قوباد تاڵەبانی: قەرەبوی مادی و مەعنەوی کەسوکاری ئەنفالکراوان بکرێتەوە
کوردستان 11:32 AM - 2023-04-14قوباد تاڵەبانی
جێگری سەرۆکی ئەنجومەنی وەزیرانی حکومەتی هەرێمی کوردستان لە ساڵیادی کارەساتی ئەنفالدا لە پەیامێکیدا دەڵێت: "ئەرکی سەرشانی حکومەتی عێراقە قەرەبووی مادی و مەعنەوی کەسوکاری ئەنفالکراوان و گەلی کورد بکاتەوە".
دەقی پەیامەکە....
١٤/٤ تەنها رۆژێک نییە بۆ یادکردن و رێزگرتن لە یادی ١٨٢ هەزار مرۆڤی بێ تاوان کە بەپێی پلانێکی پێشوەختە لەلایەن رژێمی بەعسی رووخاوەوە جینۆساید کران. ئەم رۆژە تەنها بۆنەیەک نییە بۆ کەسوکاری ئەنفالکراوان، بەڵکو بۆنەیەکی گەورەی نیشتمانییە بۆ گەلی کورد، چونکە پرۆسەی ئەنفال پرۆسەیەک بوو بۆ سڕینەوە و پاکتاوکردنی هەموو گەلی کورد، ئەوانەی بەر ئەنفال کەوتن بوونە شایەتی تاوان و ئەوانەشی رزگاربوون بە ڕێکەوت رزگار بوون.
لە راستیدا ١٤/٤ بۆنەیەکە بۆ بیرهێنانەوەی هەموو ئەو کوردانەی بێ تاوان بوونە قوربانی دەستی رژێمی ستەمکارە یەک لە دوای یەکەکان، بۆنەیەکە بۆ بیرکردنەوە لە قەدەری گەلی کورد کە بەردەوام بووەتە قوربانی رژێمە ستەمکارەکان و بۆنەیەکیشە بۆ بیرکردنەوە لە کۆتاییهێنان بە هەر جۆرە ستەم و چەوساندنەوەیەکی مرۆڤ لە کوردستان و عێراقدا جا لەژێر هەر ناو و نیشانێکدابێت.
ناتوانین رێز لە یادی ئەنفالکراوان بگرین هەتا هاوسۆز نەبین لەگەڵ هەموو ستەملێکراوان. رێزگرتن لە یادی ئەنفالکراوان واتە کۆتاییهێنان بە هەرجۆرە ستەم و جیاوازیدانانێک لە حەقی مرۆڤدا و واتە قەرەبووکردنەوەی مادی و مەعنەوی کەسوکاری ئەنفالکراوان.
لەم یادەدا بە پێویستی دەزانم بیری بهێنمەوە ئەرکی سەرشانی حکومەتی عێراقە قەرەبووی مادی و مەعنەوی کەسوکاری ئەنفالکراوان و گەلی کورد بکاتەوە.
داوا لە هێزە سیاسییەکانی کوردستان و نوێنەرانی کورد لە بەغدا و بە تایبەتیش نوێنەرانی یەکێتیی نیشتمانیی کوردستان دەکەم بە هەموو توانایانەوە کار بکەن بۆ قەرەبووکردنەوەی کەسوکاری ئەنفالکراوان و پێویستە ساڵانە لە یاسای بودجەی عێراقدا بەشێک بۆ قەرەبووکردنەوەی کەسوکاری ئەنفالکراوان و ناوچە ئەنفالکراوەکان تەرخان بکرێت.
قوباد تاڵەبانی
جێگری سەرۆکی ئەنجومەنی وەزیران
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
02:16 PM - 2024-05-16
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16