قوباد تاڵهبانی "یهكپهنجهره" دژی گهندهڵی و رۆتین دهكاتهوه
کوردستان 07:52 PM - 2023-03-11سلێمانی و سیستمی یەک پەنجەرە
بۆ یهكهمجار لهسهر ئاستی ههرێم و عیراق سیستمی یهكپهنجهره لهفهرمانگهكانی سلێمانی بۆ خزمهتی هاووڵاتیان جێبهجێ دهكرێت، كه یهكێكی دیكهی پرۆژهكانی قوباد تاڵهبانی جێگری سهرۆكی وهزیرانی ههرێمه لهچوارچێوهی پڕۆژهی خزمهتدا پێشكهش بههاووڵاتیانی دهكات و دهبێته هۆی كهمكردنهوهی رۆتین و گهندهڵی.
قوباد تاڵهبانی: متمانه نێوان حكومهت و هاووڵاتی دروستدهكهینهوه
قوباد تاڵهبانی جێگری سهرۆك وهزیرانی ههرێم لهئهكاونتی تایبهتی خۆی لهتۆڕی كۆمهڵایهتی فهیسبووك بڵاویكردوهتهوه" بهسیستمی یهكپهنجهره ئیدارهدانی نێو دهزگاكان باشتر دهكهین، رۆتین كهمدهكهینهوه، كات بۆ هاووڵاتیان دهگهڕێنینهوه، متمانه كهنێوان حكومهت و هاووڵاتیان دروستدهكهینهوه، قهرهباڵغی نێو فهرمانگهكان كهمدهكهینهوه)".
یهكپهنجهره دهكهوێته كار
سیستمی یهكپهنجهره لهقۆناغی یهكهمدا لهپێنج فهرمانگهی پارێزگای سلێمانی جێبهجێدهكرێت و دواتر فهرمانگهكانی تریش دهگرێتهوه، بڕیاریشه لهپارێزگا و ئیداره سهربهخۆكانی تریش پرۆژهكه جێبهجێبكرێت".
سهمیر ههورامی وتهبێژی قوباد تاڵهبانی جێگری سهرۆك وهزیران به PUKMEDIA ی رایگهیاند: "یهكپهنجهره لهچوارچێوهی بهئهلكترۆنی كردنی كاروباری فهرمانگهكانه و بهشێكه لهپڕۆژهی خزمهت، كهمهبهست لێی باشتر پێشكهشكردنی خزمهتهكان بۆ هاووڵاتی خزمهتخواز و راییكردنی مامهڵهی هاووڵاتیانه له فهرمانگهكاندا بهئاسانترین شێوه، بهنههێشتنی رۆتین و رێگرتن له گهندهڵی".
"هاووڵاتی خزمهتخواز لهڕێی یهكپهنجهرهوه مامهڵهكهی پێشكهش دهكات و دهرئهمجامهكهشی وهردهگرێتهوه، ئهوكاته فهرمانبهر ههڵدهسێت بهجێبهجێ كردنی ههموو مامهڵهكه و پێویست ناكات هاووڵاتی خزمهتخواز چهند ژوورێك بكات، بێگومان ئهمهش رۆتین ناهێڵێت و لهو رێیهشهوه بهر بهگهندهڵی دهگیرێت" سهمیر ههورامی وادهڵێت.
ههوڵهكانی قوباد تاڵهبانی بهرزدهنڕخێنرێت
پرۆژهكانی قوباد تاڵهبانی لهپێناو بهئهلكترۆنیكردنی حكومهت و خزمهتی زیاتری هاووڵاتیان بهرزدهنرخێنرێت و یهكپهنجهره-ش بهههنگاوێكی گرنگ بۆ دادپهروهری و نههێشتنی گهندهڵی دادهنرێت.
د.هێرش رهسوڵ راگری كۆلێژی تهكنیكی كارگێڕی لهزانكۆی پۆلیتهكنیكی سلێمانی بهسایتی رهسمی یهكێتیی نیشتمانیی كوردستان PUKMEDIA ی راگهیاند:"سیستمی یهكپهنجهره یهكێكه لهو پرۆژه گرنگانهی كهلهسهر دهستی قوباد تاڵهبانی هاوشێوهی "شهفافیهت" خزمهتێكی زۆر بههاووڵاتیان دهگهیهنێت".
"یهكپهنجهره ههنگاوێك دهبێت كهحكومهتی خۆجێی زیاتر لهڕووی كارگیڕییهوه بهسیستهم بكرێت و بنهمایهكی حكومڕانی دروسته بۆ زیاتر خزمهتكردنی هاووڵاتیان و ههنگاوێكی گرنگیشه بۆ دادپهروهری و نههیشتنی گهندهڵی" د.هێرش رهسوڵ وایوت.
دهشڵێت:"راسته ئهم سیستمه بۆیهكهمجاره لهسلێمانی جێبهجێدهكرێت، بهڵام دهكرێت گهشهی پێ بدرێت و لهههولێر و دهۆك و تهنانهت عیراقیش لهپێناو خزمهتی هاووڵاتیان جێبهجێبكرێت".
سیستمی یهكپهنجهره كه لهفهرمانگهكانی سنووری پارێزگای سلێمانی جێبهجێدهكرێت، لهچوارچێوهی پڕۆژهی خزمهته كه ساڵی ٢٠١٣ قوباد تاڵهبانی جێگری سهرۆك وهزیران لهگهڵ پاكێجێك له پڕۆژهی چاكسازی و بهئهلكترۆنیكردنی كاروباری حكومهت پێشكهشی كردون و دواتر كاریان لهسهر كراوه، وهك بایۆمهتری و خزمهت و تۆماری كۆمپانیاكان و یاسای كار و بهئهلكترۆنی كردنی بهشێك له دامودهزگاكانی حكومهت.
PUKMEDIA
قوباد تاڵەبانی لەبارەی سیستمی یەکپەنجەرەوە دەنووسێت:
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
02:16 PM - 2024-05-16
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16