Zeydî spasiya YNKê dike ji bo piştgiriya wan di şerê li dijî gendeliyê de

Nivîsingeha Ragihandina Serokwezîr

Serokwezîr Alî Falih El Zeydî

Elî Felih El Zeydî Serokwezîrê Îraqê spasiya xwe ya kûr ji bo Yekîtiya Niştimanî ya Kurdistanê (YNK) anî ziman ji ber ku di şerê li dijî gendeliyê de li kêleka hikûmetê ye.

Di postek li ser platforma X de, El Zeydî piştrast kir ku hikûmeta wî "bi biryardariyeke bê rawestan berdewam dike li dû gendelkaran, vegerandina mal û milkên dewletê û avakirina dewletek sazî û dadperweriyê  û çiqas dijwarî û çiqas fişar dijwar bin jî, ewê ji vê riyê paşve gavan paşve neavêje.

Serokwezîrê Îraqê her wiha spasiya xwe ya kûr ji gelê Îraqê û hemî sazî, kesayetî û partiyên ku di şerê li dijî gendeliyê de piştgirî dane hikûmeta wî re anî ziman, bi taybetî behsa YNK kir.

Her wiha El Zeydî spasiya xwe ya dilsoz ji bo "Parlemana Îraqê, Civata Bilind ya Dadwerî, rayedarên olî yên rêzdar, serokê Tevgera Neteweyî ya Şîeyan, Seyîd Muqtede El Sedir, birayên di Çarçoveya Hemahengiyê de,Civata Siyasî ya Neteweyî" û saziyên din yên "ku di şerê li dijî gendeliyê de li kêleka hikûmetê ne kir.

El Zeydî tekez kir ku "ev piştgiriya berfireh ya neteweyî piştrast dike ku tekoşîna li dijî gendeliyê ne tenê şerekî ji bo hikûmetê ye, lê şerekî ji bo tevahiya neteweyê ye, ku têde her kes ji bo parastina pereyên giştî, serweriya yasayê û pêşeroja Îraqê yek dibe.

PUKMEDIA