یەکێتی سکاڵای یاسایی لەسەر ئاسایشی هەولێر تۆمار دەکات
کوردستان 10:58 AM - 2023-06-07د. مەجید محەمەد ئەمین لێپرسراوی مەڵبەنی 3ی یەکێتی
مەڵبەندی 3ی رێکخستنی هەولێری یەکێتیی نیشتمانیی کوردستان سکاڵای یاسایی لەسەر ئاسایشی هەولێر تۆمار دەکات لەبارەی کەیسی گیانلەدەستدانی گوماناوی زیرەک شەهید عەلی محەمەد، کە دوای دەستبەسەرکردنی لەلایەن ئاسایشی سەیداواوە تەرمەکەی تەسلیمی خانەوادەکەی کرایەوە، بڕیاریشە هەر ئەمڕۆ تیمێکی پسپۆر لە پزیشکی دادی سلێمانی بەشداری لە توێکاری تەرمی زیرەک عەلی_دا بکات و چونکە کەسوکارەکەی رایدەگەیەنن: "کە کوڕەکەیان هیچ کێشەیەکی نەبوەو هیچ جۆرە نەخۆشییەکیشی لەگەڵدا نەبوەو تەرمەکەشی شینبونەوەو شوێنەواری ئەشکەنجەدانی پێوەیە".
د. مەجید محەمەد ئەمین لێپرسراوی مەڵبەنی 3ی یەکێتیی نیشتمانیی کوردستان لە کۆنگرەیەکی رۆژنامەوانیدا لەبارەی گیانلەدەستدانی گوماناوی كوڕە شەهیدێك لە ئاسایشی هەولێر دەڵێت: "هێزێکی ئاسایشی هەولێر هەڵیانکوتاوەتە سەر زیرەک شەهید عەلی محەمەد لە شوێنی کارەکەی و دوای مانەوەی چەند سەعاتێک لە ئاسایش گیانی لەدەستدا".
" ئێمە سکاڵامان ئامادە کردوە پێشکەشی ئەنجومەنی دادوەری و داواکاری گشتی و وەزارەتی ناوخۆو سەرجەم رێکخراوە ناوخۆیی و نێودەوڵەتییەکانی دەکەین و پێویستە دادگا و لایەنی پەیوەندیدار ئەم کەیسە یەکلایی بکەنەوە، چونکە رووداوەکە ئاسایی نییە و لەناو ئاسایش کەسێک گیانی لەدەستداوە، ئەمەش لە کاتێکدا بەوتەی کەسوکارەکەی شوێنی ئەشکەنجە بە تەرمەکەوە دیارە"، د. مەجید محەمەد ئەمین وای وت.
دەشڵێت: "ئەگەر سکاڵاکەمان لە هەرێم جێی خۆی نەگرت، پەنا بۆ دادگاکانی بەغدا دەبەین و راستی رووداوەکە بۆ خەڵک ئاشکرا دەکەین، ئەمەش لە کاتێکدایە لە ئێستادا لیژنەیەکی پزیشکی دادوەری لە سلێمانییەوە بۆ توێکاری تەرمەکە گەیشتونەتە هەولێر و سەرقاڵی لێکۆڵینەوەن".
لێپرسراوی مەڵبەنی 3ی یەکێتی ئەوەشی وت: "زۆرجار بێ هیچ هۆکارێکی بڕواپێکراو کادرەکانمان لەلایەن ئاسایشەوە دەڕفێندرێن و دەستگیردەکرێن، بەڵام چیتر ئەو زوڵمە قبوڵناکەین و رێگە نادەین هیچ کادرێکمان بە نایاسایی دەستگیربکرێن و ئازار بدرێن".
دوێنێ 6-6-2023 هێزێكی ئەمنی هەولێر زیرەك شەهید عەلی محەمەد دەستگیردەكات و دوای چەند سەعاتێك كەسوكارەكەی ئاگادار دەكرێنەوە كە تەرمەكەی لە پزیشكی دادوەری وەرگرنەوە و مامی گەنجەكەش دەڵێت: "ئاسایشی سەیداوە زیرەك شەهید عەلی برازامیان بردووە و شوێنی ئەشكەنجە بە تەرمەكەیەوەیەتی".
بەوتەی مامی قوربانیەكە: "زیرەك شەهید عەلی محەمەد، كێشەی لەگەڵ كەس دا نەبووە و هیچ جۆرە نەخۆشیەكیشی لەگەڵدا نەبووە و ئاسەواری ئەشكەنجە بە جەستەی كوڕەكەمانەوە بووە".
هەر لەو بارەیەوە برایەكی زیرەك رایدەگەیەنێت: "ئاسایشی سەیداوە زیرەكی برامیان بردووە و نازانین لەسەر چییە و هیچیان پێ نەوتوین، بەڵام دوای سێ سەعات تەرمەكەمان وەرگرتەوە".
زیرەك شەهید عەلی محەمەد تەمەنی 41 ساڵە و خێزاندارەو خاوەنی سێ منداڵە و دوكانداربووە لە بازاڕی هەولێر و ئاسایش لەشوێنی كارەكەی بردویانە، بەڵام تائێستا ئاسایشی هەولێر هیچ روونكردنەوە و لێداوانێكی لەسەر ئەم رووداوە نەداوە.
PUKMEDIA
هەواڵی زیاتر
-
کۆنفرانسی زانستی نێودەوڵەتی کاری کۆمەڵایەتی سازدەکرێت
10:46 AM - 2024-04-28 -
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
04:34 PM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
10:11 AM - 2024-04-27 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26
ئەمانەش ببینە
٧١ هەمین هەفتانەی دیجیتاڵی ئینگلیزی بڵاودەكرێتەوە
09:10 AM - 2024-04-28
یەمەن ناوی کوژراو و بریندارەکانی کێڵگەی کۆرمۆر ئاشکرا دەکات
06:17 PM - 2024-04-27
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
05:44 PM - 2024-04-27
قائیمقامی چەمچەماڵ: دوو وەفدی هەرێم و عیراق سەردانی کۆرمۆر دەکەن
11:17 AM - 2024-04-27
زۆرترین خوێنراو
-
د.نەرمین مەعروف: لەم هەفتەیەدا مووچەی هەرێم دەنێردرێت
کوردستان 10:17 AM - 2024-04-28 -
پرسەنامەی قوباد تاڵەبانی بۆ خانەوادەی کامەران حەمە حەمەسەعید
پرسەنامە 10:01 AM - 2024-04-28 -
٧١ هەمین هەفتانەی دیجیتاڵی ئینگلیزی بڵاودەكرێتەوە
جیهان 09:10 AM - 2024-04-28 -
سەرۆكکۆمار: عیراق وڵاتی هەمووانە
عیراق 07:22 PM - 2024-04-27 -
شاجوانەکەی خانەقی
بیروڕا 06:22 PM - 2024-04-27 -
چاوێکیشتان لە زۆرینەی فەقیر و فوقەرا بێت
بیروڕا 06:20 PM - 2024-04-27 -
یەمەن ناوی کوژراو و بریندارەکانی کێڵگەی کۆرمۆر ئاشکرا دەکات
جیهان 06:17 PM - 2024-04-27 -
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
جیهان 05:44 PM - 2024-04-27