Îran daxwaza 11 milyar dînar qerz ji Îraqê dike

PUKMEDIA

Îran û Îraq

Piştî ku Elî Zeydî bi serdaneke fermî gihîşt Tehrana paytexta Komara Îslamî ya Îranê û ji aliyê berpirsên bilind ên wî welatî ve hate pêşwazîkirin, di hevdîtinên wî de gelek gotûbêjên aloz çêbûn, bi taybetî derbarê pirsa deynên gaza Îranê û mîsogerkirina derbasbûna keştiyên petrolê yên Îraqê di Tengava Hurmuzê re.

Li gorî wan agahiyên ku medyayên Îraqî belav kirine, di gotûbêjan de Îranê red kiriye ku bi awayekî fermî razîbûna xwe bide derbasbûna keştiyên bazirganî yên Îraqê di Tengava Hurmuzê re, û ew mijar girêdayî helwêsta siberojê ya hikûmeta Îraqê ya têkildarî dosyayên Îranê kiriye.
Di vî warî de, qenala El-Hure bi zarê du çavkaniyên Îraqî yên agahdar, ku yek ji wan nêzîkî serokwezîr e û a din jî dîplomat e, belav kir ku aliyê Îranî daxwaz ji Bexdayê kiriye ku nêzîkî 11 milyar dolarî bide wê, ku ev şayesteyên dararyî yên kelekeboyên salên borî yên hinardekirina gaza Îranê bo Îraqê ne.

Çavkaniyan her wiha anîn ziman ku Zeydî ji berpirsên îranî re ragihandiye ku niha Îraq xwediyê şiyanê nîne ku ew mîqdarê drav dabîn bike, di beramber de pêşniyar kiriye ku milyarek dolar ji wan dravên ku wekî şayesteyên Haciyên Îranî li Siûdiyê hatine danîn bide, lê Tehranê ew pêşniyar red kiriye û sor bûye li ser wê yekê ku şayeste rasterast bidin xwe.
Wan her wiha eşkere kir ku vê yekê derxist holê ku gotûbêjên di navbera her du aliyan de pir ji ya ku di daxuyaniyên fermî de hatine xistin aloztir bûn, bi taybetî ji ber ku Îraq ji ber cezayên Amerîkayê di veguhestina drav bo Tehrana bi rêya sîstema bankî ya navneteweyî re rûbirûyê zehmetiyan bûye.

Di pirseke din de, Bexdayê hewil daye garantiyê ji Îranê werbigire ku rê bide keştiyên petrolê yên Îraqê bê pirsgirêk derbasî Tengava Hurmuzê bibin, dûrî her tedbîreke ku bibe sedema têkbirina tevgera deryavanî ya li herêmê. Li gorî çavkaniyekî nêzîkî serokwezîr, Mesûd Pizîşkiyan, Serokkomarê Îranê, ji Zeydî re ragihandiye ku arasteyek heye ji bo derxistina Îraqê ji her tedbîreke ku bandorê li ser tevgera keştiyên neftê bike, lê dema ku aliyê Îraqî daxwaz kiriye ku ev derxistin bi awayekî fermî di daxuyaniya hevpar a serdanê de bê bicihkirin, Tehranê ew red kiriye.
Ev pêşhat di demekê de ne ku Îraq ji bo hinardekirina petrola xwe bi rêjeyeke mezin xwe dispêre Kendavê û pêdiviyeke wê ya mezin bi gaz û ceryana Îranê heye, û ev yek hevdem e ligel berdewamiya zextên Amerîkayê ji bo kêmkirina piştbestin bi Tehranê re.

PUKMEDIA