Ji ber erdhejê 50 hezar kes li Venezuelayê winda ne

AFP

Wêneyê piştî erdhejê

Piştî ku di çend rojên borî de du erdhejên bihêz Venezuela hejandin îro hejmara miriyên herdu erdhejan gihîştiye 920 kesan, di heman demê de 50 hezar kes hîn jî winda ne û çarenivîsa wan jî nediyarin.

Serokê tîma alîkariyê ya Neteweyên Yekbuyî ragihand: Piştî herdu erdhejên bihêz li Venezuelayê 50 hezar kes heta niha winda ne û çarenivîsa wan jî nediyare.

Wezîrê Navxwe yê Venezuelayê îro ji bo parastina wan, qedexe kir ku welatiyan nêzîkî avahiyên hilweşiyayî û zirar dîtî bibin.

Li gorî daxuyaniyên rayedarên wî welatî, hejmara miriyan gihîştiye 920 kesan û tê payîn ku ev hejmar zêde bibe, nemaze ji ber ku avahiyek niştecîbûnê ya ku bi sedan xanî tê de hebûn hilweşiyane.

Ajansên mirovî yên NY gotin ku tîmên taybet ji herî kêm 17 welatan gihîştine Venezuelayê da ku alîkariya kesên saxmayî bikin, di heman demê de Amerîkayê plan kiriye ku ji bo heman armancê tîmek taybet bişîne.
Navenda Lêkolînên Jeolojîk ya Amerîka (USGS) ragihand: Erdheja yekem bi 7.2 pileyî li gorî pîvana Rexter bû, û piştre 39 saniye şûnda ya duyemîn bi 7.5 pileyî li gorî pîvana Rexter dever hejand, her weha piştî herdu erdhejên serekî  zêdetir li 30 erdehejên din eww elata hejandiye  û behsa wê yekê jî hatiye kirin ku, avahiyên li deverên peravê La Guayra yên Venezuelayê bi giranî zirar dîtine.

Di roja 25ê Hezîranê 2026`an de du erdhejên bihêz Venezuela hejandin.

PUKMEDIA