قوباد تاڵەبانی لەگەڵ سەرۆكی بولگاریا و قوبرس كۆدەبێتەوە
کوردستان 08:39 PM - 2023-04-28قوباد تاڵەبانی و سەرۆكی بولگاریا
قوباد تاڵەبانی، جێگری سەرۆك وەزیران، لە چوارچێوەی چالاكییەكانی كۆڕبەندی ئابوری دێڵفیدا، ئەمڕۆ هەینی 28ی نیسان، لەگەڵ رومێن رادێڤ، سەرۆكی بولگاریا و نیكۆس كریستودولیدیس، سەرۆكی وڵاتی قوبرس كۆبوویەوە و باسیبان لە پەیوەندییەكان و دواپێشهاتە سیاسی و ئابورییەكانیان كرد.
لەمیانی كۆبوونەوەكەدا، قوباد تاڵەبانی و سەرۆكی بولگاریا جەختیان لەگرنگی باشتركردن و رێكخستنەوەی پەیوەندیەكانی هەرێمی كوردستان و بولگاریا كردەوە.
لەبارەی باشتركردنی شێوازی حوكمڕانی، قوباد تاڵەبانی ئاماژەی بەوەدا كە: "بۆ پێشخستنی هەرێمی كوردستان پێویستمان بەسود وەرگرتنە لە ئەزمونی پێشكەوتووی وڵاتانی دەرەوە بۆ ئەوەی حكومڕانییەكی باشتر و دروستمان هەبێت لەپێناو خزمەتكردنی هاووڵاتیان".
لەبارەی ئیدارەدانی سەرچاوە سروشتییەكانەوە، جێگری سەرۆك وەزیران وتی: "ئێمە لەگەڵ باشتر بەڕێوەبردنی سەرچاوە سروشتییەكانین بەشێوازێك ببێتە مایەی خێر بۆ هەموو پێكهاتەكانی عیراق و هەرێم بێ جیاوازی، هەر بۆیەش دەبێت سەرەتا پێداویستی ناوخۆ دابین بكەین دواتر بیر لە هەناردەكردن بۆ دەرەوەی هەرێم بكەینەوە، جەختیشی كردەوە كە پێویستە تەنها پشت بە نەوت نەبەستین وەك تاكە سەرچاوەی داهاتی دارایی، بەڵكو دەبێت سود لە سێكتەرەكانی تری وەك كشتوكاڵ و گەشتوگوزار و پیشەسازی و كەرتی تایبەت بە گشتی وەربگرین و پەرەیان پێبدەین".
هاوكات هەر ئەمڕۆ لەپەراوێزی كۆڕبەندی ئابوری دێڵفی لە یۆنان، قوباد تاڵەبانی، جێگری سەرۆك وەزیرانی هەرێمی كوردستان، لەگەڵ نیكۆس كریستودولیدیس، سەرۆكی وڵاتی قوبرس كۆبوویەوە و باسیان لە دواپێشهاتە سیاسی و ئابوری و ئەمنییەكان كرد و قوباد تاڵەبانی رایگەیاند: "كە بەردەوامە لەهەوڵەكانی بۆ باشتركردنی پڕۆسەی حكومڕانی لەهەرێمی كوردستان و ئەم كۆڕبەندەش باشترین دەرفەتە بۆ سودوەرگرتن لەئەزمونی وڵاتانی تر".
هەروەها باس لە سودوەرگرتن لە ئەزموونە پێشكەوتووەكان و چۆنییەتی كاركردن بۆ بەدیهێنانی هاوسەنگی و رێكخستنەوە و بەڕێوەبردنی سەرچاوە سروشتییەكان كرا.
لەو بارەیەوە قوباد تاڵەبانی ئاماژەی بەوەدا كە لە هەرێمی كوردستان پێویستمان بە فرەچەشنكردنی سەرچاوەكانی داهاتە و نابێت تەنها پشت بەنەوت ببەسترێت چونكە وەك بینیمان لەماوەی رابردوو ئەو تاكە سەرچاوەیە گرفتی دارایی و ناسەقامگیری ئابوری بۆ دروستكردووین.
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16