قوباد تاڵەبانی و وەزیری دەرەوەی ئەڵمانیا: ناكۆكییەكان چارەسەر بكرێن
کوردستان 03:06 PM - 2023-03-08كۆبوونەوەی قوباد تاڵەبانی لەگەڵ وەزیری دەرەوەی ئەڵمانیا
قوباد تاڵەبانی جێگری سەرۆكوەزیران لە هەولێر پێشوازی لە ئەنالینا بێربۆك وەزیری دەرەوەی ئەڵمانیا كرد و لە كۆبوونەوەی نێوانیاندا لەسەر كێشە ناوخۆییەكان و پەیوەندییەكانی نێوان هەولێر و بەغدا و پەیوەندییەكانی نێوان هەرێمی كوردستان و ئەڵمانیا گفتوگۆ كرا.
لە كۆبوونەوەكەدا كە رۆژی 8 مارسی 2023 بەڕێوەچوو و تیایدا دەرباز كۆسرەت رەسوڵ كارگێڕی مەكتەبی سیاسی یەكێتی و دابان شەدەڵە جێگری سەرۆكی فەرمانگەی پەیوەندییەكانی دەرەوەی هەرێم ئامادەی بوون، جێگری سەرۆك وەزیران پشتگیری خۆی بۆ حكومەتەكەی بەڕێز سودانی دووپات كردەوە و هیوای خواست حكومەتی نوێی عراق بتوانێت پڕۆژە یاسای بودجە و پڕۆژە یاسای نەوت و گاز بەجۆرێك ئامادە بكات كە لە بەرژەوەندی هەموو عیراقدا بێت.
رێككەوتنی هەرێم و بەغدا لەسەر یاسای نەوت و گاز چارەسەری كێشەكانی دیكەی نێوان هەولێر و بەغدا دەبێت
راشیگەیاند: "رێككەوتنی هەرێم و بەغدا لەسەر یاسای نەوت و گاز دەرگا دەكاتەوە بەڕووی چارەسەركردنی كێشەكانی دیكەی نێوان هەولێر و بەغدا و دەبێتە هۆی سەقامگیری سیاسی و ئەمنی و بووژانەوەی ئابوری لە هەموو عیراقدا".
لە تەوەرێكی دیكەی كۆبوونەوەكەدا تاوتوێی دۆخی سیاسی ناوخۆی هەرێمی كوردستان كرا و هەردوولا هاوڕابوون دەبێت ناكۆكییە سیاسییەكان لەڕێگەی گفتوگۆوە چارەسەر بكرێن. لەمبارەیەوە وەزیری دەرەوەی ئەڵمانیا رایگەیاند: "حكومەتی ئەڵمانیا پشتیوانی لە هەرێمی كوردستانی یەكدەنگ و یەكگرتوو دەكات، هەربۆیە پێویستە ناكۆكییە ناوخۆییەكان چارەسەر بكرێن".
ئەڵمانیا پشتگیری لە چارەسەركردنی ناكۆكییەكانی نیوان هەولێر و بەغدا دەكات
سەبارەت بە پەیوەندییەكانی نیوان هەولێر و بەغداش، ئەنالینا بێربۆك جەختی كردەوە حكومەتی ئەڵمانیا پشتگیری لە چارەسەركردنی ناكۆكییەكانی نیوان هەولێر و بەغدا دەكات و پێویستە پەیوەندییەكی بەهێز و تۆكمە لەسەر بنەمای دەستور لەنێوان هەردوو حكومەتدا هەبێت بۆ ئەوەی ببێتە مایەی سەقامگیری ئەمنی و سیاسی و بووژانەوەی ئابوری لە هەموو عیراقدا.
