئەنجومەنی نوێنەرانی عیراق ئیمزایان بۆ فشار خستنە سەر ئەنجومەنەكە بۆ دەنگدان لەسەر پەسەندكردنی بوودجە كۆكردەوە، لەوبارەیەوە د.نەرمین مەعروف ئەندامی لیژنەی دارایی لە ئەنجومەنی نوێنەرانی عیراق لەفراكسیۆنی یەكێتی بە سایتی رەسمیی یەكێتیی نیشتمانیی كوردستان PUKMEDIA ی راگەیاند: "بەهۆی ئەوەی پرسی بودجە پرسێكی گشتییە زۆرینەی پەرلەمانتاران لەگەڵ ئەو پڕۆژەیەن و بۆ ئەم هەڵمەتەش نزیكەی 100 ئیمزای نوێنەران كۆكراوەتەوە، لەكاتێكدا بۆ پێشنیاری هەر بابەتێك پێویستمان بە 50 ئیمزا هەیە".
PUKMEDIA
هەواڵی زیاتر
-
داهاتی هەفتەی رابردووی سلێمانی زیاتر لە چوار ملیار دینارە
01:31 PM - 2024-03-29 -
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
05:41 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
11:57 AM - 2024-03-28 -
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
11:58 PM - 2024-03-27
ئەمانەش ببینە
کوردستان 10:23 AM - 2024-03-29 نێروەیی: روسیا وەک سەرۆک و سەرکردەیەکی کوردستانی و عیراق پێشوازی لە سەرۆک بافڵ دەکات
سەرۆک بافڵ بۆ نوێنەری سەرۆکی روسیا: چارەسەری ئاشتیانە پەیڕەو دەکەین
10:31 PM - 2024-03-28
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
08:34 PM - 2024-03-28
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
03:46 PM - 2024-03-28
وتهبێژی یهكێتی: خۆمان و لیست و ناوی كاندیدمان بۆ ههڵبژاردن ئامادهكردوه
12:56 PM - 2024-03-28
زۆرترین خوێنراو
-
داهاتی هەفتەی رابردووی سلێمانی زیاتر لە چوار ملیار دینارە
کوردستان 01:31 PM - 2024-03-29 -
نێروەیی: روسیا وەک سەرۆک و سەرکردەیەکی کوردستانی و عیراق پێشوازی لە سەرۆک بافڵ دەکات
کوردستان 10:23 AM - 2024-03-29 -
سەرۆک بافڵ بۆ نوێنەری سەرۆکی روسیا: چارەسەری ئاشتیانە پەیڕەو دەکەین
جیهان 10:31 PM - 2024-03-28 -
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
کوردستان 08:34 PM - 2024-03-28 -
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
کوردستان 05:41 PM - 2024-03-28 -
سێ (D) یەکەی مام
بیروڕا 04:57 PM - 2024-03-28