Lûtkeya Qahîre:Rêbwar Teha parêzgarê herî baş yê Îraqê ye

Rûpela Rêbwar Teha

Rêbwar Teha

Sekreteriya Giştî ya Lûtkeya Qahîre ya ji bo Dahênan û Bandorê hilbijartina Rêbwar Teha wekî parêzgarê herî baş yê Îraqê ye ji bo sala  2025 an û ragihand ku, evjî wek rêzgirtina li hewldanên wî yên serkeftî di birêvebirina parêzgeha Kerkûkê de.

Di daxuyaniya lûtkeyê de hatiye: Hilbijartina Rêbwar Teha piştî nirxandineke pîşeyî ya berfireh hat kirin ku dît ku wî modelek îdarî ya bê hempa li ser bingeha nermbûn û hevsengiyê pêşkêş kiriye û kariye bi aqilane Kerkûk, ku têde pêkhateyên cuda yên Kurd, Ereb, Tirkmen û Xiristiyan hene, birêve bibe û ji bo xurtkirina aştî û aramiya civakî, dûrî cudakariya siyasî û etnîkî, bixebite.

Komîteya rêkxwe ya lûtkeyê li ser bingeha pênc pîvanên sereke ev sernav da Rêbwar Teha, ku ev jî ev in:Parastina hevsengiyê di navbera hemû pêkhateyan de û xurtkirina prensîpa "rêveberî ji bo xizmeta hemûyan" dûrî nakokiyên siyasî û lîstina roleke bi bandor di aramkirina rewşa giştî de û piştgirîkirina aramî, û bilindkirina asta xizmetguzariyan û xurtkirina baweriya welatiyan bi saziyan, naskirina Kerkûkê wekî mînakek xweşik ya jiyana hevbeş.

Hêjayî gotinê ye ku, Lûtkeya Qahîre platformek pêşeng ya Erebî ye ji bo xelatkirina dahêneran di warên karsazî û pêşkeftinê de û di xula îsal de ku dê di meha Tîrmehê de were lidarxistin, dê kesayetî û saziyên cûrbecûr ji Îraq û Erebistana Siûdî, Îmaratên Yekbûyî yên Erebî, Misir, Behrêyn, Tunis û Omanê beşdar bibin.

PUKMEDIA