داهاتی هەفتەی رابردووی سلێمانی نزیكی 23 ملیار دینارە

PUKMEDIA

شەفافیەت

شەفافیەت داهاتی یەك هەفتەی سلێمانی رادەگەیەنێت كە نزیكی 23 ملیار دینارە.

داهاتی یەك هەفتەی سلێمانی لە رۆژی 20-5- 2023 تا 26-5-2023، بڕی 22 ملیار و 880 ملیۆن و 873 هەزار و 162 دینار بووە، بەجۆرێك كە نزیكی 20 ملیار دیناری نەختینەیە و هەروەها نزیكی 2 ملیار دینار بەشێوەی چەكە و زیاد لە 367 هەزار دیناریش مقاصەیە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی راگەیاندووە بەشێوەیەك، داهات بڕی 22 ملیار و 880 ملیۆن و 873 هەزار و 162 دینار بووە، بەجۆرێك كە 19 ملیار و 963 ملیۆن و 33 هەزار و 241 دیناری واتە %87 نەختینەیە و هەروەها 2 ملیار و 549 ملیۆن و 783 هەزار و 671 دینار، واتە %11 بەشێوەی چەكە و بڕی 367 ملیۆن و 857 هەزار و 250 دینار مقاصەیە.

رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پرۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.

بەپێی نوێترین ئاماری سایتی شەفافییەت www.shafafiat.com، بڕیاریشە هەموو رۆژێك داهاتی ئەو شوێنانە بڵاوبكرێتەوە.

PUKMEDIA