قوباد تاڵەبانی: بەرپرسیارانە مامەڵە لەگەڵ ئەم دەرفەتەدا بکەین و لەباری نەبەین
کوردستان 07:44 PM - 2023-04-04قوباد تاڵەبانی جێگری سەرۆکی حکومەتی هەرێمی کوردستان
قوباد تاڵەبانی جێگری سەرۆکی حکومەتی هەرێمی کوردستان پەیامێکی بڵاوکردووەتەوە و رایدەگەیەنێت، "لە دوای نزیکەی دە ساڵ قەیران و ناخۆشی، ئێستا دەرفەتێکی زێڕین هاتووەتە ئاراوە, دەبێت هەموو لایەکمان بەرپرسیارانە مامەڵە لەگەڵ ئەم دەرفەتەدا بکەین بۆ راستکردنەوەی هەڵەکانی رابردوو و گەڕاندنەوەی هیوا بۆ کۆمەڵانی خەڵکی کوردستان".
دەبوو پێشتر ئەم کارەمان بکردایە، نەک دوای بڕیاری دادگا نێودەوڵەتییەکان
قوباد تاڵەبانی جێگری
سەرۆکی حکومەتی هەرێمی کوردستان لە پەڕەی تایبەتی خۆی لە تۆڕی کۆمەڵایەتی فەیسبوک،
ئەمڕۆ سێ شەممە ٤-٤-٢٠٢٣، پەیامێکی بڵاوکردووەتەوە و رایدەگەیەنێت: "لەم
بارودۆخەی ئێستادا، چ لەڕووی یاساییەوە بێت، چ لەڕووی دەسەڵاتەکانی حکومەتی فیدرالییەوە
بێت، رێگایەکی تر لەبەردەم حکومەتی هەرێمدا نەبووە جگە لە رێککەوتن و رەزامەندی لەسەر
فرۆشتنی نەوتی هەرێمی کوردستان لەڕێگای کۆمپانیای سۆمۆوە".
"ئەگەر
چی دەبوو پێشتر و بەڕەزامەندی خۆمان ئەم کارەمان بکردایە، نەک دوای بڕیاری دادگا نێودەوڵەتییەکان،
بەڵام ئێستاش هەر بەهەنگاوێکی دروستی دەزانین لەپێناو دەستپێکردنەوەی هەناردەکردنی
نەوتی هەرێمی کوردستان و چارەسەرکردنی یەکجاری ئەم کێشەیە لەداهاتوودا"،
قوباد تاڵەبانی وادەڵێت.
گرنگ نییە کێ نەوت دەفرۆشێت، گرنگ ئەوەیە مووچە و خزمەتگوزاری دابین بکەین
جێگری سەرۆکی حکومەتی
هەرێمی کوردستان ئاماژە بەوەش دەدات: "پێشتر لەچەندین بۆنەدا جەختمان کردووەتەوە؛
گرنگ نییە کێ نەوت دەفرۆشێت، گرنگ ئەوەیە بتوانین موچەی مووچەخۆران دابین بکەین و
خزمەتگوزاری پێویست پێشکەش بکەین و لەهەمانکاتدا هەنگاو بنێین بەرەو رێککەوتن لەسەر
یاسای نەوت و گاز و پەسندکردنی یاسای بودجە و گێڕانەوەی سەقامگیری ئابوری لە هەرێمی
کوردستان".
"ئێستا
کاتی ئەوە نییە خۆمان بە پاڵەوان دەرخەین، کاتی ئەوەیە دان بەهەڵەکانماندا بنێین بۆ
ئەوەی بەڕوونی گرفتەکان ببینین و چارەسەریان بکەین لەپێناو خۆشگوزەرانی کۆمەڵانی خەڵکی
کوردستان. ئێستا کاتی ئەوەیە ئەو نیازپاکییەی ئێستا هەیە وەک دەرفەتێک بقۆزینەوە هەموو
لایەکمان هەوڵ بدەین یاسای نەوت و گاز و یاسای بودجە بە باشترین شێوە و لە نزیکترین
ماوەدا پەسند بکرێت"، جێگری سەرۆکی حکومەت وادەڵێت.
لەمەودوا هیچ بیانوویەک نامێنێت
دەشڵێت: "هەرێمی
کوردستان لە ماوەی نزیکەی دە ساڵی رابردوودا زیانی گەورەی بەرکەوت، گەشەی ئابوری و
بەشێکی زۆری پڕۆژەکان وەستان، پێدانی موچەی موچەخۆران تووشی گرفت بوو، لەو ماوەیەدا
بەهۆی ناسەقامگیری و نەبوونی بەرچاوڕوونی لە داهات، هەرێمی کوردستان بەبێ یاسای
بودجە بەڕێوەچووە، هەموو ئەمانەش هۆکاربوون بۆ کەمبوونەوەی متمانەی هاووڵاتیان بە
دامەزراوەکان، بۆیە لەمەودوا هیچ بیانوویەک نامێنێت لەبەردەم پەسەندکردنی بودجەیەکی
شەفاف لەلایەن پەرلەمانی کوردستانەوە".
"لە
ئێستا بە دواوە و لە دوای ئەم رێککەوتنە، گەشبینین هەموو لایەکمان بە ئەزمون وەرگرتن
لە رابردوو هەوڵەکانمان چڕبکەینەوە بۆ بونیادنی حکومڕانییەکی دروست و متمانەی هاوڵاتیان
بە دامەزراوەکان بەهێز بکەینەوە. پڕۆژە خزمەتگوزارییەکان وەگەربخەینەوە، لە چوارچێوەی
یاسای بودجەدا شەفافییەت پەرە پێ بدەین و دادپەروەری لە دابەشکردنی داهات و خزمەتگوزارییەکان
لەنێوان هەموو پارێزگاکاندا بەبێ جیاوازی دابین بکەین"، قوباد تاڵەبانی
وادەڵێت.
ئەوەش دەخاتەڕوو: "لە
دوای نزیکەی دە ساڵ قەیران و ناخۆشی، ئێستا دەرفەتێکی زێڕین هاتووەتە ئاراوە، پێشتر
زۆرجار دەرفەتەکان لەباردەچوون، هەربۆیە دەبێت هەموو لایەکمان بەرپرسیارانە مامەڵە
لەگەڵ ئەم دەرفەتەدا بکەین، نەک هەر نەهێڵین لەبار بچێت، بەڵکو بیقۆزینەوە بۆ
راستکردنەوەی هەڵەکانی رابردوو و گەڕاندنەوەی هیوا بۆ کۆمەڵانی خەڵکی کوردستان".
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16