Trump Îranê bi xistina helîkoptera Apaçî ya Amerîkî tawanbar dike

PUKMEDIA

Donald Trump

Serokê Amerîkayê Donald Trump ragihand ku Îranê helîkoptereke artêşa Amerîkayê li ser Tengava Hormizê xistiye xwarê. Trump gefa bersivdayîna vê rûdanê xwar, ku ev piştî peymana agirbestê ya navbera Amerîkayê û Îranê rûdana yekem a bi vî rengî ye.

Trump di daxuyaniyeke li ser platforma "Truth Social" de diyar kir ku di helîkopterê de du pîlot hebûn, her du jî hatin rizgarkirin û ti zirar negihîştiye wan.
Derbarê gavên bê de, Trump anî ziman ku divê bersiva vê êrîşê bide, lê hûrgiliyên li ser şêwaz, mezinahî û dema vê bersivê neda.
Malpera "Axios" ji zarê berpirsekî Amerîkî ve veguhast ku li gorî encamên lêkolînê, firokeyeke bêpîlot (drone) ya Îranî li helîkoptera Amerîkî ketiye û bûye sedema ketina wê. Lê belê lêkolînê hîn zelal nekiriye ka lihevketina dronê bi zanebûn bûye an na.
Çavkaniyeke agahdar ji tora CNN re ragihand ku drona ku li helîkoptera Amerîkî ketiye, ya Îranî û ji cureyê "Şehid" bûye.
Helîkoptera êrîşê ya "Apaçî AH-64" xwedî şiyana manewrayê ya pir bilind û kujer e. Ew dikare di şert û mercên cuda yên hewayî de, li nêzîk û di kûrahiyê de operasyonan pêk bîne da ku tank, serbaz û armancên madî di hawirdorên şer ên aloz û cihêreng de ji nav bibe.

PUKMEDIA