قوباد تاڵەبانی بەڕەسمی بانگهێشتی قەتەر دەكرێت
کوردستان 09:40 PM - 2023-04-26قوباد تاڵەبانی بەڕەسمی بانگهێشتی قەتەر دەكرێت
لە پەڕاوێزی كۆڕبەندی ساڵانەی ئابوری دێڵفی لە یۆنان، قوباد تاڵەبانی جێگری سەرۆك وەزیران لەگەڵ سوڵتان سەعد ئەلمورەیخی وەزیری دەوڵەتی قەتەر بۆ كاروباری دەرەوە كۆبووەوە و لە كۆبوونەوەكەدا بە رەسمی بانگهێشتنامەی وڵاتی قەتەر پێشكەشی جێگری سەرۆك وەزیران كرا.
لە كۆبوونەوەكەدا كە ئەمڕۆ چوار شەمە 26ی نیسانی 2023 بەڕێوەچوو، تاوتوێی چۆنییەتی پەرەپێدانی پەیوەندییەكانی نێوان هەردوولا كرا، لەمبارەیەوە قوباد تاڵەبانی ئامادەیی هەرێمی كوردستانی دەربڕی بۆ پەرەپێدانی پەیوەندییەكان بە تایبەت لە بواری پەیوەندیی نێوان زانكۆكانی كوردستان و قەتەر و هەروەها لەڕووی وەرزشی و بازرگانییەوە.
لە كۆبوونەوەكەدا وەزیری دەوڵەتی قەتەر بۆ كاروباری دەرەوە بە رەسمی بانگهێشتی جێگری سەرۆك وەزیرانی كرد سەردانی وڵاتی قەتەر بكات بۆ گفتوگۆكردن لەبارەی چۆنییەتی بەهێزكردنی پەیوەندییەكان و دۆزینەوەی میكانیزمی گونجاو بۆ بەرەوپێشبردنی ئەو پەیوەندییانە لەو بوارانەیدا كە جێگەی گرنگی پێدانی هەردوولان.
هەر لە پەراوێزی یەكەم رۆژی كۆڕبەندی ساڵانەی دێڵفیدا جێگری سەرۆك وەزیران، لەگەڵ كۆنستانتینۆس زێرڤاس سەرۆكی شارەوانی سالۆنیكی یۆنان كۆبووەوە و لە كۆبوونەوەكەدا گفتوگۆكرا لەبارەی پەرەپێدانی پەیوەندییەكانی نێوان هەرێمی كوردستان و سالۆنیكی یۆنان لە بوارەكانی گەشتوگوزار و كشتوكاڵ و پێشەسازییەوە.
قوباد تاڵەبانی لە كۆبوونەوەكەدا داوای لە سەرۆكی شارەوانی سالۆنیك كرد هانی وەبەرهێنەرانی سالۆنیك و وڵاتی یۆنان بدات لە هەرێمی كوردستان وەبەرهێنان بكەن و ئامادەیی هەرێمیشی دەربڕی بۆ پێشكەش كردنی هەموو جۆرە كارئاسانییەك لەمبارەیەوە.
جێی وەبیرهێنانەوەیە كۆڕبەندی ساڵانەی ئابوری دێڵفی یەكێكە لە گرنگترین كۆڕبەندە ئابورییەكانی ئەوروپا و تیایدا بە بەشداری سەرۆك و بەرپرسانی باڵای وڵاتان باس لە چۆنییەتی چارەسەركردنی كێشە ئابوری و سیاسییەكانی جیهان دەكرێت. بۆ جاری دووەمە لەسەر یەك قوباد تاڵەبانی بەشداری لەم كۆڕبەندەدا دەكات.
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16