لە بەشێكی دیكەی كۆبوونەوەكەدا باسی پەیوەندییەكانی نێوان هەرێمی كوردستان و وڵاتی ئەڵمانیا كرا و لەم چوارچێوەیەدا قوباد تاڵەبانی سوپاسی ئەڵمانیای كرد كە لە ماوەی رابردوودا بە ناردنی پسپۆڕ و راوێژكار لە بوارە جیاوازەكاندا یارمەتی هەرێمیان داوە و هیواشی خواست ئەم هاوكارییانە بەردەوام بێت. جێگری سەرۆك وەزیران داواشیكرد حكومەتی ئەڵمانیا هاوكاربێت لە بووژانەوەی ئابوری و رەخساندنی هەلی كار لە شار و شارۆچكەكانی هەرێمی كوردستان بۆ ئەوەی هەموو ناوچەكانی كوردستان بە شێوەی هاوسەنگ گەشە بكەن و بووژانەوەی ئابوری بەخۆوە ببینن.
لە كۆبوونەوەكەدا تاوتوێی دۆخی شەنگال كرا و لەمبارەیەشەوە قوباد تاڵەبانی ئاماژەی بەوەدا بۆ ئاساییكردنەوەی دۆخی شەنگال و گەڕاندنەوەی ئاوارەكان بۆ زێدی خۆیان پێویستە بەر لە هەر شتێك گوێ لە خەڵكی شەنگال و داوكارییەكانیان بگیرێت. وتیشی شەنگال دۆخێكی هەستیاری هەیە و پێویستە لە جێبەجێكردنی هەر پلان و بەرنامەیەكدا هەستیاری دۆخی ناوچەكە لەبەرچاو بگیرێت.
بە بۆنەی رۆژی جیهانی ژنانیشەوە لە كۆبوونەوەكەدا باسی دۆخی ژنان لە كوردستان كرا، جێگری سەرۆك وەزیران ئاماژەی بەوەدا لە كوردستان ژنانی بەهێز و خاوەن بیرۆكە هەن كە دەیانەوێت ببنە خاوەنكار و پڕۆژەی خۆیان و لەم چوارچێوەیەشدا داوایكرد حكومەتی ئەڵمانیا و رێكخراوەكانی ئەو وڵاتە گرنگی زیاتر بدەن بە هاوكاریكردنی ژنانی خاوەن بیرۆكە بۆ ئەوەی پێگەی ژنان لە بازاڕی كاری كوردستاندا بەهێزتر بێت.
PUKMEDIA
هەواڵی زیاتر
-
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
01:13 PM - 2024-05-20 -
سەرۆک بافڵ: دڵمان لای گەل و سەرکردایەتی باڵای ئێرانە
11:38 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
10:46 AM - 2024-05-20
ئەمانەش ببینە
رێكخراوی پهیامنێران: لهسهر داوای داواكاری گشتی شاكار ستار دهستگیركراوه
02:43 PM - 2024-05-20
یەکێتی سەرەخۆشی لە کۆماری ئیسلامی ئێران دەکات
10:26 AM - 2024-05-20
سەرۆک بافڵ: نیگەرانین بە روداوی هێلیکۆپتەرەکەی سەرۆککۆماری ئێران
09:45 PM - 2024-05-19
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
زۆرترین خوێنراو
-
رێكخراوی پهیامنێران: لهسهر داوای داواكاری گشتی شاكار ستار دهستگیركراوه
کوردستان 02:43 PM - 2024-05-20 -
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
ی ن ک 02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
هەواڵ 01:13 PM - 2024-05-20 -
سەرۆک بافڵ: دڵمان لای گەل و سەرکردایەتی باڵای ئێرانە
کوردستان 11:38 AM - 2024-05-20 -
سەرۆککۆماری عیراق: پشتیوانی گەلی ئێرانین لەم بارودۆخە سەختەدا
عیراق 11:35 AM - 2024-05-20 -
ئێران گیانلەدەستدانی سەرۆککۆمار و وەفدی یاوەری راگەیاند
جیهان 10:46 AM - 2024-05-20 -
یەکێتی سەرەخۆشی لە کۆماری ئیسلامی ئێران دەکات
ی ن ک 10:26 AM - 2024-05-20 -
دژەتیرۆر پێشوازی لەکەسوکاری سەربەرزی ئەنفالکراوان دەکات
کوردستان 10:07 PM - 2024-05-19