قوباد تاڵەبانی: لێکتێگەیشتن بۆ چارەسەری کێشەکان هەیە
کوردستان 12:44 PM - 2023-05-19کۆبوونەوەی ڤیللە ڤاریۆلا
قوباد تاڵەبانی جێگری سەرۆک وەزیران پێشوازیکرد لە ڤیللە ڤاریۆلا باڵیۆزی یەكێتی ئەوروپا لە عیراق و لە کۆبوونەوەی نێوانیاندا پرسەکانی ژینگە و ریفۆرم لە دامەزراوەکانی هەرێم و چەند بابەتێکی دیکەی جێی بایەخی هەردوولا تاوتوێکران.
لە کۆبوونەوەکەدا کە لە هەولێر بەڕێوەچوو، جێگری سەرۆک وەزیران سوپاسی هاوکاری و پشتیوانیی نێودەوڵەتی بەتایبەتیش یەکێتی ئەوروپای کرد بۆ لێکنزیککردنەوەی بۆچوونی لایەنەکان هەم بۆ چارەسەکردنی کێشە ناوخۆییەکان و هەم بۆ چارەسەرکردنی کێشەکانی نێوان هەرێم و بەغدا.
لەمبارەیەوە قوباد تاڵەبانی ئاماژەی بەوەدا لە ئێستادا لێکتێگەیشتنی باش هەیە لەنێوان لایەنە سیاسییەکان بۆ چارەسەرکردنی کێشەکان بە جۆرێک کە لە خزمەتی بەرژەوەندییەکانی کۆمەڵانی خەڵکی کوردستاندابێت.
لە بەشێکی دیکەی کۆبوونەوەکەدا قسە لەسەر پرسی ژینگە و لێکەوتە مەترسیدارەکانی گۆڕانکارییە ژینگەییەکان کرا. باڵیۆزی یەکێتی ئەوروپا ستایشی رۆڵی قوباد تاڵەبانی کرد لە گرنگیدانی بە پرسی ژینگە و راشیگەیاند یەکێتی ئەوروپا ئامادەیە هاوکاری هەردوو حکومەتی هەرێم و حکومەتی فیدراڵ بکات بۆ چۆنییەتی بەرەنگاربوونەوەی کێشە ژینگەییەکان.
لەم چوارچێوەیەدا تاوتوێی چەند پلانێک کرا بۆ پێکەوەکارکردنی هەردوو حکومەتی هەرێم و حکومەتی فیدراڵ تا بە بەرنامەی هاوبەشەوە کاربکەن بۆ رووبەڕووبوونەوەی قەیرانە ژینگەییەکان بەجۆرێک کە ئەم پرسە ببێتە ئەولەوییەتی سیاسەت لە عیراقدا.
لە تەوەرێکی دیکەی کۆبوونەوەکەدا باسی پرۆسەی ریفۆرم لە دامەزراوەکانی حکومەتی هەرێم کرا.
جێگری سەرۆک وەزیران سوپاسی هاوکارییەکانی یەکێتی ئەوروپای کرد لە ناردنی راوێژکار و پسپۆڕی ئابوری بۆ یارمەتیدانی حکومەتی هەرێم لە بەرەوپێشبردنی پرۆسەی ریفۆرم.
قوباد تاڵەبانی ئاماژەی بەوەشدا لەماوەی ساڵانی رابردوودا چاکسازییەکان قۆناغی باشی بڕیوە و گرنگترین هەنگاویش کە جێبەجێ کراوە ئەوەیە لە ئێستادا هەر فەرمانبەرێک خاوەنی ژمارەی کەسیی بێهاوتایە کە ئەم ژمارەیە بناغەی دروستکردنی حکومەتی ئەلیکترۆنییە و هەروەها بنەمای سەرەکیشە بۆ دروستکردنی سیستمی بانکی پێشکەوتوو لە هەرێمی کوردستاندا.
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16