Nûnerê YNKê li Çînê beşdarî konferanseke navneteweyî dibe

PUKMEDIA

Konferansa Navnetewî li Çînê

Îro Duşeme 6/7/2026`an, endamê serkirdayetiyê û berpirsê malbenda duyemîn a Kerkûkê ya Yekîtiya Niştimanî ya Kurdistanê (Rewend Mela Mehmûd), beşdarî konferanseke navneteweyî li Çînê bû.

Di roja yekem a konferansê de, Rewend Mela Mehmûd gotara fermî ya Yekîtiya Niştimanî ya Kurdistanê (YNK) pêşkêş kir û di destpêka axaftina xwe de bal kişand ser dîroka qurbanî ya gelê Kurd wekî neteweyek ku rûbirûyê hovanetirîn operasyonên Enfal û kîmyabaran û bi erebkirinê bûn.

Nûnerê YNKê tekez kir ku Yekîtiya Nîştimanî ya Kurdistanê di sala 1975an de li ser destê Serok Mam Celal Talebanî ve wekî pêdiviyek dîrokî û hêzek çepgir ji bo azadiyê hatiye damezrandin, û got ku YNKê xwediyê zêdetirîn şehîd û qurbaniyan e li Kurdistanê û îro jî partiyeke bi bandore li Herêma Kurdistanê, Iraq û deverê û bi rêbertiya Serok Bafil Celal Talebanî li ser heman rêbazê dirêjpêderê xebata xwe dide ji bo edalet, pêşketin û xizmeta civakê.

Konferans, ku dê ji 6 heta 14ê Mijdarê li Pekînê were lidarxistin, dê ji hêla Rêveberiya Têkiliyên Derve ya Komîteya Navendî ya Partiya Komonîst a Çînê  ve bi amadebûna serokatiya partiyên çepgir ên li welatên Erebî yên Asya û Afrîkayê birêve biçe.

Armanca sereke ya konferansê ew e ku têkiliyan kûr bike, danûstandina nêrînan û baweriya siyasî di navbera Partiya Komonîst a Çînê û partiyên çepgir de xurt bike.

PUKMEDIA