Li Sûriyê di bûyerek hat û çûnê de zêdetir 60 kes bûne qurbanî

Ajans

Dîmenek ji bûyera hat û çûnê

Wezareta Tenduristiyê ya hikûmeta demkî ragihand ku li ser rêya Dimeşqê - Dêra Zorê a li derdora bajarê Humsê yê rojhilat, di qezayeke di navbera du otobusan de 35 kesan canê xwe ji dest dan û 30 kesên din jî bi awayên cuda birîndar bûne.

Li gorî daxuyaniyeke Wezareta Tenduristiyê ya hikûmeta demkî, hejmara miriyan ji ber lihevketina du otobusan li herêma di navbera bajarokên El-Suxne û Tedmur de li gundewarê Humsê yê rojhilat, gihîştiye 35 mirî û 30 birîndarên bi astên cuda yên birîndariyê.

Dr. Necîb El Nesan, Rêveberê Daîreya Ragihandin, Ambûlans û Rewşên Lezgîn ya Wezareta Tenduristiyê, got:Hejmara miriyan ji ber lihevketina du otobusên rêwiyan li ser rêya Dêra Zorê- Dimeşqê niha 35 e, û 30 kes jî birîndar in."

Desthilatdarên têkildar heta niha derbarê sedemên qezayê de hûrgiliyên zêdetir eşkere nekirine, heta ku lêpirsînên li ser pevçûnê bi dawî bibin.

PUKMEDIA