حكومهت لهسهر دزینی پارهی پێشمهرگه بێدهنگه
کوردستان 04:50 PM - 2023-04-19بانكی مناره له ههولێر
دزینی سێ ملیار دیناری مووچهی وهزارهتی پێشمهرگه له ههولێر و ههوڵدان بۆ پهردهپۆشكردنی رووداوهكه، لیژنهی پێشمهرگهی پهرلهمانی ناچار به لێكۆڵینهوه له رووداوهكه كردووهو ئهندامێكی لیژنهكهش دهڵێت: "تا ئێستا ههڵوێستی وهزارهتی دارایی و حكومهتی ههرێم لهسهر ئهو رووداوه گهورهیه روون نییهو بێدهگن".
بهناوی وهزیری داراییهوه پارهیان لهبانك راكێشاوه
باڵانبۆ محهمهد ئهندامی لیژنهی پێشمهرگه له پهرلهمانی كوردستان له لێدوانێكیدا بۆ سایتی رهسمی یهكێتیی نیشتمانیی كوردستان PUKMEDIA ی راگهیاند: "باندێك له بانكی منارهی ههولێر، سێ ملیار دیناریان بهناوی وهزارهتی پێشكهرگهوه راكێشاوه، ههرچهنده دهوترێت باندهكه دهستگیركراون بهڵام تا ئێستا هیچ زانیارییهكیان لهبارهوه ئاشكرا نهكراوه و نازانرێت كێن، لهكاتێكدا باندهكه ئیمزای وهزیری دارایان تهزویر كردووه، بهڵام تا ئێستا ههڵوێستی وهزیری دارایی و حكومهتی ههرێم لهوبارهیهوه نازانرێت".
"بۆ ئهو مهبهستهش له كۆبوونهوهی ئاسایی لیژنهی پێشمهرگهی پهرلهمانی كوردستاندا بڕیارماندا لیژنهیهكی كاتی بۆ لێكۆڵینهوه له رووداوهكه پێكبهێنین بۆ ئهوهی سهردانی وهزارهتی دارایی و وهزارهتی پێشمهرگه پێكبهێنین، چونكه ناكرێت ئهو كاره قێزهونه پهردهپۆش بكرێت" باڵانبۆ محهمهد وایوت.
باندهكه كهسی حزبی باڵای لهپشته
باندێكی شهش كهسی به ناوی مووچهی وهزارهتی پێشمهرگهوه سێ ملیار دیناریان لهبانكی مناره راكێشاوه، سهرهتاش مۆری لیژنهی مووچهی وهزارهتی پێشمهرگهیان كۆپی كردووه تاوهكو مامهڵهكانیانی پێ تهواو بكهن دواتر له گهنجینهكان و وهزارهتی دارایی مامهڵهكانیان تهواو كردووه و له ناو بانكی مناره پارهكهیان وهرگرتووه.
"ئهو بانده پێشینهیان ههیه و كهسانی شارهزایان تێدایه، چونكه كهسانی ئاسایی ئهوهی پێناكرێت و به دڵنیاییهوه كهسانی دهسهڵاتدارانی حزبیان لهپشته، چونكه روونه ئهوهی له ههولێر حزبی نهبێت كاری پێنادرێت و پێناكرێت" باڵانبۆ محهمهد وادهڵێت.
ئهندامهكهی لیژنهی پێشمهرگه له پهرلهمانی كوردستان دهشلێت: "ههرچهنده لهلیژنهی پێشمهرگهدا ههوڵمانداوه ههموو ئهو كێشانه چارهسهر بكهین كه رووبهڕووی پێشمهرگه دهبێتهوه، بهڵام حكومهتی ههرێم وهك پێویست بهدهم داواكاری و كهموكوڕی پێشمهرگهوه نهچووهو تهنانهت لهم رووداوهشدا وهك پێویست نهبوو"
لایهنێك دهیهوێت بكهرانی دزیكردنهكه ئاشكرا نهكات
وتیشی: "حزب لهههولێر دهیهوێت هاوشێوهی تاوانهكانی دیكهی كوشتن و سهرتاشین، بكهرانی ئهم دزیكردنهشه پهردهپۆش بكات، لهگهڵ ئهوهشدا یهكهمجار نییه دزی لهوشێوهیه لهههولێر دهكرێت، بهڵام ئهگهر ئهو دزییه لهسلێمانی بكرایه دههۆڵی دیارنهمانی پارهی بانكهكانی سلێمانی لێدهدرا،كهچی لای خۆیان پارهی داهاتی ناوخۆ و خاڵه سنوورییهكان و داهاته كۆكراوهكانی ناوخهزێنهی حكومهتیش دهدزرێن و بهلایانهوه ئاساییه".
رۆژی 17-4-2023، باندێك كه چهكی بانكیان ساخته كردبوو و بهناوی مووچهی وهزارهتی پێشمهرگه و كۆپی مۆری لیژنهی مووچهی وهزارهتهكهوه، سێ ملیار دیناریان له بانكی مناره له ههولێر راكێشا، پاش رووداوهكهش هێزه ئهمنییهكانی ههولێر رایانگهیاند شهش كهس لهسهر ئهو دۆسیهیه دهستگیر كراون كەدووانیان كارمەندی بانكەكەن، بهڵام تائێستا زانیاری لهسهر كهسهكان و پشتیوانی ئهو گروپه بڵاونهكراوهتهوهو لایهنه ئهمنییهكان خۆیان لێی بێدهنگ كردوه.
PUKMEDIA
هەواڵی زیاتر
-
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
09:54 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
09:16 AM - 2024-05-19 -
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
09:34 PM - 2024-05-18
ئەمانەش ببینە
کوردستان 12:50 PM - 2024-05-19 راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
لەهەڵبژاردنی سەرۆکی پەرلەماندا عیساوی پێش مەشهەدانی کەوت
05:45 PM - 2024-05-18
زۆرترین خوێنراو
-
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19 -
٧٤ هەمین هەفتانەی دیجیتاڵی ئینگلیزی بڵاودەكرێتەوە
جیهان 09:02 AM - 2024-05-19 -
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
کوردستان 09:34 PM - 2024-05-18 -
وەزیری رۆشنبیری: ئێستا جاسوسی بە ئاشکرا دەکرێت
کوردستان 09:26 PM - 2024-05-18 -
جاسوسی
بیروڕا 09:23 PM - 2024-05-18 -
لەهەڵبژاردنی سەرۆکی پەرلەماندا عیساوی پێش مەشهەدانی کەوت
عیراق 05:45 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
کوردستان 05:33 PM - 2024-05-18 -
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
کوردستان 04:10 PM - 2024-05-18