Dadwerî: 358 kg zêr di doza El-Cumeylî de bi hevahengiya bi Kurdistanê re hat bidestxistin

Ragihandina Dadgehê

zêr

Dadgerê lêpirsînê yê Dadgeha Sûcên Giran a Navendî ya Têkoşîna Dijî Gendeliyê ragihand ku bi hevrêziya ligel Herêma Kurdistanê û di bin çavdêriya Serokê Civata Bilind a Dadwerî Dadger Dr. Fayq Zeydan de, 358 kîlogram zêr hatiye vegerandin.

Dadgerê peywendîdar, li gorî daxuyaniya Ragihandina Dadweriyê eşkere kir ku "di dozeke din a lêpirsînê de jî 17 kîlogram hatine desteserkirin, bi vî rengî tevahiya zêrê ku îro Duşemê 13/7/2026an hatiye parastin (desteserkirin) gihîştiye 375 kîlogramî.

Wî her wiha da zanîn ku "ev miqdara zêrên hatine vegerandin, radestî Rêveberê Giştî yê Sindoqa Derxistin û Xezîneyê ya Banka Navendî û cîgirê wî hatine kirin. Ev yek di çarçoveya hewldanên ji bo temamkirina lêpirsînên di doza gumanbarê girtî, wekîlê Wezareta Neftê yê ji bo Karûbarên Parzinandinê Ednan El-Cumeylî, û ji bo vegerandina mal û milkên guhazbar û neguhazbar ên ji vê sûcê hatine bi dest xistin û sizakirina tawanbaran li gorî yasa de pêk hatiye.

PUKMEDIA