قوباد تاڵەبانی و دەرباز کۆسرەت رەسول: نامانەوێت بەهۆی دواکەوتنی هەڵبژاردنەوە ناوبانگی هەرێم لەکەداربێت
کوردستان 06:38 PM - 2023-05-04کۆبوونەوەی قوباد تاڵەبانی لەگەڵ نوێنەرانی ژمارەیەک لە کونسوڵخانەکانی ئەوروپا و نوێنەری یەکێتی ئەوروپا
قوباد تاڵەبانی و دەرباز کۆسرەت رەسول لە هەولێر لەگەڵ نوێنەرانی ژمارەیەک لە کونسوڵخانەکانی ئەوروپا و نوێنەری یەکێتی ئەوروپا بە سەرپەرشتی رۆزی کەیف کونسوڵی گشتی بەریتانیا کۆبووەوە و لە کۆبوونەوەکەدا ئامادەیی یەکێتی نیشتمانی کوردستانی بۆ هەر دەستپێشخەرییەک راگەیاند بۆ رێککەوتن لەسەر ئەنجامدانی هەڵبژاردن لە زووترین کاتدا.
لە کۆبوونەوەکەدا کە ئەمڕۆ 4ی ئایاری 2023 بەڕێوەچوو و تیایدا دابان شەدەڵە جێگری سەرۆکی فەرمانگەی پەیوەندییەکانی دەرەوەی هەرێم ئامادەی بوون، قوباد تاڵەبانی و دەرباز کۆسرەت رەسول هەڵوێستی یەکێتیان سەبارەت بە پرسی هەڵبژاردن روونکردەوە و رایانگەیاند:" یەکێتی لەگەڵ بەڕێوەچوونی هەڵبژاردندایە لە نزیکترین کاتدا، بەڵام داواکارییمان ئەوەیە کە هەڵبژاردنێکی ئازاد و دادپەروەر و گشتگیر بێت".
جەختیشیان کردەوە:" لەماوەی رابردوودا هەرێمی کوردستان لە چەندین بواری وەک پێشێلکردنی مافەکانی مرۆڤ و ئازادی رادەربڕین و ئازادی کاری رۆژنامەگەرییەوە رووبەڕووی رەخنە بووەتەوە و نامانەوێت بەهۆی دواخستنی هەڵبژاردنیشەوە رووبەڕووی رەخنەی دۆستانمان ببینەوە و ناوبانگی هەرێم لەوە زیاتر لەکەدار ببێت".
قوباد تاڵەبانی ئاماژەی بەوەشدا:" لە کۆبوونەوەکانی رابردوودا لەسەر زۆربەی خاڵەکان رێککەوتن کراوە و تەنها خاڵی ناکۆکی پرسی کورسی کۆتای پێکهاتەکانە".
لەلای خۆشیەوە، دەرباز کۆسرەت رەسول روونیکردەوە:" دیاریکردنی کورسی کۆتا بۆ پێکهاتەکان هەر لەسەرەتاوە لەسەر داوای سەرۆک مام جەلال و یەکێتی نیشتمانی کوردستان بوو و تەنانەت زیادکردنی ژمارەی کورسییەکانیش بۆ ١١ کورسی هەر لەسەر پێشنیاری یەکێتی بووە. هەربۆیە یەکێتی چ لە رابردوو و چ لە ئێستادا زیاتر لە هەر لایەنێکی دیکە خۆی بە داکۆکیکاری مافی پێكهاتەکانی کوردستان دەزانێت".
راشیانگەیاند:" تەنها داوای یەکێتی ئەوەیە رێوشوێنێک دیاری بکرێت کە کورسی کۆتاکان بۆ نوێنەرایەتیکردنی راستەقینەی پێکهاتەکان بێت، نەک بۆ نوێنەرایەتیکردنی حیزبە سیاسییەکان. وتیشیان داواکارییەکەی ئێمە هەم لۆژیکییە و ئەوەندەش قورس نییە کە نەتوانرێت جێبەجێ بکرێت و پێویستیشە ئەمە داواکاری هەموو لایەنەکان بێت".
