Danûstanên Amerîka û Îranê li Swîsre bi rêve diçin

Medya

Birêveçûna danûstanên Amerîka û Îranê

Beriya niha danûstanên di navbera Îran û yên Amerîka li ser Gola Lucerne ya Swîsreyê dest bi danûstandinan kirin û rêkeftina aştiyê ya mayînde û vekirina Tengava Hurmuz û rewşa Lubnanê dê di nav mijarên herî girîng yên danûstandinan de bin.

Îro Yekşem rêkefta (21-06-2026) an danûstanên şandeya Amerîka bi serokatiya Cîgirê Serokê Amerîka Jay Devans û Serokê şandeya Îranê Mihemed Baqir Qalibaf bi navbeynkariya Qeter û Pakistanê bi rêve diçe.

Derbarê rewşa danûstanan, Berdevkê Wezareta Derve ya Qeterê Macid Ensarî ragihand ku hevdîtin berdewam dikin û em hêvî dikin ku ev civîn bigihîjin rêkeftineke berfireh ku dê hemû aliyên yadeştnameya têgihîştinê ya di navbera Tehran û Washingtonê de çareser bike.

Derbarê bi rêveçûna danûstandinan jî, piştî îmzekirina peymanê, Berdevkê Wezareta Derve ya Qeterê ragihand ku, ji bo danûstanên li ser mercên herdu aliyan, dê komên teknîkî û pispor bên avakirin û em wekî Qeter, dê bi Pakistanê re navbeynkariya xwe bidomînin.

Di heman demê de, Cîgirê Serokê Amerîka Jay Devance berî civînê ragihand ku,em aştiyeke mayînde bi riya dîplomasiyê dixwazin û tekez kir ku Tengava Hormuzê hatiye vekirin û pêngavên baş ji bo gihîştina rêkeftinekê hatine avêtin.

Vance amaje bi wê yekê kir ku di du demjimêrên borî de di danûstanan de pêşketineke girîng çêbûye û got:Ji bo cara yekem, emê rasterast bi Îraniyan re bicivin daku pirsgirêkên mayî çareser bikin.

Ev yek di demekê de ye ku, biryar bû roja Înê (19-06-2026) an Peymana aştiyê ya di navbera Amerîka û Îranê de li Swîsre bihata îmzekirin, lê ji ber temam nebûna rêkarên ku heta îro hatin paşxistin, hewldana aştiyê ya mayînde di navbera Amerîka û Îranê de di 11ê Nîsana 2026an de, bi navbeynkariya Pakistanê dest pê kir, û çend têkçûnên dawî di dawiyê de gihîştin rêkeftineke dawî.

PUKMEDIA