"کێشەکان بە گفتوگۆ و لێکتێگەیشتن چارەسەر دەکرێن"
کوردستان 05:57 PM - 2023-05-08مەسرور بارزانی و قوباد تاڵەبانی
سەرۆک وەزیران
و جێگری سەرۆک وەزیران تەئکید لەسەر پاراستنی تەبایی و یەکڕیزی ناوخۆیی دەکەنەوەو
دیالۆگ و گفتۆگۆش بە کلیلی چارەسەری کێشەکان دەزانن و ئەندامێکی سەرکردایەتی
یەکێتیش دەڵێت: "یەکێتی هەمیشە گفتوگۆی بە چارەسەری کێشەکان دەزانێت، ئەوەی لە
گفتوگۆکان دەتوانرێت دەستبکەوێت هەرگیز لە هیچ بوارێکی تردا ناتوانرێت دەستبکەوێت".
مەسرور
بارزانی سەرۆک وەزیران و قوباد تاڵەبانی جێگری سەرۆک وەزیران ئەمڕۆ 8-5-2023 کۆبونەوەو
تێیدا تەئکیدیان لە چارەسەری ناکۆکییەکان کردەوە، بەڕێگەی دیالۆگ و گفتوگۆ.
یەکێتی دەرگای گفتوگۆی دانەخستووە
یەکێتی
بۆ یەکڕیزی کورد هەمیشە هەوڵیداوەو دەرگای بەرووی هەر گفتوگۆو دەستپێشخەرییەک کردوەتەوە
بۆ چارەسەری کێشەکان.
حەمەد
ئەمین شیروانی ئەندامی سەرکردایەتی یەکێتی بە سایتی رەسمی یەکێتیی نیشتمانیی
کوردستان PUKMEDIA ی راگەیاند: "یەکێتیی نیشتمانیی
کوردستان هەموو کات یەکڕیزی کورد و خزمەتکردنی خەڵکی هەرێمی کوردستان بە ئەرکی خۆی
دەزانێت و لەو پێناوەشدا درێغی ناکات و لەو
چوارچێوەیەشدا دەستپێشخەرییەکانی سەرۆکی یەکێتی لەماڵەکانی مام لە دوکان و بەغدا،
خەمخۆری یەکێتییە بۆ یەکڕیزی کورد".
"بەردەوام
یەکێتی گفتوگۆی بە چارەسەری کێشەکان زانیوە، هیچ کات دەرگای گفتوگۆکانی دانەخستوە،
چونکە پێی وابووە ئەوەی لە گفتوگۆکان دەتوانرێت دەستبکەوێت هەرگیز لە هیچ بوارێکی
تردا ناتوانرێت دەستبکەوێت"، حەمەد ئەمین شیروانی وای وت.
بارودۆخی هەرێمی کوردستان یەکڕیزی دەوێت
یەکێتی هەمیشە لەسەر رێبازەکەی مام گفتوگۆی بە چارەسەری كێشەکان زانیوە و
لەو رێگەیەوە خزمەتی هاوڵاتیانی هەرێمی کردووە.
ئەحمەد زرار
ئەندامی سەرکردایەتی یەکێتی بە سایتی رەسمی یەکێتیی نیشتمانیی کوردستان PUKMEDIA ی راگەیاند:
"یەکێتی جێبەجێکردنی داوای خەڵک و خزمەتی زیاتر و یەکڕیزی کورد هەمیشە ئامانجی
بوەو بۆ ئەو مەبەستەش کۆبونەوەو گفتوگۆی بەڕێگە چارەسەر زانیوە، بارودۆخی هەرێمی
کوردستان یەکڕیزی دەوێت و دەتوانرێت بە پاراستنی تەبایی و یەکڕیزی ناوخۆیی
بەرژەوەندییە نیشتمانی و مافە دەستورییەکان زیاتر پارێزراو بن".
"سیاسەتی
یەکێتی بۆ یەکڕیزی کورد و چارەسەرکردنی کێشەکان نەگۆڕە و هەر لەسەرەتای
دامەزراندنیەوە هەوڵی بەدەستهێنانی مافەکانی کورد و یەکڕیزی داوەو لەو پێناوەشدا
قوربانی زۆری داوە، بۆیە ئێستاش لەسەر رێبازی خوالێخۆشبوو سەرۆک مام جەلال چارەسەری
کێشەکان لەرێگای گفتوگۆوە بە تاکە چارەسەر دەزانێت و پێی وایە لەو رێگەیەوە دەتوانرێت
خزمەتی زیاتری خەڵکی هەرێمی کوردستان بکرێت"، ئەحمەد زرار وای وت.
رۆژی 4_5_2023 لە
هەولێر قوباد تاڵەبانی جێگری سەرۆک وەزیران پێشوازیکرد لە باربارالیف یادریدەرەی
وەزیری دەرەوەی ئەمریکا بۆ کاروباری رۆژهەڵاتی ناوەڕاست و لە کۆبوونەوەیەکدا قوباد
تاڵەبانی رایگەیاند:" کێشە ناوخۆییەکان مەترسی بۆسەر پێگەی هەرێم دروست کردوە
و پێویستە هەموولایەکمان بە هەستی بەرپرسیارێتییەوە هەوڵی چارەسەرکردنی کێشە
ناوخۆییەکان بدەین و نابێت ململانێی سیاسی و حیزبی بگاتە ئاستی بەزاندنی هێڵە سورە
نیشتیمانییەکان و بە تایبەتیش لاوازکردنی پێگەی هەرێم لەسەر ئاستی عیراقدا".
جێگری سەرۆک وەزیران راشیگەیاند:" پێشوازی لە هەرجۆرە
دەستپێشخەرییەک دەکەین بۆ چارەسەرکردنی کێشەکان و ئامادەین لەپێناو چارەسەرکردنی
هەموو ئەو خاڵانەی مایەی ناکۆکین لیژنەی هاوبەش تەنانەت بە بەشداری نوێنەرانی
هاوپەیمانەکانمان پێک بهێنین".
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16