14 حزبی کوردستانی: مادەی140 جێبەجێ بکرێت

PUKMEDIA

14 حزبی کوردستانی: مادەی140 جێبەجێ بکرێت

حزب و لایەنە کوردستانییەکان دۆخی کەرکوک و ناوچە جێناکۆکەکانیان تاوتوێ دەکەن و جەخت لە یەکڕیزی نێوان حزب و لایەنە کوردستانییەکان دەکەنەوە، بە جۆرێک کە وەڵام دەرەوەی واقیعی ئێستای کەرکوک و ناوچە جێناکۆکەکان بێت.

ئەمڕۆ ٣١-١-٢٠٢٣ لە بارەگای مەکتەبی سیاسی یەکێتیی لە شاری کەرکوک بە سەرپەرشتی هەڤاڵ ئاسۆ مامەند کارگێڕی مەکتەبی سیاسی یەکێتیی نیشتمانیی کوردستان، و بە ئامادەبوونی لێپرسراوی یەکەمی حزبە کوردستانییەکان، کۆبوونەوەی حزب و لایەنە کوردستانییەکانی کەرکوک بەڕێوەچوو.

لە کۆبوونەوەکەدا حزب و لایەنە کوردستانییەکان؛ بە گشتیی دۆخی کەرکوک و ناوچە جێناکۆکەکانیان تاوتوێ کرد، و جەختیان لە سەر یەکڕیزی نێوان حزب و لایەنە کوردستانییەکان کردەوە، بە جۆرێک کە وەڵام دەرەوەی واقیعی ئێستای کەرکوک و ناوچە جێناکۆکەکان بێت.

هەروەها تاوتوێی سەرجەم ئەو گیرو گرفتانەش کران کە لە ئێستادا بوونەتە مایەی نیگەرانی هاووڵاتییان، و لەو رووەوە حزب و لایەنە کوردستانییەکان تەئکیدیان کردەوە؛ کە لەگەڵ تەواوی داواکاری و خواستەکانی هاووڵاتییان دایە، و لەو چوارچێوەیەشدا هەنگاوی پراکتیکی دەنێت.

حزب و لایەنە کوردستانییەکانی کەرکوک، لە سەر کۆی پرسەکان هاوڕا بوون، بە ئامانجی چارەسەرکردن و نەهێشتنی ئەو گیرو گرفتە ئیداری و ئەمنییانەی کە رۆژانە رووبەڕووی دانیشتوانی کەرکوک و ناوچە جێناکۆکەکان دەبێتەوە.

پرسی مافە دەستووری و یاساییەکانی کورد، و کێشەی زەوی و زارە کشتوکاڵییەکانی جوتیاران، و پرسی ئەنجامدانی هەڵبژاردن، و رێوشوێنەکانی جێبەجێکردنی ماددەی (١٤٠) کە لە کارنامەی محەمەد شیاع سودانیدا هاتووە، تەوەری سەرەکی کۆبوونەوەی حزب و لایەنە کوردستانییەکان بوو.

یەکێتیی نیشتمانیی کوردستان
بزووتنەوەی گۆڕان
کۆمەڵی دادگەری
یەکگرتووی ئیسلامی کوردستان
ھاوپەیمانی نیشتمانی
سۆسیال دیمۆکراتی کوردستان
حزبی زەحمەتکێشانی کوردستان
حزبی شیوعی کوردستان
بزووتنەوەی ئیسلامی کوردستان
پارتی سەوزی کوردستان
پارتی پێشکەوتنخوازی کوردستان
حزبی ئیسلامی عیراق
تەڤگەری ئازادیی
بزووتنەوەی دیمۆکراتیی گەلی کوردستان