لە کۆبوونەوەکەدا وەفدی نوێنەرانی کونسوڵخانەکان نیگەرانی خۆیان دەربڕی کە بەهۆی دواکەوتنی هەڵبژاردنەوە ناوبانگی هەرێم لەکەداربێت و دامەزراوەکانیش شەرعییەتیان نەمێنێت، لەم چوارچێوەیەشدا داوایانکرد هەرچی زووە رێککەوتن بکرێت.
قوباد تاڵەبانی وەک وەڵامدانەوەیەک بۆ داواکارییەکان رایگەیاند:" پێشوازی لە هەرجۆرە دەستپێشخەرییەک دەکەن و ئامادەن لە هەر کاتێکدا کە دۆستان و هاوپەیمانەکانمان دەستنیشانی دەکەن رێککەوتن بکەن، چونکە داواکارییەکانی ئێمە تەنها بەڕێوەچوونی هەڵبژاردنێکی پاک و بێگەردە و ئازاد و دادپەروەرە کە خەڵکی کوردستان بە هەموو پێکهاتەکانییەوە هەست بکەن پەرلەمانی داهاتوو نوێنەرایەتی راستەقینەی ئیرادەی ئەوان دەکات".
وەفدی نوێنەرانی کونسوڵخانەکان بریتی بوون لە جێگری کونسوڵی فەڕەنسا، نوێنەری کونسوڵخانەی هۆڵندا، کونسوڵی کۆماری چیک و نوێنەری یەکێتی ئەوروپا لە هەرێمی کوردستان کە لەلایەن رۆزی کەیڤ کونسوڵی گشتیی بریتانیاوە سەرپەرشتی دەکرا.
PUKMEDIA
هەواڵی زیاتر
-
قوباد تاڵەبانی: دواخستنی هەڵبژاردن زیان بە شەرعییەتی هەرێم دەگەیەنێت
06:07 PM - 2024-05-09 -
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
12:01 PM - 2024-05-09 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08
ئەمانەش ببینە
کوردستان 08:59 PM - 2024-05-09 قوباد تاڵەبانی بۆ وەفدێکی ئەمریکا: پەکخستنی هەڵبژاردن هەرێم دەخاتە مەترسییەوە
هەڵوێستی یەکێتی راستگۆ و نەگۆڕە لەسەر هەڵبژاردن
04:33 PM - 2024-05-09
سەرۆک بافڵ: پەیوەندییەکانمان بۆ بەرژەوەندییە نیشتمانییەکانە
03:31 PM - 2024-05-09
پهرلهمان بۆ ههڵبژاردنی سهرۆك پشووهكهی دوادهخات
12:30 PM - 2024-05-09
لێپرسراوی ناوهندی یاسایی یهكێتی: نیهتی پارتی دواخستنی ههڵبژاردنه
09:39 AM - 2024-05-09
زۆرترین خوێنراو
-
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
کوردستان 12:01 PM - 2024-05-09 -
هاوخەمی قوباد تاڵەبانی بۆ کۆچی دوایی خاتوو نازەنین
پرسەنامە 10:49 AM - 2024-05-09 -
لێپرسراوی ناوهندی یاسایی یهكێتی: نیهتی پارتی دواخستنی ههڵبژاردنه
کوردستان 09:39 AM - 2024-05-09 -
بۆچی دەبێ لەگەڵ دوژمنانیش بچینە دیالۆگەوە
بیروڕا 08:58 AM - 2024-05-09 -
دژەتیرۆر و هاوپەیمانان 3 تیرۆرست دەستگیردەکەن
کوردستان 10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
کوردستان 08:54 PM - 2024-05-08 -
سەرۆک بافڵ: لەگەڵ دوژمنانیش باوەڕم بە دیالۆگە
کوردستان 08:13 PM - 2024-05-08 -
سەعدی پیرە: داواکاری کاسبکارانی بازاڕی قەیسەری هەولێر رەوایە
کوردستان 07:59 PM - 2024-05-08