Îmad Ehmed ji Nêçîrvan Barzanî re: Xelata te ya rastîn baweriya di dilê xelkê de ye

PUKMEDIA

Nêçîrvan Barzanî û Îmad Ehmed

Berpirsê Mekteba Ragihandin û Hişyariyê ya YNKê, pîrozbahiyê li Nêçîrvan Barzanî dike û dibêje: Pîroz be zilamê nermrêyî, bawerî û dûrbîniyê. Ev xelat, rûmetgirtina zilamekî ye ku bi salan e bi dilsozî, nermrêyî, aramî, dûrbînî û şiyana avakirina baweriyê, di qonaxên hestiyar ên dîroka Herêma Kurdistanê de roleke berçav û bibandor lîstiye.

Îmad Ehmed, Berpirsê Mekteba Ragihandin û Hişyariyê ya Yekîtiya Niştimanî ya Kurdistanê (YNK) di peyameke pîrozbahiyê de ji bo Serokê Herêma Kurdistanê ragihand: Pîrozbahî ji bo Kak Nêçîrvan Barzanî, mêrê nermrêyî, bawerî û dûrbîniyê. Bi boneya xelatkirina kak Nêçîrvan, bi yek ji xelatên herî bilind û birûmet ên Îtalyayê, ez pîrozbahiyên xwe yên herî germ pêşkêşî birêz dikim.
Her wiha got: Ev xelat ji bo min ne tenê rûmetgirtina serokekî ye, belku rûmetgirtina zilamekî ye ku bi salan e bi dilsozî, nermrêyî, aramî, dûrbînî û şiyana avakirina baweriyê, di qonaxên hestiyar ên dîroka Herêma Kurdistanê de roleke berçav û bibandor lîstiye.

Û weha dibêje: Dema ku ez li ser wan rojan dihizirim ku me di kabîneyên Hikûmeta Herêma Kurdistanê de bi hev re kar dikir, wêneya zilamekî li ber çavên min e ku di biryardanê de wêrek û xwedî bawer bû, di reftaran de nermrê û xweşreftar bû, di dostaniyê de heval û dost bû, û di xwendina rûdanan de jî dûrbîn û hûrbîn bû.

Îmad Ehmed her wiha diyar kiriye: Hinek post û pile bi derbasbûna demê re bi dawî dibin, lê tiştê ku di bîra mirovan de dimîne, şêwazê reftarê, rêzgirtina li mirovan û şiyana parastina dostaniyê ya di nav cudahiyan de ye. Kak Nêçîrvan ji wan kesan e ku dikare bi cudahiyan re guftûgoyê bike û di nav qeyranan de, deriyê hêvî û çareseriyê vekirî bihêle.

Di dawiyê de jî nivîsiye: Ji dil û can pîrozbahiyê li Kak Nêçîrvan Barzanî dikem û hêvîdar im ev xelatkirina navdewletî bibe handerekî zêdetir ji bo berdewambûna li ser xizmeta aştiyê, pêkvejiyanê, guftûgoyê û parastina berjewendiyên bilind ên Herêma Kurdistanê. Pîroz be Kak Nêçîrvan, hinek xelat bi sîng ve tên hilgirtin, lê xelata rastîn ew bawerî ye ya ku mirov di dilê gel de bi cih dihêle.



PUKMEDIA