قوباد تاڵهبانی: كێشه ناوخۆییهكان زیانیان بهپێگهی ههرێم گهیاندوه
کوردستان 06:11 PM - 2023-05-07قوباد تاڵەبانی و باڵیۆزی بریتانیا لە عیراق
قوباد
تاڵەبانی جێگری سەرۆک وەزیران پێشوازیکرد لە مارک برایسن ریچاردسن باڵیۆزی بریتانیا
لە عیراق و لە کۆبوونەوەی نێوانیاندا کێشە ناوخۆییەکانی کوردستان، پرسی هەڵبژاردن
و پەیوەندییەکانی نێوان هەرێم و بەغدا تاوتوێ کران.
لە
کۆبوونەوەکەدا کە ڕۆژی 7ی ئایاری 2023 لە هەولێر بەڕێوەچوو، سەبارەت بە پرسی هەڵبژاردنەکانی
داهاتووی پەرلەمانی کوردستان رایگەیاند ئێمە وەک یەکێتی لەگەڵ ئەوەداین هەڵبژاردن
بە زوویی بکرێت و هەموو هەوڵێکیشمان بۆ ئەوەیه هەڵبژاردنێکی پاک و بێگەرد و ئازاد
و دادپەروەرانە بەپێی ستانداردە نێودەوڵەتییەکان بەڕێوەبچێت بۆ ئەوەی متمانەی هاوڵاتییان
بە هەڵبژاردن و دامەزراوەکان بەهێزتر ببێت.
جێگری
سەرۆک وەزیران ئاماژەی بەوەشدا لە ماوەی رابردوودا کۆبوونەوەکان لەگەڵ لایەنەکان ئیجابی
بووە و تەنها هەندێک خاڵی ناکۆکی لەسەر پرسی کورسی کۆتاکان ماوە کە ئەوانیش قابیلی
چارەسەر کردنن و گەشبینین لەماوەیەکی نزیکدا رێککەوتنی کۆتایی بکرێت.
سەبارەت
بە کێشە ناوخۆییەکانی هەرێمی کوردستانیش، قوباد تاڵەبانی رایگەیاند: ئەم کێشانە زیانیان
بە پێگەی هەرێم گەیاندووە، هەربۆیە ئێمە وەک یەکێتی پێشتریش رامانگەیاندووە؛ ئامادەین
بۆ هەرجۆرە دەستپێشخەرییەک. وتیشی "لە ئێستاشدا هەندێک هەوڵ هەیه و گەشبینین
لە داهاتوویەکی نزیکدا بە ئاراستەی چارەسەری هەنگاو بنێین و بتوانین بەسەر بەشێکی
زۆری کێشەکاندا زاڵ ببین."
لە
بەشێکی دیکەی کۆبوونەوەکەدا باسی پەیوەندییەکانی نێوان هەرێم و بەغدا کرا، لەمبارەیەشەوە
جێگری سەرۆک وەزیران رایگەیاند ئێمە دەمانەوێت کێشەکانمان لەگەڵ بەغدا بەشێوەیەکی
ریشەیی و بۆ ماوەی درێژخایەن چارەسەر بکەین. وتیشی ئەگەر بتوانین کێشەکانی ناوخۆمان
له هەرێم چارەسەر بکەین، بە یەکگرتوویی و یەکڕیزییەوە باشتر و ئاسانتر دەتوانین کێشەکانمان
لەگەڵ بەغدا بە جۆرێک چارەسەر بکەین کە لە بەرژەوەندی هەردوولادابێت.
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16