Parlemana Ewropa Pêvajoya Aştiyê li Turkiye gotûbêj kir

Medya

Civîna Parlemana Ewropa

Parlemana Ewropa li ser pêvajoya aştiyê û civaka demokratîk li Bakurê Kurdistanê û Tirkiyeyê gotûbêj kir,her weha behsa rola Ebdulah Ocalan Rêberê Partiya Karkerên Kurdistan ya xwe hilweşandî di vê pêvajoyê de kirin û ragihandin ku divê yasa ji bo her kesî bi awayekî wekhev were sepandin û mafên girtiyan werin parastin.

Rûniştin bi beşdariya Sekreterê Giştî yê Komeleya Parêzeran ya Ewropayê ji bo Demokrasî û Mafên Mirovan, parlamenterên Ewropî û nûnerên Enstîtuya Mafên Mirovan ya Komeleya Yasanasên Navneteweyî bû û li ser raporta Nûnerê Yasayî yê Serbixwe ji bo Pêvajoya Aştiyê li Bakurê Kurdistan û Turkiyê gotûbêj kirin.

Di civînê de her wiha pêwîstiya çavdêriya navneteweyî û girîngiya helwesta Ebdulah Ocalan Rêberê Partiya Karkerên Kurdistan ya xwe hilweşandî di serkeftina pêvajoyê de hate destnîşankirin,her wiha ji bo bi dawîkirina tundûtûjiya li welêt, beşdarbûna aliyên sêyemîn jî hate pêşniyarkirin.

Li gorî agahiyan, rêkxerên civînê bawer dikirin ku pirsa ziman û mafên neteweyan pir girîng in û divê yasa ji bo hemûyan bi wekhevî were sepandin û mafên girtiyan werin parastin.

PUKMEDIA